banner

Monday, 16 September
23 September 2016 | 13:40

ევროპასთან სავაჭრო ურთიერთობები და გამოწვევები - როგორ აპირებენ პოლიტიკური პარტიები პრობლემების მოგვარებას?

ევროპასთან სავაჭრო ურთიერთობები და გამოწვევები - როგორ აპირებენ პოლიტიკური პარტიები პრობლემების მოგვარებას?

 

უკვე 2 წელია, საქართველოსთვის მსოფლიოს უმსხვილესი ბაზარი ღიაა. 28 ქვეყანა და 500 მილიონზე მეტი მომხმარებელი - 2014 წლის პირველი სექტემბერიდან DCFTA-ის ამოქმედებამ საქართველოში წარმოებული საქონლისა და მომსახურებისთვის ახალი შესაძლებლობები გააჩინა. ღრმა და ყოვლისმომცველი თავისუფალი სავაჭრო შეთანხმება ნულოვანი საბაჟო ტარიფით 9600 დასახელების პროდუქციის ექსპორტირების საშუალებას იძლევა. DCFTA-ის ამოქმედებიდან 2 წლის შემდეგ სპეციალისტები ამბობენ, რომ ევროკავშირთან სავაჭრო ურთიერთობების თვალსაზრისით ძირეული ცვლილებები არ მომხდარა. რა ფაქტორები აფერხებს ქართული პროდუქტის ექსპორტს ევროპაში? ISET კვლევითი ინსტიტუტის მკვლევარი  რატი კოჭლამაზაშვილი ამ მიმართულებით რამდენიმე მთავარ პრობლემას გამოყოფს.

  • ნულოვანი ტარიფებით ევროკავშირის ბაზარზე შესვლის მსურველ ქართველ მეწარმეებს საერთაშორისო სტანდარტების დაკმაყოფილება მოეთხოვებათეს არის მთავარი პრობლემა, ქართული პროდუქტი ევროპულ სტანდარტებს ვერ აკმაყოფილებს. თუ გვინდა პროცესი დავაჩქაროთ, ამ მხრივ ხელისუფლების დახმარებაა საჭირო, სხვა შემთხვევაში დროში გაიწელება.
  • მეორე, ეს არის პროდუქციის მცირე რაოდენობა. შესაძლოა, მეწარმე მოელაპარაკოს მყიდველს, კონტრაქტიც გააფორმოს, მაგრამ არ შეუძლია შესაბამისი რაოდენობით პროდუქტის წარმოება და ექსპორტირება. ევროპაში ყველა კონკრეტულ ოდენობას ითხოვს.
  • შემდეგ მოდის ექსპორტის ლოჯისტიკასთან დაკავშირებული საკითხები, რაც ასევე ძალიან მნიშვნელოვანი ფაქტორია.
  • ასევე, ქართულ პროდუქტს სჭირდება შესაბამისი ფიარი. დღეს გერმანიაში 2 ევროდ       იყიდი ნორმალურ ღვინოს, ქართული კი 10-15 ევრო ღირს, გერმანელები გვეუბნებიან, შესაძლოა, თქვენი ღვინო უნიკალურია, მაგრამ ვიღაცამ საერთოდ არ იცის იქ საქართველო და რატომ იყიდის? ბრენდს თუ ქმნი, შესაბამისად უნდა წარმოაჩინო და მისი ცნობადობა გაზარდო“, - აცხადებს რატი კოჭლამაზიშვილი.

იმისთვის, რომ საქართველომ DCFTA-ით გათვალისწინებული ყველა სარგებელი მიიღოს, ხელისუფლებამ თავისი რესურსები მაქსიმალურად ეფექტიანად უნდა გამოიყენოს - ამაზე დღეს ყველა თანხმდება; მეტიც, სპეციალისტები იმასაც ამბობენ, რომ პირველ ეტაპზე სახელმწიფოს მხრიდან მეწარმეებისთვის გარკვეულ დონეზე დახმარებაც აუცილებელია. პრინციპი, რომ ყველაფერი ბაზარს უნდა მივანდოთ, ამ შემთხვევაში შესაძლოა, არც ისე ეფექტიანი იყოს.

„მაგალითად, დავაწესეთ კონკრეტული ვადა, რომ ამ დრომდე ყველამ უნდა დააკმაყოფილოს ევროპული სტანდარტი, თუ სხვადასხვა მიზეზის გამო ვერ დანერგეს, შემდეგ რას ვშვრებით? ვაჯარიმებთ მუდმივად? ვხურავთ ყველას? ეს არავისთვის მომგებიანი არ იქნება, გარკვეულ დონეზე დახმარება სახელმწიფოს მხრიდან აუცილებელია, ეს სტანდარტები ასეთი მოთხოვნადი რომ არ იყოს, შეიძლებოდა, ბაზრისთვის მიგვენდო, მაგრამ რადგან ჩვენც ვითხოვთ ჩვენს შიდა ბაზარზე, მხარდაჭერა აუცილებელია. კარგია, რომ ბიზნესიც მაქსიმალურად იყოს ამ პროცესში ჩართული“, - ამბობს ISET ის მკვლევარი.

eugeorgia.info დაინტერესდა, როგორ აპირებენ პოლიტიკური პარტიები ევროკავშირთან სავაჭრო ურთიერთობების გაღრმავებას და ამ მიმართულებით არსებული პრობლემების მოგვარებას.

„ქართული ოცნების“ საარჩევნო პროგრამაში საგარეო სავაჭრო ურთიერთობების თავის პირველი საკითხი ბიზნესისთვის ახალ ბაზრეზბზე შესვლაში დახმარებას ეძღვნება. ასევე, ვკითხულობთ, რომ განვითარდება ონლაინ პლატფორმა, რომელიც სრულ ინფორმაციას მიაწვდის ქართველ ექსპორტიორებს მათთვის საინტერესო ბაზრებზე არსებული მდგომარეობის შესახებ, შეიქმნება კომერციული ატაშეების ინსტიტუტი,ევროკავშირის მოთხოვნებთან შესაბამისობაში მოსაყვანად კი გაიზრდება საწარმოების სახელმწიფო მხარდაჭერა. დოკუმენტში არ არის ლაპარაკი ევროპული სტანდარტების დანერგვისა და პროდუქციის მცირე რაოდენობასთან დაკავშირებული პრობლემების მოგვარების გზებზე. „ქართული ოცნების“ სიის მერვე ნომერი რომან კაკულია ჩვენთან ინტერვიუში ამბობს, რომ ხელისუფლება საექსპორტო პოტენციალის მქონე პროდუქტების გამოსავლენად კვლევების ჩატარებას გეგმავს, პარალელურად კი მეწარმეებს ევროპული სტანდარტებისა და სხვა მნიშვნელოვან საკითხებზე ინფორმაციას მუდმივ რეჟიმში მიაწვდის.

„ერთ-ერთი მთავარი მიმართულება იქნება ე.წ. კონკურენტული უპირატესობის შეფასება. არსებობს პროდუქტების სია, რომელთა საექსპორტო პოტენციალი უკვე აღიარებულია, დამატებითი კვლევები, კიდევ რას აქვს მსგავსი უპირატესობა, ევროკავშირის პროექტის (DCFTA facility) ფარგლებშიც ჩატარდება , ასევე, ეკონომიკის სამინისტროსთან ერთად დაიწყება მუშაობა ამ მიმართულებით. უახლოეს ექვს თვეში უნდა იყოს ამაზე პასუხი. იწყება პროგრამა DCFTA facility, რომელიც მოიცავს, როგორც კონკრეტულ დახმარებას მეწარმეებისთვის, ასევე კომპონენტს, რომლითაც საკონსულტაციო მომსახურება დაფინანსდება. ეს, რა თქმა უნდა, მთელ საქართველოს ვერ მოიცავს, თუმცა ყველა რეგიონში შეიქმნება საკონსულტაციო ცენტრები. შეირჩევიან ბიზნესმენები, რომლებიც მიიღებენ შესაბამის რეკომენდაციებს, მეორე მხრივ, ტრენინგები ჩატარდება ქართული საკონსულტაციო კომპანიებისთვისაც“, - ამბობს რომან კაკულია.

ქვეყნის მასშტაბით სოფლის-მეურნეობის სამინისტროს 56 საექსტენციო ცენტრი უკვე აქვს. საკონსულტაციო მომსახურების გაძლიერება აღნიშნულ ბაზაზე მოხდება თუ დამატებით კიდევ ახალი სამსახურები შეიქმნება? ამ შეკითხვაზე რომან კაკულია გვპასუხობს, რომ „სოფლის მეურნეობის სამინისტროს ცენტრების გამოუყენებლობა მცდარი იქნებოდა, ადამიანები არიან დასაქმებული, დატრენინგებული, რა თქმა უნდა, მათი მეშვეობითაც გავრცელდება ინფორმაცია, მაგრამ დამატებითაც შეიქმნება“.

„ქართული ოცნება“ მიიჩნევს, რომ აუცილებლად უნდა გაგრძელდეს ისეთი სახელმწიფო პროგრამები, როგორიცაა „აწარმოე საქართველოში“ „დანერგე მომავალი“. მიუხედავად იმისა, რომ ჯერ ამ პროგრამების შედეგები არ დათვლილა და არ არსებობს ინფორმაცია, რა სარგებელი მოუტანა ბიუჯეტიდან დახარჯულმა მილიონობით ლარმა ქართულ ეკონომიკას, რომან კაკულია ჩვენთან ინტერვიუში ამბობს, რომ სახელმწიფო პროგრამები არ შეჩერდება.

„არ გვქონია ილუზია, რომ ამ პროგრამის ფარგლებში ერთ წელიწადში რადიკალურად შეიცვლებოდა მდგომარეობა. შედეგი არ არის ხოლმე 2 რამის გამო, ან არასწორია მიდგომა, ან საკმარისი არ არის თანხა, ჩვენ დარწმუნებული ვართ, რომ შედეგი თუ არ იქნება ისეთი, როგორიც ჩვენ გვინდა, ეს მხოლოდ იმიტომ, რომ საკმარისი რესურსი არ ჩაიდო და არა იმიტომ, რომ მიდგომა იყო არასწორი. მიდგომა არის სწორი, ამიტომ უფრო მეტი რესურსი ჩაიდება ამ პროგრამებში“, - ამბობს რომან კაკულია.

ევროკავშირთან სავაჭრო ურთიერთოებების გაღრმავებაზე, ამ მიმართულებით არსებული პრობლემების მოგვარების გზებზე არ არის ლაპარაკი ნაციონალური მოძრაობის წინასაარჩევნო პროგრამაში.

„ზოგადად ლაპარაკი იმაზე, რომ ექსპორტს წახალისება სჭირდება, რომ კვლევები ჩატარდება, ეს ყველაფერი პროგრამისთვის ძალიან ზოგადი და არაფრისმთქმელია. გვაქვს კონკრეტული დაპირებები. ევროკავშირის ფონდებიდან მოვიზიდავთ თანხებს, რათა ყველა მეწარმემ შეძლოს ევროკავშირთან თავისუფალი ვაჭრობის ხელშეკრულებით გათვალისწინებული პაკეტით სარგებლობა, ჩვენ შევქმნით პირობებს, რომ 2019 წლიდან დაიწყოს ევროპის ერთიან ეკონომიკურ სივრცეში საქართველოს გაწევრიანების პროცესი“, - ამბობს სერგი კაპანაძე.  

eugeorgia.info დაინტერესდა, პროგრამის მიღმა თუ არსებობს გეგმა, როგორ უნდა მოგვარდეს პრობლემები, რომლებიც დღეს DCFTA-ს სარგებლის მაქსიმალურად მიღებას უშლის ხელს? 

„დეტალებში არ გვაქვს. პროგრამაში ჩავდეთ მხოლოდ ის კონკრეტული სიახლეები, რაც ჩვეულებრივ საჯარო სამსახურის ფუნქციების მიღმაა, ის, რომ კვლევა ჩატარდება, მეწარმეები მიიღებენ მეტ ინფორმაციას, ეს ეკონომიკის სამინისტროს პირდაპირი ფუნქციაა, ამის დაწერას აზრი არა აქვს. ბუნებრივია, ამ ყველაფერს ვაპირებთ, მაგრამ ეს პროგრამა არის უფრო ამბიციური“, - ამბობს სერგი კაპანაძე.

სახელმწიფოს მხრიდან ნებისმიერი სახის სუბსიდირებას კატეგორიულად ეწინააღმდეგებიან პოლიტიკურ ბლოკში - „პაატა ბურჭულაძე - მოძრაობა სახელმწიფო ხალხისთვის“. მოძრაობის ერთ-ერთი ლიდერის ირაკლი ყიფიანის თქმით, ევროპულ სტანდარტებთან დაკავშირებული პრობლემების მოგვარება განათლების კომპონენტის გაძლიერებით არის შესაძლებელი.

„სახელმწიფოს როლი არ არის, რომ შექმნას რაღაც სააგენტოები, შემდეგ შეისწავლოს ბაზარი, რომელიც მუდმივად განახლებადია, აქედან გამომდინარე ამ პროცესში სახელმწიფოს როლს საერთოდ ვერ ვხედავ. სტანდარტებს რომ ვერ აკმაყოფილებენ მეწარმეები, აქ ვხედავთ სახელმწიფოს როლს და ეს არის განათლების კომპონენტი. თუ ფერმერების გარკვეული ჯგუფი გამოთქვამს სურვილს, რომ ტრენინგი გაიაროს გარკვეული მიმართულებით, ჩვენ ვაუჩერებს გადავცემთ, იქნება სასწავლო პროგრამები. წესით ესეც ბიზნესის საქმეა, მაგრამ რადგან შეიძლება, ბიზნესი ვერ იყოს მოქნილი, სახელმწიფოს როლი განისაზღვრება ვაუჩერული პრინციპით“, - ამბობს ირაკლი ყიფიანი.

კიდევ ერთი მიმართულება, რის გაძლიერებასაც „მოძრაობა სახელმწიფო ხალხისთვის“ გეგმავს, ეს არის საიმიჯო კამპანიები.

„ამ მიმართულებით გაცილებით მეტი უნდა დაიხარჯოს. უფრო მეტად ცნობადი უნდა გახდეს ქართული პროდუქცია და საქართველო ევროპული ბაზრისთვის, როგორც ყველაზე მაღალი ხარისხის, ყველაზე მაღალი კულტურის მქონე, უნდა იყოს საიმიჯო ელემენტები. ეს მხოლოდ სოფლის მეურნეობის პროდუქციის ცნობადობას კი არ გაზრდის, არამედ ზოგადად, ქვეყანაზეც დადებითად იმოქმედებს, საქართველოში წარმოებული პროდუქტის პოპულარიზაციას შეუწყობს ხელს“, - აცხადებს ირაკლი ყიფიანი.

მცირე და საშუალო ბიზნესის საექსპორტო შესაძლებლობების განვითარებაზე აქცენტის გაკეთებას გეგმავს რესპუბლიკური პარტია. როგორც პარტიის წინასაარჩევნო პროგრამაში ვკითხულობთ, „სახელმწიფომ განსაკუთრებული ძალისხმევა უნდა გასწიოს, რომ ქართველ ბიზნესმენებს გაუხსნას ევროპელ ბიზნესპარტნიორებთან თანამშრომლობის არხები“. ასევე, დოკუმენტში ლაპარაკია, რომ სახელმწიფომ ხელი უნდა შეუწყოს ქართული პროდუქციის მოცულობის ზრდას და ექსპორტზე გასვლას,ამ მიზნითკი უნდა განხორციელდეს სპეციალური პროგრამა „ექსპორტის მხარდაჭერისთვის“.

„ექსპორტი რა მიმართულებით უნდა განვითარდეს, რა საინფორმაციო სამუშაოები უნდა ჩატარდეს, ამაზე მომზადდება კვლევები, უნდა შეიქმნას გეგმა, ეს დოკუმენტი მარტივი გასაკეთებელი არ იქნება. მეწარმეებს ნამდვილად სჭირდებათ დახმარება, საჭიროა ინფორმაციის მიწოდება ევროპის ბაზარზე არსებულ ფასებზე, ხარისხსა და მოთხოვნებზე. სახელმწიფომ უნდა უზრუნველყოს ამ სამუშაოების დაფინანსება. ბიზნესს უნდა ჰქონდეს მეტი ინფორმაცია. ამ მიმართულებით იმუშავებს შესაბამისი სახელმწიფო პროგრამა“, - ამბობს ნოდარ ებანოიძე.

ნოდარ ებანოიძის თქმით, მეწარმეების დასახმარებლად ბიუჯეტიდან უფრო მეტი თანხების მობილიზებაა საჭირო. რესპუბლიკური პარტია გამარჯვების შემთხვევაში სახელმწიფო პროგრამებისთვის 600 მილიონი ლარის გამოყოფას გეგმავს.

„უფრო მეტი პრიორიტეტი უნდა იყოს საშუალო და მცირე ბიზნესზე, თანხები საკმარისი არ არის აშკარად. შემდგომი წლების განმავლობაში ორი მიმართულებით გავააქტიურებთ მუშაობას, ეს იქნება სტარტ აპები და მეორე - უკვე არსებული ბიზნესის გაფართოება, საბოლოო ჯამში საგრანტო პოლიტიკას გავზრდით“, - ამბობს ნოდარ ებანოიძე.

ევროკავშირის ბაზარზე კონკურენტული უპირატესობის მქონე პროდუქტების მხარდაჭერას გეგმავენ „თავისუფალი დემოკრატები“. ნათია კუტივაძის თქმით, დღეს კვლევების შედეგებს ნაკლებად ითვალისწინებენ, ხელისუფლებას კი ზოგადი მიდგომა აქვს.

„სახელმწიფო პროგრამები უფრო მიზნობრივი გახდება, სად გვაქვს კონკურენტული უპირატესობა და კონკრეტულ წარმოებას სად აქვს პოტენციალი, ევროკავშირის ბაზარზე გავიდეს, ან ადგილობრივად იმპორტი ჩაანაცვლოს, ამ მიმართულებით გავააქტიურებთ სახელმწიფო პროგრამებს და გაცილებით უფრო მიზნობრივსა და კვლევებზე დაფუძნებულს გავხდით. გავაგრძელებთ კვლევებს ახალი პროდუქტების აღმოსაჩენად, რომლებსაც შესაძლოა, ჰქონდეს უპირატესობა ევროპის ბაზარზე, ამბობს კუტივაძე.

გარდა ამისა, „თავისუფალი დემოკრატები“ მიიჩნევენ, რომ ხელისუფლება მეწარმეებს ევროპული სტანდარტების დანერგვაში უნდა ეხმარებოდეს.

„საჭიროა შესაბამისი რეგულაციების შემუშავება და იმპლემენტაცია, შემდეგ უნდა დავეხმაროთ მეწარმეებსა და ფერმერებს ევროპული სტანდარტების მიღებაში. ამ მიმართულებით შესაძლოა, შემუშავდეს გარკვეული სახელმწიფო პროგრამები, რომლის ფარგლებშიც კონკრეტული პროდუქტის წარმოებაზე იქნება შესაძლებელი შეღავათიანი სესხის აღება. ასევე, მნიშვნელოვანია საინფორმაციო კამპანია, რომ მეწარმეებმა იცოდნენ, რა არის საჭირო ევროპული სტანდარტების დასანერგად“, - ამბობს ნათია კუტივაძე.

საინტერესოა, რომ 2016 წლის იანვარ-აგვისტოში საქართველოს საგარეო სავაჭრო ბრუნვამ ევროკავშირის ქვეყნებთან 1968 მლნ. აშშ დოლარი შეადგინა, რაც წინა წლის შესაბამის მაჩვენებელზე 1 პროცენტით ნაკლებია. აქედან ექსპორტი 317 მლნ. აშშ დოლარი იყო (23 პროცენტით ნაკლები).


მაიკო გაბულდანი

 

 

 

 

 

Read
3773
Send mail

RELATED STORIES

მომავალი წლიდან ქართველი მეწარმეები სტანდარტების მიღებას ონლაინ შეძლებენ

მომავალი წლიდან ქართველი მეწარმეები სტანდარტების მიღებას ონლაინ შეძლებენ

DCFTA-ს სამოქმედო გეგმის თანახმად, დეპარტამენტში უნდა დაინერგოს ხარისხის მენეჯმენტის სისტემა, ISO 9001-2015-ის შესაბამისად

12 April 2018 | 14:12 Detailed
ფიტოსანიტარიის მიმართულებით DCFTA-ს შესრულების მიმოხილვა

ფიტოსანიტარიის მიმართულებით DCFTA-ს შესრულების მიმოხილვა

სანიტარიული და ფიტოსანიტარიული სისტემის გაუმჯობესება და ევროპულ სტანდარტებთან დაახლოება ქვეყნისთვის მნიშვნელოვანია როგორც საერთაშორისო, ისე შიდა ბაზარზე. გაუმჯობესებული სისტემა ქართული პროდუქციის ხარისხს აამაღლებს და გაზრდის მის სანდოობას მსოფლიო ბაზარზე,

21 February 2018 | 14:39 research Detailed
2017 წელს საქართველომ  ფიტოსანიტარიის სამივე ევროდირექტივა კანონმდებლობაში ასახა

2017 წელს საქართველომ ფიტოსანიტარიის სამივე ევროდირექტივა კანონმდებლობაში ასახა

ღრმა და ყოვლისმომცველი თავისუფალი სავაჭრო სივრცის (DCFTA) შესახებ შეთანხმებით, ფიტოსანიტარიის მიმართულებით 2027 წლამდე 87 დირექტივის გათვალისწინება უნდა მოხდეს. 2015-2017 წლებში საქართველოს კანონმდებლობაში 10 დირექტივა აისახა: ამ დრომდე პროცესი თანმიმდევ

14 February 2018 | 15:13 Legislation Detailed

BLOG

„კაპიტალი განსაზღვრავს წარმოებით ურთიერთობებს,“ – კარლ მარქსის ამ ზეცნობილი ფრაზით გილოცავთ კაპიტალიზმის კრიტიკოსებს თქვენი კერპის 200 წლის იუბილეს, და მსურს განვავრცო, რომ იდეოლოგიური განსხვავების მიუხედავად, არა თუ ვეთანხმები, მეტიც, მიმაჩნია, რომ სწორედ კაპიტალი უდევს საფუძვლად არა მხოლოდ წარმოებით, არამედ ნებისმიერი სახის ურთიერთობას სოციუმში, რომელიც პროგრესსა და განვითარებაზეა ორიენტირებული.

2019 წლამდე გადადოს საპენსიო რეფორმის დაწყება და მოამზადოს წინაპირობები კონსერვატიული (და არა სოციალურ-ლიბერალური) მოდელის შემოღებისთვის, იმ დათქმით, რომ დაგროვებითი და საბაზისო პენსიების სქემები ყოველთვის ერთმანეთის პარალელურად იარსებებს

ახალქალაქს მორიგი დაგეგმილი ტრენინგის ფარგლებში ვესტუმრეთ. ამ ნაყოფიერ მიწაზე მშრომელი ფერმერები ცხოვრობენ. სწორედ აქ მოდის ქართულ ბაზარზე არსებული კარტოფილის, ბოსტნეულისა და მარცვლეულის დიდი ნაწილი. ბოლო პერიოდში ჩვენ მიერ ჩატარებული ტრენინგებიდან ეს შეხვედრა ყველაზე ინტერაქციული აღმოჩნდა. გამაკვირვა მათმა ცხოველმა ინტერესმა სიახლისადმი. ისინი მაქსიმალურად ცდილობდნენ მათთვის საინტერესო საკითხზე მიეღოთ რაც შეიძლება მეტი ინფორმაცია.

გასულ კვირას მაკედონიაში ნაციონალისტურად განწყობილ ადამიანთა ჯგუფი შეიჭრა პარლამენტში. 200-კაციანი ბრბო, რომელთა შორისნიღბიანი მამაკაცები იყვნენ, სასტიკად გაუსწორდაწამყვანი მაკედონიური ოპოზიციურიპარტიის და ეთნიკური ალბანელების პარტიის ლიდერებს, მათ შორის ქალბატონს. ეს ორი პარტია აპირებდა ახალი უმრავლების შექმნას მაკედონიის პარლამენტში, რომლის სპიკერად ეთნიკურად ალბანელი პოლიტიკოსი აირჩიეს. პარლამენტში შეჭრილები, რომლებიც ქვეყნის ყოფილი პრემიერ-მინისტრისმომხრეები იყვნენ, ამ ფაქტის ასეთი სისხლიანი გზით ჩაშლას ცდილობდნენ.

დღეს ქართულმეტყველებაში, ალბათ, 7000 სიტყვაზე მეტი არ გამოიყენება, ბარბარიზმებმა კი, რასაც წლებია ვაგროვებ, 1600-ს გადააჭარბა.

კონფლიქტის დაწყებიდან მეექვსე წელს ამერიკის შეერთებულმა შტატებმა ჩაურევლობის პოლიტიკა დაარღვია და ასადის რეჟიმის წინააღმდეგ იერიში პირველად 7 აპრილს, გამთენიისას მიიტანა.

ესტონური წარმატებული პოტიკის მაგალითების მოძიება შესაძლებელია თითქმის ნებისმიერ სფეროში, დაწყებული სახელმწიფო მმართველობიდან, დამთავრებული განათლების პოლიტიკით.

უცხო ქვეყნების კანონებისა თუ რეფორმების კოპირება განვითარების ერთი-ერთი პოპულარული და საქართველოშიც ხშირად გამოყენებადი რეცეპტია. ლოგიკა მარტივია - „საჭირო არ არის ველოსიპედის ახლიდან გამოგონება“. თუმცა, ეს მიდგომა ხშირად არ ამართლებს.

ევროკავშირთან სავაჭრო სივრცის გაფართოების შედეგად ყველა მოსალოდნელი დადებით ეფექტი მიიღწევა გრძელვადიან პერიოდში (5-10 წელიწადი), ხოლო ხარჯების გაღება გვიწევს დღეს, რათა შესაბამისობაში მოვიდეთ ევროკავშირის კანონმდებლობასთანდა საბაზრო მოთხოვნებთან. ისედაც დაძაბულ სოციალურ და პოლიტიკურ ფონზე ამან შესაძლოა საფრთხე შეუქმნას რეფორმების წარმატებით განხორციელებას. შესაბამისად, დაახლოების პროცესი უნდა იყოს თანმიმდევრული და პრიორიტეტები გათვლილი ისე, რომ ბიზნესს ჰქონდეს ზრდის სტიმული; ასევე, მნიშვნელოვანია ექსპორტზე ორიენტირებული დარგების კონკურენტუნარიანობის ამაღლება წახალისდეს. მეორე მხრივ, საქართველოში ევროკავშირის სტანდარტების დანერგვა მეწარმეობასა და ზოგადად ქვეყნის საინვესტიციო სივრცეში პირდაპირი უცხოური ინვესტიციების მოზიდვას და ევროპულ ბაზარზე წვდომას ხელს შეუწყობს. DCFTA-ს სარგებლის სრულად ასათვისებლად, ასევე, აუცილებელია სამუშაო ძალის ბაზრის ცვლილება, რომელიც ამჟამად თავმოყრილია ძირითადად დაბალმწარმოებლურ დარგებში.

მე ძალიან კარგად არ ვიცნობ მაგამედ სარიევს. მაქსიმუმ ორჯერ შევხვედრივარ, პირველად მარნეულში და მეორედ ერთი კვირის წინ გარდაბნის მუნიციპალიტეტში ამჯერადაც ევროკავშირთან სავაჭრო ხელშეკრულების (DCFTA) შესაძლებლობების შესახებ ტრეინინგზე. მაგამედი არც ოლიმპიური ჩემპიონია და მისი ფოტოები არც საჯარო თავშეყრის ადგილებშია გამოფენილი, თუმცა ის რომ საუკეთესო მოქალაქეა, ამ ფაქტს წყალი არ გაუვა!

განვითარების ერთი-ერთი პოპულარული რეცეპტი, რომელსაც საქართველოშიც ხშირად მივმართავთ, უცხო ქვეყნების კანონებისა თუ რეფორმების კოპირებას გულისხმობს. ლოგიკა მარტივია - „საჭირო არ არის ველოსიპედის ახლიდან გამოგონება“. სამწუხაროდ, ეს მიდგომა რიგ შემთხვევაში არ ამართლებს. ვაშლი და ფორთოხალი ორივე მრგვალია და ორივე ხილია, მაგრამ აღნიშნული საერთო მახასიათებლები არ იძლევა საფუძველს გავაკეთოთ დაშვება, რომ მათი ხეები ერთი და იმავე გარემო-პირობებში და ერთნაირი მოვლის მეთოდებით ხარობს.

კეთილდღეობის ეკონომიკის ერთ-ერთი პრინციპია, რომ ზოგიერთ გადასახადს შესაძლოა უკუგავლენა ჰქონდეს ინდივიდების მოტივაციაზე- შექმნან დოვლათი. თუმცა, თუ გადასახადებიდან მიღებული თანხა საკმარისი არ არის ხარისხიანი ინფრასტრუქტურისა და საჯარო სერვისების დასაფინანსებლად, ამანაც შეიძლება დააზარალოს ეკონომიკა.

ინსტიტუტების განვითარებას არა მარტო პროფესიონალების, პოლიტიკური და ეკონომიკური ელიტების სწორად მიმართული შრომა და გადაწყვეტილებები, არამედ მოსახლეობის დამოკიდებულებებისა და ფასეულობების შეცვლაც სჭირდება.

ფერმერებთან ჩვენი შეხვედრის დროს სულიად მოულოდნელად აღმოვაჩინეთ მსმენელებს შორის ორი “თინეიჯერი” ბიჭი; მომავალი ფერმერები მამასთან ერთად გამალებით იწერდნენ პრეზენტაციის დროს მიწოდებულ ყველა ინფორმაციას თაფლის წარმოების არსებული შესაძლებლობების, პრობლემებისა და გამოწვევების შესახებ.

მას შემდეგ, რაც საქართველომ დამოუკიდებლობა მოიპოვა, მთავრობები, პოლიტიკური პარტიები, ექსპერტები, თუ იდეოლოგები გვპირდებიან საქართველოს ეკონომიკურ გაბრწყინებას, რეცეპტად კი ბორჯომის გაყიდვიდან დაწყებული დაბალი გადასახადებით დამთავრებული არაერთ იდეას თუ თეორიას ასახელებენ. ასე გრძელდება 25 წელია და, მართალია, 90-იანი წლების სიდუჭირიდან მოსახლეობის დიდი ნაწილი გამოვიდა, გაბრწყინებამდე ჯერ კიდევ ბევრი გვიკლია.

გუგენჰაიმში აგნეს მარტინმა, MoMA-ს თანამედროვე ხელოვნების ფილიალმა (PS1) ნიუ-იორკში, ჩიკაგოს ხელოვნების ინსტიტუტმა და ჩიკაგოს თანამედროვე ხელოვნების მუზეუმმა კიდევ ერთხელ დამარწმუნა, რომ არ არსებობს გამოხატვის უღირსი საგნები, აღქმები, მოვლენები თუ ამ მოვლენების ინტერპრეტაციები.

სამი წლის წინ ამერიკელმა ჟურნალისტმა ენ ბერნარდმა National Geographic-ისთვის მომზადებულ რეპორტაჟში შემდეგი სიტყვები დაწერა: „თუ დაეცემა დამასკო, დაეცემა სირიაც.“ ომის დაწყებიდან, თითქმის, ექვსი წლის თავზე პრეზიდენტ ბაშარ ალ-ასადის ციტადელად ქცეული სირიის დედაქალაქი გადარჩა, ხოლო ალეპომ, სიდიდით მეორე უძველესმა ქალაქმა და ომამდელი სირიის ბიზნესცენტრმა, დაცემა 2012 წლიდან (სამოქალაქო ომის დაწყებიდან ერთ წელიწადში) დაიწყო, თუმცა, მაინც ბევრს გაუძლო გარდა რუსეთის ავიაიერიშისა.

ციდან ალბათ ყველაზე კარგად ჩანს გერმანული რაციონალიზმი, მიწის და განახლებადი ენერგიიის ათვისება (გუშინ მხოლოდ მიუნხენიდან ფრანკფურტამდე მგზავრობისას 500-ზე მეტი ქარის წისქვილი დავთვალე), ტყის ფართობების და სასოფლო-სამეურნეო სავარგულების ეს რაღაც განსხვავებული სიმეტრიით მონაცვლეობა და, მთლიანობაში, ეს განსხვავებულად დავარცხნილი რელიეფი.

გაძვირებული საიმპორტო ავტომობილების ფასი (გამოწვეული აქციზის ზრდით), სავარაუდოდ, გაახანგრძლივებს საქართველოში არსებული ავტომობილების „ექსპლუატაციის“ ვადას. შესაბამისად, ტექნიკური შემოწმების შემოღების ვადებისა და პირობების გაურკვევლობის პირობებში, შესაძლოა, ტექნიკურად არც ისე სახარბიელო მგომარეობაში მყოფმა ქართულმა ავტოპარკმა გაიხანგრძლივოს მავნე აირებისა და უსიამოვნო ინდუსტრიული ხმების „გამობოლქვის“ პერიოდი.

В шестидесятые годы прошлого века Ферруччо получил от продажи тракторов бόльший доход, чем планировалось, и исполнил свою мечту: поставил в свой гараж новенькую «феррари». Вторая часть этой истории намного интереснее. «Феррари» не оправдала ожиданий Ферруччо. Ферруччо, не раздумывая, явился прямо к Энцо Феррари, чтобы обсудить недостатки машины, он высказал свое мнение и предложил помощь в решении проблем...

გასული საუკუნის სამოციან წლებში ფერუჩომ ტრაქტორების გაყიდვით დაგეგმილზე მეტი შემოსავალი მიიღო და ოცნებაც აისრულა: საკუთარ ფარეხში ახალთახალი «ფერარი» დააყენა. ამ ისტორიის მეორე ნაწილი გაცილებით საინტერესოა.

სადღეგრძელოებზე ჩემმა ბლოგმა იმაზე გაცილებით მეტი ვნებები და კონტრასტული რეაქციები გამოიწვია, ვიდრე ველოდი: მკვეთრად უარყოფითი ძირითადად უფროსი თაობის მხრიდან და მკვეთრად დადებითი ახალგაზრდა და საშუალო ასაკის ხალხის მხრიდან. მკვეთრად უარყოფითი დამოკიდებულების მქონე ადამიანებმა დაიწყეს პირადად ჩემი და ჩემი ქართველობის ლანძღვა კომენტარებში თუ პირად მიმოწერაში, ხოლო მკვეთრად დადებითი დამოკიდებულების მქონე ადამიანებმა -- ჩემი ქება მაღალი მოქალაქეობრივი თვითშეგნების გამო, რამაც გადამაწყვეტინა მეთქვა (ამჯერად უკვე საბოლოოდ), რატომ არ ვეთანხმები არცერთ მხარეს. როცა ვნებები დუღს, როგორც ამბობენ, ჭეშმარიტება ორთქლდება (არა, იმის თქმა არ მინდა, რომ მე ვიცი ჭეშმარიტება).

ბოლო შვიდი წელია ქართულ სუფრაზე არ ვყოფილვარ, სანამ გუშინ ძირითადად ახალგაზრდებისგან შემდგარ ჯგუფთან ერთად არწივის ხეობაში და ხორნაბუჯზე ლაშქრობის შემდეგ ერთ რესტორანში მათთან ერთად არ აღმოვჩნდი. მოკლედ, ამ ადამიანების ასაკმა და განათლებამ მაფიქრებინა, რომ ეს ხალხი არ დალევდა იმ სადღეგრძელოებს, რის გამოც ქართულ სუფრებს გავურბივარ. მოლოდინი არ გამართლდა. ამ სუფრაზეც შეისვა „საქართველოს გაუმარჯოს”, ჩვენი სიყვარულის (იგულისხმება სუფრაზე მსხდომნი), მეგობრობის და ხვალინდელი დღის სადღეგრძელოები. ამ სადღეგრძელოებს გვთავაზობდა ერთ-ერთი ჩვენი თანამოლაშქრე ბიჭი, რომელმაც თქვა მე თამადა არ ვარო, თუმცა ტრადიციული თამადისგან მხოლოდ იმით განსხვავდებოდა, რომ დალევას არ გვაძალებდა.

პანკისი - სტერეოტიპების მსხვერპლი ულამაზესი კუთხე

გამარჯობა, მინდა ეს ბლოგი დავწერო ქართული მატყლის პრობლემაზე და თხროცა დავიწყო ახლოს წარულიდან, აასევე გაგაცნოთ მატყლის პრობლემის მოგვარების უელსური მოდელი.

უიმედო და არაინფორმირებული გურულები 6 ივლისს ლანჩხუთის მინუციპალიტეტის სოფელ ჯურუყვეთში ვნახე. არაინფორმირებული ევროინტეგრაციის პროცესებზე, უიმედო თავიანთი სოციალური მდგომარეობით.

აბორტის უფლება ერთ-ერთი მნიშვნელოვანი პოსტულატია ადამიანის უფლების კონვენციაში. გაეროს CEDAW-ს კომიტეტის დეკლარაციაში წერია: „გაეროს წევრმა ქვეყნებმა ხელი უნდა შეუწყოს ჯანდაცვის სფეროში ქალის მიმართ ყველანარი დისკრიმინაციის აღმოფხვრას, ქალის და კაცის უფლება თანაბრად უნდა იყოს დაცული და ქალებს უნდა ქონდეთ წვდომა ჯანდაცვის სერვისებზე, ოჯახის დაგეგმარების ჩათვლით“.

Brexit -ის მოწინააღმდეგები მოსახლეობას აფრთხილებდნენ უპირატესად ეკონომიკური შედეგების თაობაზე: ბრიტანეთის ფინანსთა სამინისტროს პროგნოზით, Brexit-ის შემდგომ ყოველი ბრიტანული ოჯახი 4300 ფუნტს დაკარგავს წელიწადში 2020 წლისათვის იქნება სავარაუდოდ, 100 მილიარდი ფუნტის ეკონომიკური ზარალი. 950 000 სამუშო ადგილს შეექმნება საფრთხე. პროფესიული გაერთიანებების ვარაუდი უფრო დრამატულია: 4 მილიონი სამუშაო ადგილი საფრთხის ქვეშაა, განსაკუთრებით კი, ექსპორტთან დაკავშირებულ სფეროებში, საავტომობილო და ქიმიურ ინდუსტრიაში. ბევრი ფირმა კონტინენტურ ევროპაში გადავა. შემცირდება პირდაპირი ინვესტიციები.

ბატონი სერგო ქალაქ თელავიდან თან რეალური პიროვნებაა და თან კრებითი სახელია იმ ადამიანებისა, რომლებიც ევროინტეგრაციის მიმართულებით ინფორმაციულ შიმშილს განიცდიან.

გერმანიაში მმართველი კოალიციის პარტიების: CDU -სა და CSU- ს ცალკეული პოლიტიკოსები სკეპტიკურად არიან განწყობილნი, რამდენად გონივრულია საქართველოსთვის ვიზალიბერალიზაციის მინიჭების თაობაზე ევროკომისიის გეგმა. მათ არგუმენტად მოჰყავთ ქართული კრიმინალური დაჯგუფებების მზარდი მასშტაბი და გავლენები ევროპაში, ამასთან, საქართველოს მოქალაქეების მიერ ლტოლვილის სტატუსის ბოროტად გამოყენების ტენდენციად ქცეული ფაქტები. ეს არგუმენტები რეალობაში საფუძველს მოკლებული როდია, მაგრამ სწორედ ამ თემის წამოწევა საქართველოს სახელმწიფოსათვის ეგზისტენციალურად მნიშვნელოვანი საკითხის გადამწყვეტ ფაზაში აღაშფოთებს ქართულ საზოგადოებას:

„სურსათის უვნებლობა ევროკავშირმა რომ არ მოგვთხოვოს, ისე არ უნდა გვქონდეს“? - ეს რეპლიკა მესტიაში ჯერ კიდევ “გაუხურებელი” ტრენინგის მიმდინარეობის დროს ადგილობრივმა ზაზა დევდარიანმა “გვესროლა”.

პილოტმა დაშვება გამოაცხადა. ქვევით თვალი მომჭრა აღმოსავლეთსა და უდაბნოს კლიმატისთვის უჩვეულო სიმწვანემ, რომელიც თელ-ავივის აეროპორტის ზოლამდე მთელი 20 წუთის განმავლობაში არ დასრულებულა. გაოცებამ დროებით გადამავიწყა „აირზენას“ ღარიბული, უგემური მენიუ და ლამაზი, მაგრამ უჟმური და მოძველბიჭო სტიუარდესა. - ყვავის ყველაფერი, - მითხრა სიამაყით გვერდით მჯდომმა შუახნის მამაკაცმა, რომელიც საქართველოდან ისტორიულ სამშობლოში ღრმა ბავშვობაში გადასახლდა.

ცოტა ხნის წინ გავრცელდა ინფორმაცია "ჩერნომორენერგოს" დირექტორის, ასლან ბასარიას განცხადების შესახებ, რომელსაც ენგურჰესის დირექტორის ლევან მებონიაც ადასტურებს და რომლის მიხედვით ენგურჰესის მიერ გამომუშავებული არცერთი კილოვატი ამ ეტაპზე საქართველოს არ მიეწოდება და მთლიანად აფხაზეთს მიაქვს, ხოლო ზამთრისა და გაზაფხულის პერიოდში წაღებული ელექტროენერგიის რაოდენობა გამომუშავებულის 80%-ს შეადგენს.

არავის უკვირს ის ფაქტი, რომ რადიკალური ისლამის წარმომადგენელები მკაცრად აკრიტიკებენ დემოკრატიას, რადგან ის შარიათის სულთან შეუთავსებელ პოლიტიკურ პრაქტიკად, ზნეობრივი გარყვნილებისა და ქაოსის წყაროდ მიაჩნიათ. საკვირველი ისაა, რომ დემოკრატიას რელიგიის სახელით ქრისტიანებიც არ წყალობენ.

გასული წლის ბოლოს საქართველოს გაზმომარაგების გაზრდის საკითხმა არათუ აქტუალურობა შეიძინა, არამედ გადააჭარბა ყველანაირ მოლოდინს და უკვე ერთგვარ მძაფრსიუჟეტიან სერიალად იქცა “გაზპრომის” მთავარ როლში მონაწილეობით.

ქართველ მორწმუნეთა და სასულიერო პირთა გარკვეულ წრეში სიტყვა „ლიბერალიზმი“ ძალიან უარყოფითი რენომეთი სარგებლობს. ჩემი აზრით, ამას სამი უმთავრესი მიზეზი აქვს. პირველი, ესაა რუსული რელიგიური ლიტერატურა, რომლებიც „რომის მესამე იმპერიის“ სულისკვეთების მქონე ავტორების მიერაა დაწერილი, რომლებსაც ყველანაირი ლიბერალური აზრი, რომელიც ეჭვის ქვეშ აყენებს რუსული იმპერიის მართლმადიდებლურ მისიას, თავად მართლმადიდებლობის საწინააღმდეგო ძალად მიაჩნიათ; მეორე, ზოგიერთი ლიბერალის აგრესიული, ანტიეკლესიური პოზიცია, რომელიც სულაც არ გამომდინარეობს კლასიკური პოლიტიკური ლიბერალიზმის ბუნებიდან და აქედან გამომდინარე, თავად ამ ლიბერალის ბრალია და არა ლიბერალიზმის; მესამე, ზოგადად ლიბერალიზმის მოწინააღმდეგენი კარგად არ იცნობენ კლასიკური, პოლიტიკური ლიბერალიზმის ბუნებას.

ახალციხის რაიონში მცხოვრებ ერთ-ერთ მეფუტკრეს, რომელიც ევროპაში ქართული თაფლის ექსპორტისთვის საჭირო მოთხოვნებზე ინფორმაციას ეძებდა, სურსათის ეროვნულ სააგენტოში "ურჩიეს", რომ ევროკავშირში თაფლის შეტანაზე ფუჭ ოცნებას თავი დაანებოს და ცოტა უფრო პრაგმატულ-მიწიერი საქმით დაკავდეს.

ახლო აღმოსავლეთსა და სირიაში შექმნილი ვითარება შედეგია ცივილიზაციურ - რელიგიური კონფლიქტების გაღვივების, რომლებიც ემყარება საუკუნეების მანძილზე ჩამოყალიბებულ ეთნო-რელიგიურ რწმენებს და რომელთა გაღვივება ხდება გლობალური და რეგიონული პროცესების ფონზე.

Advocating

შეხვედრა საღამოს 6 საათზე , www.eugeorgia.info-ს ოფისში დავნიშნეთ. ჩვენი ჯგუფი პირველად უნდა შეხვედროდა ახალციხის რაიონში, სოფელ ანდრიაწმინდაში მცხოვრებ მეყველეს - გალინა ინასარიძეს და მის შვილს - რუსლანს. თავდაპირველად, შეხვედრის მიზანი ერთმანეთის გაცნობ

featured

ევროკავშირში 1 კგ ბიო ჟოლოს საცალო ფასი 100 ევროს აჭარბებს, თუმცა, როცა კენკრის ბაღის გაშენება გადაწყვიტა, გიორგი კორელი, ძირითადად, მაინც ადგილობრივი ბაზრით მოიხიბლა. როგორც ახალგაზრდა ფერმერი ამბობს, ჟოლო საქართველოში საკმაოდ მოთხოვნადი პროდუქტია და ყოვ

EU representatives inspected the production of honey in Georgia and concluded that honey is one of the best-placed Georgian products, along with hazelnuts and wine, for entering EU markets.

The American blueberry, which adapted well to the climactic conditions of the Guria and Adjara highlands, is in high demand on the global market because of its unique properties. This year, 12 tons of blueberries grown in Georgia were delivered for sale o

Paata Mogelashvili owns a 20 hectare orchard in the village of Variani, in the Gori District. He has been tending the orchard together with his brothers for several years.Recently, the orchard was replenished when the Sinap and Champion apple cultivars we

1 კგ - 30 ლარი- ამ ფასად შეგიძლიათ იყიდოთ სატაცური წელს ქართულ საცალო ქსელებში. ცხოვრების დონის გათვალისწინებით, ბოსტნეულს თამამად შეუძლია დელიკატესებს შორის თავისი ადგილი დაიკავოს. თუმცა, როგორც ექსპერტები აცხადებენ, ფასს არც მისი თვისებები ჩამორჩება.

ქალი მეწარმეების ხელშეწყობის მიზნით, ევროპის რეკონსტრუქციისა და განვითარების ბანკი საქართველოში ახალ პროგრამას იწყებს. EUGeorgia.info დაინტერესდა, რამდენად ხელსაყრელია პირობები და რას ფიქრობენ პროგრამასთან დაკავშირებით თავად ქალი მეწარმეები.

"The EU market has a huge advantage. First and foremost it is stability. European market is a developed market with profound and well established rules. Russian market on the other hand lacks this kind of cohesion. Few rules that exist there are often sub

სერბეთი ყოველწლიურად, დაახლოებით, 170 მილიონი ევროს ღირებულების ჟოლოს ექსპორტს ახორციელებს, მსოფლიოში სიდიდით მეოთხე, ევროპაში კი - მეორე მწარმოებელია.

Anchovy harvested from the waters off the Georgian Black Sea shore will be one of the first products to be exported from Georgia to markets in the EU. To see how effectively the National Food Agency of Georgia controls local production, the Directorate Ge

თვეზე მეტია საგაფიცვო ტალღამ ქართული უნივერსიტეტები მოიცვა. თავიდან ჩამოუყალიბებელი მოთხოვნები ბევრი მიმართულებით დაკონკრეტდა და ახლა სტუდენტები უნივერსიტეტების დამოუკიდებლობასთან ერთად სწავლის ხარისხის გაზრდას და სწავლების თანამედროვე მეთოდების დანე

banner
banner
banner
banner
banner