Content on this page requires a newer version of Adobe Flash Player.

Get Adobe Flash player


Saturday, 07 Декабрь
20 Mай 2016 | 19:25 Сельское хозяйство

2017 წლის ბოლოსთვის სასოფლო-სამეურნეო ექსტენციისთვის ცალკე სსიპ შეიქმნება

2017 წლის ბოლოსთვის სასოფლო-სამეურნეო ექსტენციისთვის ცალკე სსიპ შეიქმნება

 

“DCFTA-ის ფარგლებში კონკრეტული კულტურის რა სტანდარტი მოითხოვება, რომ ევროკავშირის ბაზარზე გავიდეს-ამ საკითხზე ექსტენციის ცენტრების თანამშრომლებს შეიძლება გაუჭირდეთ პასუხის გაცემა, თუმცა ვალდებული არიან ფერმერი დააკვალიანონ ზუსტად სად და ვისგან შეუძლიათ მიიღონ ეს ინფორმაცია”,- ამბობს სოფლის მეურნეობის სამინისტროს რეგიონებთან კოორდინაციის დეპარტამენტის უფროსის მოადგილე მარიამ გელაშვილი.

ექსტენცია ფერმერისთვის ცოდნის, გამოცდილების, თანამედროვე ტექნოლოგიების, ახალი ჯიშებისა თუ მეთოდების შესახებ ინფორმაციის გაზიარებას გულისხმობს. ქვეყნის მასშტაბით სოფლის-მეურნეობის სამინისტროს 59 ასეთი საექსტენციო (საინფორმაციო-საკონსულტაციო) ცენტრი აქვს გახსნილი. eugeorgia.info დაინტერესდა რა შინაარსის შეკითხვებით მიმართვენ დღეს ყველაზე ხშირად ფერმერები ამ ცენტრებს და ვისთან ამისამართებენ, როდესაც შეკითხვა ევროპულ სტანდარტებს, საექსპორტო პროდუქციასა და უცხოურ ბაზრებს ეხება.

“1000-მდე შეკითხვა შემოდის თვეში: ქიმიურ დაცვაზე, შესაწამლ პრეპარატებზე, თანამედროვე ტექნოლოგიებზე, სარწყავ სისტემებზე. ლურჯ მოცვზე აქვთ ბევრი შეკითხვა, ასევე, აინტერესებთ რა ფასებია თხილზე ბელგიაში, გერმანიაში. სამინისტრო გვიბეჭდავს სპეციალურ ჟურნალებს, სადაც თხილის ფასებზე არის ინფორმაცია, ამის მიხედვით, შეძლებისდაგვარად ვაცნობთ. თუ ვინმე გვკითხავს მოცვი ან სხვა კულტურა სად შეუძლია გაიტანოს, თქვენ თუ მოგვაწვდით ამ ინფორმაციას -სად და როგორ, ძალიან კარგი იქნება, გვეცოდინება”,- გვითხრა ლანჩხუთის საინფორმაციო-საკონსულტაციო სამსახურის უფროსმა რევაზ ზენაიშვილმა.

სად, რომელ პროდუქტზე და როგორია მოთხოვნა- ამის შესახებ არც წყალტუბოს საინფორმაციო-საკონსულტაციო ცენტრში იციან, თუმცა თუ ფერმერს საექსპორტო ბაზრებზე აქვს შეკითხვა, რაიონში არსებულ წარმატებულ კოოპერტივთან (“ჯანელიძეები”) ამისამართებენ, რომელიც მწვანილს ევროპის ბაზრებზე უკვე ყიდის.

“თუ ვინმეს მწვანილი და ბოსტნეული აინტერესებს სერტიფიცირებულ კოოპერატივთან ვაგზავნით. ამ მიმართულებით ევროპის ბაზრით დაინტერესება იზრდება, ვინაიდან რუსეთში უჭირთ პროდუქციის გატანა. ქვეყნების მიხედვით ჯერ არ ვიცით რა მოთხოვნაა, მაგრამ თაფლზე იყო შეხვედრები და იციან, რომ სუფთა თაფლი უნდა გავიდეს”,-ამბობს წყალტუბოს საკონსულტაციო-საინფორმაციო ცენტრის უფროსი მერაბ ჩიკვაიძე.

მეფუტრკეობასთან დაკავშირებული საკითხები და თაფლის საექსპორტო პოტენციალი აინტერესებთ ასპინძის რაიონშიც.

“ექსპორტთან დაკავშირებით, თაფლზე აქვთ შეკითხვები, რამდენიმე მეფუტკრე გვყავს, რომლის თაფლშიც შემოწმების შედეგად არ აღმოჩნდა ანტბიოტიკები. კონკრეტულად რომელი ანტიბიოტიკებია ევროპაში აკრძალული ინფორმაცია არ გვაქვს, მაგრამ ჩვენს დეპარტამენტს (რეგიონებთან კოორდინაციის დეპარტამენტი) ვუკავშირდებით ასეთი შეკითხვების შემთხვევაში”,-ამბობს ცენტრის უფროსი ამირან ლაზარიშვილი.

ექსტენციის სამსახური ყველაზე კარგად აქვს განვითარებული აჭარას, სადაც 5 საინფორმაციო-საკონსულტაციო განყოფილებაა, რომელიც აჭარის სოფლის მეურნეობის სამინისტროს საინფორმაციო-საკონსულტაციო დეპარტამენტს ექვემდებარება. სამინისტროს დაქვედებარებაშია ააიპ აგროსერვის ცენტრიც, რომელსაც უშუალოდ მომსახურებაზე ორიენტირებული ექსტენცია აქვს და იყენებს სოფტს. თუმცა აქაც პრობლემაა საექსპორტო პროდუქტებისა და ბაზრების ცოდნა, საინფორმაციო-საკონსულტაციო დეპარტამენტის უფროსის თქმით, საექსპორტო ბაზრებთან დაკავშირებით საქსტატის ვებგვერდზე გამოქვეყნებულ ოფიციალურ მონაცემებს ეყრდნობიან, კონკრეტულად ევროპის ბაზრებზე არა აქვთ ინფორმაცია და ამ მიმართულებით ტრენინგების ჩატარებას აუცილებლად მიიჩნევს.

“ვცდილობთ უპასუხოდ არ დავტოვოთ ფერმერის შეკითხვა და ვიკვლევთ კომპეტენტურ უწყებას, ვინც გასცემს პასუხს. რამდენიმე ტრენინგი ჩაგვიტარდა სხვადასხვა ორგანიზაციის მიერ, მაგალითად, HACCP-ის სისტემასთან დაკავშირებით, მაგრამ ვერ გეტყვით, რომ საფუძვლიანად გადამზადდა ამ კუთხით ჩვენი სპეციალისტი და მზად არის კონკრეტული კონსულტაცია გაწიოს, ამას დამატებითი მომზადება სჭირდება”,- ამბობს კეკელიძე.

მუნიციპალიტეტებში ფერმერთა მომსახურების ცენტრების შექმნა 2012 წელს გადაწყდა, დღეს 59 ასეთი სამსახურია. რეგიონული სამსახურების ექსტენციის ფუნქციებით აღჭურვა მარტივი არ ყოფილა, ვინაიდან ექსტენციონისტს, გარდა დარგის კარგი ცოდნისა, ცოდნის გაზიარების უნარ-ჩვევები სჭირდება, რაც სოფლად მცხოვრებ სპეციალისტებს არ ჰქონდათ. სოფლის მეურნეობის სამინისტროში ამბობენ, რომ რეგიონულ სამსახურების გასაძლიერებლად ტრენინგებთან ერთად სტრუქტურული ცვლილებებიც აუცილებელია და ექსტენციის განვითარების ახალ სტრატეგიაზე დაიწყეს მუშაობა. როგორც რეგიონებთან კოორდინაციის დეპარტამენტში eugeorgia.info-ს განუცხადეს, სტრატეგია ივნისის ბოლოსთვის მზად იქნება.

“ამ ხალხს დებულებით ექსტენციასთან ერთად დავავალეთ ბაზების გაკეთება, სტიქიების შეფასება, გასვლები, შეხვედრების ორგანიზება და ა.შ., ეს შეუძლებელი გახდა, საუბარია 4-5-6 კაციან სამსახურებზე. თუ გვინდა ქვეყანაში მივიღოთ ტიპიური ექსტენციის სისტემა, ამ სამსახურებს უნდა მოვაცილოთ ყველა ფუნქცია და დავუტოვოთ მხოლოდ ექსტენცია, ან დავიტოვოთ ეს სამსახურები და ცალკე გავაკეთოთ ექსტენცია, ამიტომ გადავწყვიტეთ სტრუქტურული ცვლილებების განხორციელება. ამ ეტაპზე განვიხილავთ სტრატეგიის გეგმას, რომელიც FAO-მ მოგვაწოდა, გადავწყვიტეთ, 2017 წლის ბოლოსთვის, გაკეთდეს ცენტრალური სტრუქტურა სსიპ-ის სახით თბილისში, დღეს არსებული რეგიონული სამსახურები ამ სსიპ-ის წარმომადგენლობები იქნებიან და მხოლოდ ექსტენციის ფუნქცია ექნებათ”,- ამბობს მარიამ გელაშვილი.

ექსტენციის განვითარებაში სოფლის მეურნეობის სამინისტროს აქტიურად ეხმარებოდა USAID. პროექტის ,,ექსტენციის და საკონსულტაციო მომსახურების გაძლიერება საქართველოში“ ფარგლებში აშშ-ში რამდენიმე სასწავლო ტურიც მოეწყო.

“ბევრ ქვეყანაში ექსტენცია კერძო სამსახურია, სადაც ფერმერები მომსახურებაში ფულს იხდიან, კერძო ექსტენციის სამსახურებს სამმაგი დაფინანსებს აქვთ: უფლება აქვთ თვითონ მოიპოვონ თანხები დონორებისგან, საწევროები, რომელსაც იხიდან ფერმერები, სახელმწიფოც უხდის გარკვეულ თანხას ცენტრალური ბიუჯეტიდან. შვეიცარიაში, გერმანიაში ექსტნეციის უძლიერიესი სკოლები აქვთ. ექსტენცია მეცნიერების გარეშე არ არსებობს. შეიძლება ფერმერს ისეთი პრობლემა აქვს, რომლის გადაჭრასაც კვლევა სჭირდება (დაავადება, მავნებელი), ამაშიც ჩავარდნაც გვქონდა. სოფლის მეურნეობის სფეროში 14 სამეცნიერო-კვლევითი ინსტიტუტი გვქონდა, რომელიც გაუქმდა, დარგი დარჩა მეცნიერების გარეშე, ამიტომ 2015 წლის დასაწყისში შეიქმნა სსიპ სამეცნიერო-კვლევითი ცენტრი”,-ამბობს გელაშვილი.

ექსტენციის განვითარების ახალი სტრატეგია რეგიონული სამსახურების გაძლიერებაზე იქნება ორიენტირებული, თუმცა კვლავ პრობლემად რჩება ევროკავშირთან ასოცირების შეთანხმებისა და DCFTA-ის ფარგლებში გათვალისწინებული ვალდებულებებისა და ევროპის ბაზრებზე პოტენციური საექსპორტო ბაზრების შესახებ ცოდნის გავრცელება და გაღრმავება. ამ მიმართულებით ტრენინგების საჭიროებაზე რეგიონებთან კოორდინაციის დეპარტამენტრის უფროსის მოადგილეც საუბრობს-“DCFTA-ის კონკრეტულ საკითხებზე დატრენინგება ძალიან მნიშვნელოვანია. აქამდე სულ დონორებზე ვიყავით დამოკიდებული. ახლახან, პროექტების მართვის სააგენტოში შეიქმნა ტრენინგცენტრი, უკვე გადავუგზავნეთ საჭიროებების შეფასებები - რა მიმართულებით სჭირდებათ მათ დატრენინგება”,- ამბობს გელაშვილი.

როგორც საინფორმაციო-საკონსულტაციო ცენტრებთან საუბრის შედეგად გამოიკვეთა, სტანდარტებთან, საექსპორტო პროდუქტებსა და ბაზრებთან დაკავშირებული შეკითხვების შემთხვევაში, სოფლის მეურნეობის სამინისტროს სამეცნიერო-კვლევით ცენტრს ან რეგიონებთან კოორდინაციის დეპარტამენტს მიმართავენ, უმეტეს შემთხვევაში კი დაინტერესებულ პირს სოფლის მეურნეობის სამინისტროს ცხელი ხაზის ნომერს აძლევენ.

სამინისტროს 2015-2020 წლების განვითარების სტრატეგიაში ერთ-ერთ პრიორიტეტულ მიმართულებად უწერია საბაზრო ინფორმაციული სისტემის შექმნა, მონაცემთა შეგროვება, დამუშავება და აგრარულ სექტორში დასაქმებულთათვის ეფექტიანად მიწოდება.დღეს საექსპორტო პოტენციალის მქონე დარგების გამოვლენა და ექსპორტ-იმპორტის ანალიზი პოლიტიკისა და ანალიზის დეპარტამენტს ევალება. კიდევ ერთი სახელმწიფო სამსახური, რომელიც საექსპორტო ბაზრებს იკვლევს ეკონომიკის სამინისტროში არსებული, მეწარმეობის განვითარების სააგენტოა. სააგენტოს მიერ შექმნილ სავაჭრო ვებპორტალზე http://tradewithgeorgia.com/ განთავსებულია ინფორმაცია მეწარმეებზე, რომელთაც უკვე გააქვთ საკუთარი პროდუქცია ექსპორტზე, თუმცა საიტზე, ჯერჯერობით არ არის ინფორმაცია ევროკავშირის რომელ ქვეყნებში რა ნიშური ბაზრები არსებობს და რომელ ქართულ პროდუქტს შეიძლება ჰქონდეს საექსპორტო პოტენციალი.


მაიკო გაბულდანი 

 

Прочитано
4807
Отправить письмо

Связанный:

ბოლო 6 თვის განმავლობაში სოფლის მეურნეობის 2015-2020 წლების სტრატეგიის 5% შესრულდა

ბოლო 6 თვის განმავლობაში სოფლის მეურნეობის 2015-2020 წლების სტრატეგიის 5% შესრულდა

“რეფორმეტრის” შეფასებით ამ ეტაპზე 2015-20 წლებზე გაწერილი სტრატეგია 74,9%-ით არის შესრულებული. რეფორმის პროგრესის ანალიზის საფუძველზე გამოვლინდა შემდეგი პროცესები, რომლებიც ჯერ კიდევ დაუსრულებელია:

15 Декабрь 2017 | 18:38 Сельское хозяйство Далее

Блог

„კაპიტალი განსაზღვრავს წარმოებით ურთიერთობებს,“ – კარლ მარქსის ამ ზეცნობილი ფრაზით გილოცავთ კაპიტალიზმის კრიტიკოსებს თქვენი კერპის 200 წლის იუბილეს, და მსურს განვავრცო, რომ იდეოლოგიური განსხვავების მიუხედავად, არა თუ ვეთანხმები, მეტიც, მიმაჩნია, რომ სწორედ კაპიტალი უდევს საფუძვლად არა მხოლოდ წარმოებით, არამედ ნებისმიერი სახის ურთიერთობას სოციუმში, რომელიც პროგრესსა და განვითარებაზეა ორიენტირებული.

2019 წლამდე გადადოს საპენსიო რეფორმის დაწყება და მოამზადოს წინაპირობები კონსერვატიული (და არა სოციალურ-ლიბერალური) მოდელის შემოღებისთვის, იმ დათქმით, რომ დაგროვებითი და საბაზისო პენსიების სქემები ყოველთვის ერთმანეთის პარალელურად იარსებებს

ახალქალაქს მორიგი დაგეგმილი ტრენინგის ფარგლებში ვესტუმრეთ. ამ ნაყოფიერ მიწაზე მშრომელი ფერმერები ცხოვრობენ. სწორედ აქ მოდის ქართულ ბაზარზე არსებული კარტოფილის, ბოსტნეულისა და მარცვლეულის დიდი ნაწილი. ბოლო პერიოდში ჩვენ მიერ ჩატარებული ტრენინგებიდან ეს შეხვედრა ყველაზე ინტერაქციული აღმოჩნდა. გამაკვირვა მათმა ცხოველმა ინტერესმა სიახლისადმი. ისინი მაქსიმალურად ცდილობდნენ მათთვის საინტერესო საკითხზე მიეღოთ რაც შეიძლება მეტი ინფორმაცია.

გასულ კვირას მაკედონიაში ნაციონალისტურად განწყობილ ადამიანთა ჯგუფი შეიჭრა პარლამენტში. 200-კაციანი ბრბო, რომელთა შორისნიღბიანი მამაკაცები იყვნენ, სასტიკად გაუსწორდაწამყვანი მაკედონიური ოპოზიციურიპარტიის და ეთნიკური ალბანელების პარტიის ლიდერებს, მათ შორის ქალბატონს. ეს ორი პარტია აპირებდა ახალი უმრავლების შექმნას მაკედონიის პარლამენტში, რომლის სპიკერად ეთნიკურად ალბანელი პოლიტიკოსი აირჩიეს. პარლამენტში შეჭრილები, რომლებიც ქვეყნის ყოფილი პრემიერ-მინისტრისმომხრეები იყვნენ, ამ ფაქტის ასეთი სისხლიანი გზით ჩაშლას ცდილობდნენ.

დღეს ქართულმეტყველებაში, ალბათ, 7000 სიტყვაზე მეტი არ გამოიყენება, ბარბარიზმებმა კი, რასაც წლებია ვაგროვებ, 1600-ს გადააჭარბა.

კონფლიქტის დაწყებიდან მეექვსე წელს ამერიკის შეერთებულმა შტატებმა ჩაურევლობის პოლიტიკა დაარღვია და ასადის რეჟიმის წინააღმდეგ იერიში პირველად 7 აპრილს, გამთენიისას მიიტანა.

ესტონური წარმატებული პოტიკის მაგალითების მოძიება შესაძლებელია თითქმის ნებისმიერ სფეროში, დაწყებული სახელმწიფო მმართველობიდან, დამთავრებული განათლების პოლიტიკით.

უცხო ქვეყნების კანონებისა თუ რეფორმების კოპირება განვითარების ერთი-ერთი პოპულარული და საქართველოშიც ხშირად გამოყენებადი რეცეპტია. ლოგიკა მარტივია - „საჭირო არ არის ველოსიპედის ახლიდან გამოგონება“. თუმცა, ეს მიდგომა ხშირად არ ამართლებს.

ევროკავშირთან სავაჭრო სივრცის გაფართოების შედეგად ყველა მოსალოდნელი დადებით ეფექტი მიიღწევა გრძელვადიან პერიოდში (5-10 წელიწადი), ხოლო ხარჯების გაღება გვიწევს დღეს, რათა შესაბამისობაში მოვიდეთ ევროკავშირის კანონმდებლობასთანდა საბაზრო მოთხოვნებთან. ისედაც დაძაბულ სოციალურ და პოლიტიკურ ფონზე ამან შესაძლოა საფრთხე შეუქმნას რეფორმების წარმატებით განხორციელებას. შესაბამისად, დაახლოების პროცესი უნდა იყოს თანმიმდევრული და პრიორიტეტები გათვლილი ისე, რომ ბიზნესს ჰქონდეს ზრდის სტიმული; ასევე, მნიშვნელოვანია ექსპორტზე ორიენტირებული დარგების კონკურენტუნარიანობის ამაღლება წახალისდეს. მეორე მხრივ, საქართველოში ევროკავშირის სტანდარტების დანერგვა მეწარმეობასა და ზოგადად ქვეყნის საინვესტიციო სივრცეში პირდაპირი უცხოური ინვესტიციების მოზიდვას და ევროპულ ბაზარზე წვდომას ხელს შეუწყობს. DCFTA-ს სარგებლის სრულად ასათვისებლად, ასევე, აუცილებელია სამუშაო ძალის ბაზრის ცვლილება, რომელიც ამჟამად თავმოყრილია ძირითადად დაბალმწარმოებლურ დარგებში.

მე ძალიან კარგად არ ვიცნობ მაგამედ სარიევს. მაქსიმუმ ორჯერ შევხვედრივარ, პირველად მარნეულში და მეორედ ერთი კვირის წინ გარდაბნის მუნიციპალიტეტში ამჯერადაც ევროკავშირთან სავაჭრო ხელშეკრულების (DCFTA) შესაძლებლობების შესახებ ტრეინინგზე. მაგამედი არც ოლიმპიური ჩემპიონია და მისი ფოტოები არც საჯარო თავშეყრის ადგილებშია გამოფენილი, თუმცა ის რომ საუკეთესო მოქალაქეა, ამ ფაქტს წყალი არ გაუვა!

განვითარების ერთი-ერთი პოპულარული რეცეპტი, რომელსაც საქართველოშიც ხშირად მივმართავთ, უცხო ქვეყნების კანონებისა თუ რეფორმების კოპირებას გულისხმობს. ლოგიკა მარტივია - „საჭირო არ არის ველოსიპედის ახლიდან გამოგონება“. სამწუხაროდ, ეს მიდგომა რიგ შემთხვევაში არ ამართლებს. ვაშლი და ფორთოხალი ორივე მრგვალია და ორივე ხილია, მაგრამ აღნიშნული საერთო მახასიათებლები არ იძლევა საფუძველს გავაკეთოთ დაშვება, რომ მათი ხეები ერთი და იმავე გარემო-პირობებში და ერთნაირი მოვლის მეთოდებით ხარობს.

კეთილდღეობის ეკონომიკის ერთ-ერთი პრინციპია, რომ ზოგიერთ გადასახადს შესაძლოა უკუგავლენა ჰქონდეს ინდივიდების მოტივაციაზე- შექმნან დოვლათი. თუმცა, თუ გადასახადებიდან მიღებული თანხა საკმარისი არ არის ხარისხიანი ინფრასტრუქტურისა და საჯარო სერვისების დასაფინანსებლად, ამანაც შეიძლება დააზარალოს ეკონომიკა.

ინსტიტუტების განვითარებას არა მარტო პროფესიონალების, პოლიტიკური და ეკონომიკური ელიტების სწორად მიმართული შრომა და გადაწყვეტილებები, არამედ მოსახლეობის დამოკიდებულებებისა და ფასეულობების შეცვლაც სჭირდება.

ფერმერებთან ჩვენი შეხვედრის დროს სულიად მოულოდნელად აღმოვაჩინეთ მსმენელებს შორის ორი “თინეიჯერი” ბიჭი; მომავალი ფერმერები მამასთან ერთად გამალებით იწერდნენ პრეზენტაციის დროს მიწოდებულ ყველა ინფორმაციას თაფლის წარმოების არსებული შესაძლებლობების, პრობლემებისა და გამოწვევების შესახებ.

მას შემდეგ, რაც საქართველომ დამოუკიდებლობა მოიპოვა, მთავრობები, პოლიტიკური პარტიები, ექსპერტები, თუ იდეოლოგები გვპირდებიან საქართველოს ეკონომიკურ გაბრწყინებას, რეცეპტად კი ბორჯომის გაყიდვიდან დაწყებული დაბალი გადასახადებით დამთავრებული არაერთ იდეას თუ თეორიას ასახელებენ. ასე გრძელდება 25 წელია და, მართალია, 90-იანი წლების სიდუჭირიდან მოსახლეობის დიდი ნაწილი გამოვიდა, გაბრწყინებამდე ჯერ კიდევ ბევრი გვიკლია.

გუგენჰაიმში აგნეს მარტინმა, MoMA-ს თანამედროვე ხელოვნების ფილიალმა (PS1) ნიუ-იორკში, ჩიკაგოს ხელოვნების ინსტიტუტმა და ჩიკაგოს თანამედროვე ხელოვნების მუზეუმმა კიდევ ერთხელ დამარწმუნა, რომ არ არსებობს გამოხატვის უღირსი საგნები, აღქმები, მოვლენები თუ ამ მოვლენების ინტერპრეტაციები.

სამი წლის წინ ამერიკელმა ჟურნალისტმა ენ ბერნარდმა National Geographic-ისთვის მომზადებულ რეპორტაჟში შემდეგი სიტყვები დაწერა: „თუ დაეცემა დამასკო, დაეცემა სირიაც.“ ომის დაწყებიდან, თითქმის, ექვსი წლის თავზე პრეზიდენტ ბაშარ ალ-ასადის ციტადელად ქცეული სირიის დედაქალაქი გადარჩა, ხოლო ალეპომ, სიდიდით მეორე უძველესმა ქალაქმა და ომამდელი სირიის ბიზნესცენტრმა, დაცემა 2012 წლიდან (სამოქალაქო ომის დაწყებიდან ერთ წელიწადში) დაიწყო, თუმცა, მაინც ბევრს გაუძლო გარდა რუსეთის ავიაიერიშისა.

ციდან ალბათ ყველაზე კარგად ჩანს გერმანული რაციონალიზმი, მიწის და განახლებადი ენერგიიის ათვისება (გუშინ მხოლოდ მიუნხენიდან ფრანკფურტამდე მგზავრობისას 500-ზე მეტი ქარის წისქვილი დავთვალე), ტყის ფართობების და სასოფლო-სამეურნეო სავარგულების ეს რაღაც განსხვავებული სიმეტრიით მონაცვლეობა და, მთლიანობაში, ეს განსხვავებულად დავარცხნილი რელიეფი.

გაძვირებული საიმპორტო ავტომობილების ფასი (გამოწვეული აქციზის ზრდით), სავარაუდოდ, გაახანგრძლივებს საქართველოში არსებული ავტომობილების „ექსპლუატაციის“ ვადას. შესაბამისად, ტექნიკური შემოწმების შემოღების ვადებისა და პირობების გაურკვევლობის პირობებში, შესაძლოა, ტექნიკურად არც ისე სახარბიელო მგომარეობაში მყოფმა ქართულმა ავტოპარკმა გაიხანგრძლივოს მავნე აირებისა და უსიამოვნო ინდუსტრიული ხმების „გამობოლქვის“ პერიოდი.

В шестидесятые годы прошлого века Ферруччо получил от продажи тракторов бόльший доход, чем планировалось, и исполнил свою мечту: поставил в свой гараж новенькую «феррари». Вторая часть этой истории намного интереснее. «Феррари» не оправдала ожиданий Ферруччо. Ферруччо, не раздумывая, явился прямо к Энцо Феррари, чтобы обсудить недостатки машины, он высказал свое мнение и предложил помощь в решении проблем...

აბორტის უფლება ერთ-ერთი მნიშვნელოვანი პოსტულატია ადამიანის უფლების კონვენციაში. გაეროს CEDAW-ს კომიტეტის დეკლარაციაში წერია: „გაეროს წევრმა ქვეყნებმა ხელი უნდა შეუწყოს ჯანდაცვის სფეროში ქალის მიმართ ყველანარი დისკრიმინაციის აღმოფხვრას, ქალის და კაცის უფლება თანაბრად უნდა იყოს დაცული და ქალებს უნდა ქონდეთ წვდომა ჯანდაცვის სერვისებზე, ოჯახის დაგეგმარების ჩათვლით“.

ბატონი სერგო ქალაქ თელავიდან თან რეალური პიროვნებაა და თან კრებითი სახელია იმ ადამიანებისა, რომლებიც ევროინტეგრაციის მიმართულებით ინფორმაციულ შიმშილს განიცდიან.

ცოტა ხნის წინ გავრცელდა ინფორმაცია "ჩერნომორენერგოს" დირექტორის, ასლან ბასარიას განცხადების შესახებ, რომელსაც ენგურჰესის დირექტორის ლევან მებონიაც ადასტურებს და რომლის მიხედვით ენგურჰესის მიერ გამომუშავებული არცერთი კილოვატი ამ ეტაპზე საქართველოს არ მიეწოდება და მთლიანად აფხაზეთს მიაქვს, ხოლო ზამთრისა და გაზაფხულის პერიოდში წაღებული ელექტროენერგიის რაოდენობა გამომუშავებულის 80%-ს შეადგენს.

ქართველ მორწმუნეთა და სასულიერო პირთა გარკვეულ წრეში სიტყვა „ლიბერალიზმი“ ძალიან უარყოფითი რენომეთი სარგებლობს. ჩემი აზრით, ამას სამი უმთავრესი მიზეზი აქვს. პირველი, ესაა რუსული რელიგიური ლიტერატურა, რომლებიც „რომის მესამე იმპერიის“ სულისკვეთების მქონე ავტორების მიერაა დაწერილი, რომლებსაც ყველანაირი ლიბერალური აზრი, რომელიც ეჭვის ქვეშ აყენებს რუსული იმპერიის მართლმადიდებლურ მისიას, თავად მართლმადიდებლობის საწინააღმდეგო ძალად მიაჩნიათ; მეორე, ზოგიერთი ლიბერალის აგრესიული, ანტიეკლესიური პოზიცია, რომელიც სულაც არ გამომდინარეობს კლასიკური პოლიტიკური ლიბერალიზმის ბუნებიდან და აქედან გამომდინარე, თავად ამ ლიბერალის ბრალია და არა ლიბერალიზმის; მესამე, ზოგადად ლიბერალიზმის მოწინააღმდეგენი კარგად არ იცნობენ კლასიკური, პოლიტიკური ლიბერალიზმის ბუნებას.

ახალციხის რაიონში მცხოვრებ ერთ-ერთ მეფუტკრეს, რომელიც ევროპაში ქართული თაფლის ექსპორტისთვის საჭირო მოთხოვნებზე ინფორმაციას ეძებდა, სურსათის ეროვნულ სააგენტოში "ურჩიეს", რომ ევროკავშირში თაფლის შეტანაზე ფუჭ ოცნებას თავი დაანებოს და ცოტა უფრო პრაგმატულ-მიწიერი საქმით დაკავდეს.

ახლო აღმოსავლეთსა და სირიაში შექმნილი ვითარება შედეგია ცივილიზაციურ - რელიგიური კონფლიქტების გაღვივების, რომლებიც ემყარება საუკუნეების მანძილზე ჩამოყალიბებულ ეთნო-რელიგიურ რწმენებს და რომელთა გაღვივება ხდება გლობალური და რეგიონული პროცესების ფონზე.

Адвокатирования

შეხვედრა საღამოს 6 საათზე , www.eugeorgia.info-ს ოფისში დავნიშნეთ. ჩვენი ჯგუფი პირველად უნდა შეხვედროდა ახალციხის რაიონში, სოფელ ანდრიაწმინდაში მცხოვრებ მეყველეს - გალინა ინასარიძეს და მის შვილს - რუსლანს. თავდაპირველად, შეხვედრის მიზანი ერთმანეთის გაცნობ

Избранные статьи

EU representatives inspected the production of honey in Georgia and concluded that honey is one of the best-placed Georgian products, along with hazelnuts and wine, for entering EU markets.

The American blueberry, which adapted well to the climactic conditions of the Guria and Adjara highlands, is in high demand on the global market because of its unique properties. This year, 12 tons of blueberries grown in Georgia were delivered for sale o

Paata Mogelashvili owns a 20 hectare orchard in the village of Variani, in the Gori District. He has been tending the orchard together with his brothers for several years.Recently, the orchard was replenished when the Sinap and Champion apple cultivars we

1 კგ - 30 ლარი- ამ ფასად შეგიძლიათ იყიდოთ სატაცური წელს ქართულ საცალო ქსელებში. ცხოვრების დონის გათვალისწინებით, ბოსტნეულს თამამად შეუძლია დელიკატესებს შორის თავისი ადგილი დაიკავოს. თუმცა, როგორც ექსპერტები აცხადებენ, ფასს არც მისი თვისებები ჩამორჩება.

"The EU market has a huge advantage. First and foremost it is stability. European market is a developed market with profound and well established rules. Russian market on the other hand lacks this kind of cohesion. Few rules that exist there are often sub

Anchovy harvested from the waters off the Georgian Black Sea shore will be one of the first products to be exported from Georgia to markets in the EU. To see how effectively the National Food Agency of Georgia controls local production, the Directorate Ge

თვეზე მეტია საგაფიცვო ტალღამ ქართული უნივერსიტეტები მოიცვა. თავიდან ჩამოუყალიბებელი მოთხოვნები ბევრი მიმართულებით დაკონკრეტდა და ახლა სტუდენტები უნივერსიტეტების დამოუკიდებლობასთან ერთად სწავლის ხარისხის გაზრდას და სწავლების თანამედროვე მეთოდების დანე

Georgian Kiwifruitis available in one of the largest European supermarket chains – Lidl, Germany.The Lidl purchases 1kg kiwifruit for 1.20 Euro from Georgian producer and sells it for 0.29 Euro each in its chain.

Trade in sheep and wool has dropped in Georgia, and Georgian shepherds are looking to EU countries in search of new markets for Georgian sheep products. So, exactly what requirements must farmers meet in order to export Georgian sheep and wool to the Euro

ევროპის ბაზრებზე ქართული სასოფლო-სამეურნეო პროდუქტებიდან ყველაზე დიდი ოდენობით ისევ თხილი და ღვინო იყიდება, თუმცა 2014 წელს ასოცირების შეთანხმების სავაჭრო კომპონენტის (DCFTA) ამოქმედების შემდეგ ევროკავშირის ბაზრის მიმართ ქართველი მეწარმეების ინტერესი სულ

banner
banner
banner
banner
banner