Content on this page requires a newer version of Adobe Flash Player.

Get Adobe Flash player


Thursday, 22 Август
26 Июнь 2019 | 11:46 Сельское хозяйство

ვინ იყიდის ქართულ მაყვალს?

ვინ იყიდის ქართულ მაყვალს?

 

საქართველოში უეკლო მაყვლის კრეფა დაიწყო. პირველ მოსავალს კახეთში აიღებენ, სადაც მაყვალი ყველაზე ადრე შემოდის. ივლისში მაყვალი შიდა ქართლშიც შემოვა. წელს კენკრის კარგი მოსავალია, იმ ბაღების გარდა, სადაც ნარგავები დაისეტყვა. 

წელს უეკლო მაყვლის პირველი დიდი მოსავალი უნდა დაიკრიფოს, რადგან ბოლო დროს გაშენებული მაყვლის ნარგავების უმრავლესობა მსხმოიარობაში სწორედ ახლა შევიდა. წელს გამოჩნდება, რამდენად ღირს კენკრის ამ სახეობის მოშენება. საქართველოში მოყვანილ მაყვალს ჯერ არც საექსპორტო ბაზრებისკენ აქვს გაკვალული გზა. სხვა კენკროვანებისგან განსხვავებით ექსპორტზე მომუშავე კომპანიებს ამ მიმართულებით ნაკლები გამოცდილება აქვთ. ფერმერებმა უკვე დაიწყეს ფიქრი, სად გაყიდიან მოსავალს, რომელიც მომავალ წლებში კიდევ მოიმატებს.

რა იქნება წელს უეკლო მაყვლის ფასი, ამის თქმა მწარმოებლებს უჭირთ. ეს მოსავლის რაოდენობაზე და მოთხოვნაზე იქნება დამოკიდებული. სხვა კენკრასთან შედარებით, მაყვალზე მოთხოვნა ქვეყნის შიგნით შედარებით მცირეა. კენკრის ამ სახეობის ძირითადი შემსყიდველები ექსპორტიორები არიან. სწორედ ექსპორტზე იქნება დამოკიდებული მაყვლის ფასი. შარშან კილოგრამი უეკლო მაყვლის  საშუალო ფასი 2,5-3 ლარის ფარგლებში იყო. მწარმოებლები ვარაუდობენ, რომ წელს მოსავლის რეალიზაციას უფრო ხელსაყრელ ფასად შეძლებენ. 

„ექსპორტზე ჯერ სატესტო პარტია გაიგზავნება. თუ ჩვენი მაყვლის ხარისხი დააკმაყოფილებთ, ამის შემდეგ დავიწყებთ ფასზე შეთანხმებას. მყიდველმა ჯერ უნდა ნახოს, რა პროდუქტს მივაწვდით. წელს ახალი მყიდველი გამოჩნდა, რომელიც ჟოლოს და მაყვალს დუბაიში გაიტანს. არის სხვა კლიენტიც. იმედი გვაქვს, რომ წელს კენკრის მწარმოებელთა ასოციაციის წევრ ფერმერებს მოსავალი გაუყიდავი არ დარჩებათ. შეთანხმება ასეთია, რომ კენკრა კონტეინერებსა და ყუთებში უნდა ჩავალაგოთ და მათ მაცივრებით მივუტანოთ. ამიტომ ჩვენზე უფრო მეტი პასუხისმგებლობა იქნება. მაგრამ ყველა ეს დანახარჯი ფასში შევა. ექსპორტიორი ამბობს, რომ დანახარჯის ანაზღაურების დროს ცენტებზე და ერთ დოლარზეც კი საუბარი არ იქნება. ერთი დოლარით მეტის გადახდა კი ფერმერისთვის ძალიან მნიშვნელოვანია”, - ამბობს ელისო ღვინიაშვილი, ფერმერი, კენკრის მწარმოებელთა ასოციაციის წარმომადგენელი.   

ყვარელში ფერმერ ნანა ქანდაურიშვილს უეკლო მაყვალი 8 ჰექტარზე აქვს გაშენებული. ფერმერი წელს დიდ მოსავალს ელოდება და მისი ექსპორტზე გატანის იმედი აქვს. 

„შარშან მაყვლის გაყიდვა 5-6 ლარით დავიწყეთ. სეზონის პიკზე მისი ფასი 2,80-3 ლარზე ქვემოთ არ ჩამოსულა. წელს მოვიდა ექსპორტიორი, რომელმაც მაყვალი დუბაიში უნდა გაიტანოს. სხვას არ მისცეთო, მითხრეს, მაგრამ ფასზე ჯერ არ შევთანხმებულვართ. მომავალ წელს უეკლო მაყვალი კიდევ 6 ჰექტარზე დაემატება და მაცივარი ან გადამამუშავებელი საწარმო აუცილებლად დამჭირდება”,-  ამბობს ნანა ქანდაურიშვილი. 

სფერო სტატისტიკის გარეშე

რა რაოდენობის კენკრის მოსავალი იქნება წელს საქართველოში, უცნობია. სოფლის მეურნეობის სამინისტროს საპროგნოზო მონაცემები არ აქვს. ასევე, არ არსებობს ზუსტი ციფრები, რა ფართობზეა ქვეყანაში კენკრა გაშენებული. ამის მიზეზად უწყებაში დაურეგისტრირებელი მიწების პრობლემას ასახელებენ. როგორც ცნობილია, საჯარო რეესტრში სასოფლო-სამეურნეო მიწების დიდი ნაწილი ოფიციალურად არ არის რეგისტრირებული, მათ შორის არის ის ნაკვეთებიც, სადაც კენკრაა გაშენებული. შესაბამისად უცნობია, რა ფართობი უკავია მაყვალს და წლიურად რა ოდენობის მოსავალს ვიღებთ. 

ბოლო სტატისტიკა, რომელიც გარემოს დაცვისა და სოფლის მეურნეობის სამინისტროს აქვს, 2017 წელს შეხება და მხოლოდ მიახლოებული მაჩვენებელია. 2017 წლის ბოლოსთვის კენკროვან კულტურებს საქართველოში ეკავა დაახლოებით 2160 ჰექტარი, აქედან ფართობების 61% მოდიოდა მარწყვზე (1310 ჰა), 21% ჟოლოზე (458 ჰა), 9% მოცვზე (205 ჰა), 7% მაყვალზე (147 ჰა), ხოლო 2% სხვა კენკროვან კულტურებს ეკავა. კახეთის რეგიონი ლიდერია მაყვლის ფართობებით. ამ რეგიონზე კულტივირებული მაყვლის ფართობების 30% მოდის. 

როდესაც არ არსებობს ზუსტი სტატისტიკური მაჩვენებლები, ბუნებრივია, რთულია იმის განსაზღვრა, კენკრა დეფიციტურია თუ ქვეყანაში ჭარბი მოსავალი გვაქვს. თუ მთავრობისთვის უცნობია საპროგნოზო მაჩვენებლები, შეუძლებელი იქნება მოსავლის სიჭარბის შემთხვევაში ფერმერების ხელშეწყობის ღონისძიებების დაგეგმვაც- როგორ და რა სახით დაეხმარება მთავრობა ფერმერს მოსავლის რეალიზებაში, სექტორში რა პრობლემებმა შეიძლება იჩინოს თავი და ა.შ. ბუნებრივია, რომ ამ ღონისძიებების წინასწარ დაგეგმვა, სტატისტიკური მონაცემების გარეშე, შეუძლებელი იქნება. 

ბოლო წლების განმავლობაში მთვარობა ფერმერებს კენკრის გაშენებაში სახელმწიფო პროგრამებით ეხმარება. „დანერგე მომავალის” ფარგლებში კენკროვანი კულტურების (ლურჯი მოცვი; უეკლო მაყვალი; ჟოლო) გაშენებისთვის, 2015-2018 წლებში 6 მილიონ ლარზე მეტია გაცემული. თანადაფინანსების პროგრამით 169 ფერმერმა ისარგებლა და კენკროვანი ბაღები 560 ჰექტარზე  გაშენდა. მომგებიანი ბიზნესი გახდა სანერგე მეურნეობის მოწყობაც. ნერგების გაყიდვით ბევრმა მეწარმეს კენკრის რეალიზაციაზე უფრო დიდი მოგება მიიღო.

ცოტა ხნის წინ ამ პროგრამის პირობები შეიცვალა და ახლა უკვე 0.15 ჰა-დან 0.5 ჰა-ს ჩათვლით, სასოფლო-სამეურნეო მიწის ფართობზე კენკროვანი კულტურის ბაღის გაშენებისთვის საჭირო ნერგების, წვეთოვანი სარწყავი სისტემის და სხვა საჭირო მასალების შეძენისა და მოწყობის ღირებულება 100%-ით ფინანსდება.. 

კენკროვანი კულტურების გაშენება შესაძლებელია საქართველოს ყველა მუნიციპალიტეტსა და თვითმმართველ ქალაქში გარდა ქალაქებისა: თბილისი, რუსთავი, ქუთაისი, ბათუმი და ფოთი.

გარდა ამისა, სახელმწიფო ბიუჯეტიდან ფინანსდება სამაცივრე მეურნეობების მშენებლობა. ამ ეტაპზე საწარმოთა მართვის სააგენტოში დროებით შეჩერებულია განაცხადების მიღება. სააგენტოს ინფორმაციით, გადამამუშავებელი და შემნახველი საწარმოების თანადაფინანსების პროექტში ცვლილებების (ფერმერთა და მეწარმეთა საჭიროებასა და მოთხოვნილებებზე ადაპტირებული პირობების და შერჩევა/შეფასების კრიტერიუმების გამარტივება) შეტანა ხდება. წინასწარი ინფორმაციით, სამაცივრე მეურნეობებს 50%-ით სახელმწიფოს დააფინანსებს.

ვინ იყიდის ქართულ უეკლო მაყვალს? 

მოსავლის რეალიზაციის პრობლემის წინაშე ზოგიერთი მწარმოებელი ჯერ კიდევ შარშან აღმოჩნდა. რეალიზაციის მოსალოდნელ პრობლემაზე სხვა ფერმერებიც საუბრობენ. 

გიორგი კიკნაძე ფერმერია, რომელსაც უეკლო მაყვალი უფლისციხეში მოჰყავს. შარშან მოწეული კენკრა „გუდვილის” ქსელში შეიტანა. წელს მეტ მოსავალს ელოდება, ამიტომ შიშობს, რომ თუ მაყვალი ექსპორტზე არ გავიდა, ადგილობრივ ბაზარზე მისი რეალიზაცია გაუჭირდება. 

„მაყვლის კრეფას ივლისის ბოლოს ვიწყებთ. რამდენიმე კლიენტი უკვე დამიკავშირდა. მითხრეს, რომ 90 ტონამდე შეიძენენ, კილოგრამს 4 ლარად, მაგრამ რეალურად წაიღებენ თუ არა, ამის თქმა ჯერ ძნელია. ასე რეკავენ, მაგრამ მერე ბევრი აღარ ჩანს. 2017 -18 წლებში ქვეყანაში იმდენი მაყვალი გაშენდა, საქართველოს ბაზარი ვერ აითვისებს თუ ექსპორტზე არ გავიდა. ადგილობრივ ბაზარზე მისი გაყიდვა წარმოუდგენელია. შარშან მაყვალი ქარელში არსებულმა სამაცივრე საწარმომ ჩაიბარა, მაგრამ წელს რა იქნება? 

თუ 2016-17 წელს კილოგრამი მაყვალი 4-5 ლარი ღირდა, 2018 წელს 2,5-3 ლარზე ჩამოვიდა. ფერმერებს, ვინც მაყვალი გააშენა, უფრო დიდი მოგების მიღების მოლოდინი ჰქონდათ. ახლა უკვე ფერმერი იმას ფიქრობს, მოსავალი გასაყიდი არ დარჩეს. კილოგრამში 2,5 ლარი რომ გადაგვიხადონ, მცირე მოგება დაგვრჩება, მაგრამ ჩვენი გათვლა სხვა იყო. კენკრას მეტი მოგება უნდა მოეტანა. ხოლო თუ ფასი 2 ლარი იქნება, არ გვაწყობს. 2019 წელს უფრო მეტი მოსავალი იქნება, და თუ ექსპორტზე არ გავიდა, ამ ფასსაც არ გადაგვიხდიან. 

2016 წლიდან „გუდვილთან” ვთანამშრომლობ. მაგრამ წელს იმდენი მოსავალი მექნება, მარტო „გუდვილს” რომ ველოდო, მოსავალი გამიფუჭდება. გასაღების სხვა ბაზარიც მჭირდება. თანაც კონკურენცია გაიზარდა და შეიძლება „გუდვილს” მაყვალი სხვამაც შესთავაზოს. ბაღების გაშენება კარგია, მაგრამ მთავრობამ მის რეალიზაციაზეც უნდა იზრუნოს. ამავე დროს, სახელმწიფომ შოკური გაყინვის სამაცივრე მეურნეობების შექმნაზე უნდა იფიქროს. შემდეგ კი, ამ სამაცივრეებმა მოყვანილი კენკრა უნდა ჩაიბარონ. სახელმწიფომ ეს სამაცივრეები ჩვენ მიერ გადახდილი გადასახადებიდან დააფინანსა და რა გამოვა, რომ ფული ტყუილად გადავიხადეთ? რად გვინდა ეს საწარმოები თუ ვერ გამოვიყენეთ?! ეს არ არის სწორი. და კიდევ, როცა სამაცივრე მეურნეობები ბიუჯეტის ფულით კეთდება, მთავრობამ უნდა გააკონტროლოს, რომ არ დაიხუროს”,- ამბობს გიორგი კიკნაძე. 

უეკლო მაყვლის შანსები ევროკავშირში

საქართველოდან ევროკავშირში ჯერ მაყვლის ექსპორტის პრეცენდენტი არ არსებობს, ამიტომ რთულია ჯერ იმის თქმა, რამდენად მოახერხებს ქართული მაყვალი ევროკავშირის ბაზარზე შეღწევას და დამკვიდრებას. თუმცა, ექსპერტები ამბობენ, რომ ლოჯისტიკის სწორად აწყობის შემთხვევაში, ქართულ მაყვალს შეუძლია ევროკავშირის ბაზრის ძირითად მოთამაშეებს კონკურენცია გაუწიოს. 

ევროკავშირის ბაზარზე, ახალ მაყვალზე მოთხოვნა მზარდია. ის ხილისა და ბოსტნეულის ყველაზე სწრაფად მზარდ პროდუქტებში მეოთხე ადგილს იკავებს. ქართული მაყვალი მაღალი შაქრიანობით ხასიათდება და კარგი გემოვნური თვისებები აქვს. როგორც სპეციალისტები ამბობენ, შესაძლებელია, რომ როდესაც ესპანეთში მაყვლის მოსავალი მოილევა და სანამ სერბეთსა და პოლონეთში მოსავალი შევა სიმწიფეში, იმ პერიოდში ბაზარი ქართველმა ფერმერებმა მოამარაგონ. 

ევროკავშირის ქვეყნებში ახალი მაყვლის მიწოდების ფასი საშუალოდ 12-14 ლარია, რაც საკმაოდ მიმზიდველია ქართველი ფერმერებისა და ექსპორტიორებისთვის. ახალი პროდუქტის გარდა, ევროკავშირის ბაზარზე მაღალი მოთხოვნაა გაყინულ მაყვალზეც. თუმცა, ფასი ახალ მაყვალთან შედარებით ბევრად დაბალია. სპეციალისტები ვარაუდობენ, რომ თუ ქართული კომპანიები კილოგრამი მაყვლის საექსპორტოდ გამზადებას 3-4 ლარად შეძლებენ, მაღალი ხარისხის შემთხვევაში, ქართული გაყინული მაყვალი ევროკავშირის ბაზარზე კონკურენტუნარიანი იქნება.  


სტატიის ავტორი: ნონა ქვლივიძე

სტატია მომზადებულია ლიეტუვას საგარეო საქმეთა სამინისტროს და „თანამშრომლობის განვითარების და დემოკრატიის ხელშეწყობის ფონდის" ფინანსური მხარდაჭერით. 


Прочитано
506
Отправить письмо

Связанный:

ევროკავშირის 28 ქვეყნიდან საქართველოს დადებითი სავაჭრო ბალანსი მხოლოდ 5–თან აქვს

ევროკავშირის 28 ქვეყნიდან საქართველოს დადებითი სავაჭრო ბალანსი მხოლოდ 5–თან აქვს

რუმინეთი, საფრანგეთი , ლიტვა, ესტონეთი და მალტა – ევროკავშირის ის ქვეყნებია, სადაც იანვარში ექსპორტმა იმპორტს გადააჭარბა და დადებითმა სავაჭრო ბალანსმა 11,1 მილიონი დოლარი შეადგინა. ხუთ ქვეყანაში ექსპორტის საერთო მოცულობამ 36,7 მილიონი დოლარი, იმპორტმა კი

21 Февраль 2018 | 13:35 Далее

Блог

„კაპიტალი განსაზღვრავს წარმოებით ურთიერთობებს,“ – კარლ მარქსის ამ ზეცნობილი ფრაზით გილოცავთ კაპიტალიზმის კრიტიკოსებს თქვენი კერპის 200 წლის იუბილეს, და მსურს განვავრცო, რომ იდეოლოგიური განსხვავების მიუხედავად, არა თუ ვეთანხმები, მეტიც, მიმაჩნია, რომ სწორედ კაპიტალი უდევს საფუძვლად არა მხოლოდ წარმოებით, არამედ ნებისმიერი სახის ურთიერთობას სოციუმში, რომელიც პროგრესსა და განვითარებაზეა ორიენტირებული.

2019 წლამდე გადადოს საპენსიო რეფორმის დაწყება და მოამზადოს წინაპირობები კონსერვატიული (და არა სოციალურ-ლიბერალური) მოდელის შემოღებისთვის, იმ დათქმით, რომ დაგროვებითი და საბაზისო პენსიების სქემები ყოველთვის ერთმანეთის პარალელურად იარსებებს

ახალქალაქს მორიგი დაგეგმილი ტრენინგის ფარგლებში ვესტუმრეთ. ამ ნაყოფიერ მიწაზე მშრომელი ფერმერები ცხოვრობენ. სწორედ აქ მოდის ქართულ ბაზარზე არსებული კარტოფილის, ბოსტნეულისა და მარცვლეულის დიდი ნაწილი. ბოლო პერიოდში ჩვენ მიერ ჩატარებული ტრენინგებიდან ეს შეხვედრა ყველაზე ინტერაქციული აღმოჩნდა. გამაკვირვა მათმა ცხოველმა ინტერესმა სიახლისადმი. ისინი მაქსიმალურად ცდილობდნენ მათთვის საინტერესო საკითხზე მიეღოთ რაც შეიძლება მეტი ინფორმაცია.

გასულ კვირას მაკედონიაში ნაციონალისტურად განწყობილ ადამიანთა ჯგუფი შეიჭრა პარლამენტში. 200-კაციანი ბრბო, რომელთა შორისნიღბიანი მამაკაცები იყვნენ, სასტიკად გაუსწორდაწამყვანი მაკედონიური ოპოზიციურიპარტიის და ეთნიკური ალბანელების პარტიის ლიდერებს, მათ შორის ქალბატონს. ეს ორი პარტია აპირებდა ახალი უმრავლების შექმნას მაკედონიის პარლამენტში, რომლის სპიკერად ეთნიკურად ალბანელი პოლიტიკოსი აირჩიეს. პარლამენტში შეჭრილები, რომლებიც ქვეყნის ყოფილი პრემიერ-მინისტრისმომხრეები იყვნენ, ამ ფაქტის ასეთი სისხლიანი გზით ჩაშლას ცდილობდნენ.

დღეს ქართულმეტყველებაში, ალბათ, 7000 სიტყვაზე მეტი არ გამოიყენება, ბარბარიზმებმა კი, რასაც წლებია ვაგროვებ, 1600-ს გადააჭარბა.

კონფლიქტის დაწყებიდან მეექვსე წელს ამერიკის შეერთებულმა შტატებმა ჩაურევლობის პოლიტიკა დაარღვია და ასადის რეჟიმის წინააღმდეგ იერიში პირველად 7 აპრილს, გამთენიისას მიიტანა.

ესტონური წარმატებული პოტიკის მაგალითების მოძიება შესაძლებელია თითქმის ნებისმიერ სფეროში, დაწყებული სახელმწიფო მმართველობიდან, დამთავრებული განათლების პოლიტიკით.

უცხო ქვეყნების კანონებისა თუ რეფორმების კოპირება განვითარების ერთი-ერთი პოპულარული და საქართველოშიც ხშირად გამოყენებადი რეცეპტია. ლოგიკა მარტივია - „საჭირო არ არის ველოსიპედის ახლიდან გამოგონება“. თუმცა, ეს მიდგომა ხშირად არ ამართლებს.

ევროკავშირთან სავაჭრო სივრცის გაფართოების შედეგად ყველა მოსალოდნელი დადებით ეფექტი მიიღწევა გრძელვადიან პერიოდში (5-10 წელიწადი), ხოლო ხარჯების გაღება გვიწევს დღეს, რათა შესაბამისობაში მოვიდეთ ევროკავშირის კანონმდებლობასთანდა საბაზრო მოთხოვნებთან. ისედაც დაძაბულ სოციალურ და პოლიტიკურ ფონზე ამან შესაძლოა საფრთხე შეუქმნას რეფორმების წარმატებით განხორციელებას. შესაბამისად, დაახლოების პროცესი უნდა იყოს თანმიმდევრული და პრიორიტეტები გათვლილი ისე, რომ ბიზნესს ჰქონდეს ზრდის სტიმული; ასევე, მნიშვნელოვანია ექსპორტზე ორიენტირებული დარგების კონკურენტუნარიანობის ამაღლება წახალისდეს. მეორე მხრივ, საქართველოში ევროკავშირის სტანდარტების დანერგვა მეწარმეობასა და ზოგადად ქვეყნის საინვესტიციო სივრცეში პირდაპირი უცხოური ინვესტიციების მოზიდვას და ევროპულ ბაზარზე წვდომას ხელს შეუწყობს. DCFTA-ს სარგებლის სრულად ასათვისებლად, ასევე, აუცილებელია სამუშაო ძალის ბაზრის ცვლილება, რომელიც ამჟამად თავმოყრილია ძირითადად დაბალმწარმოებლურ დარგებში.

მე ძალიან კარგად არ ვიცნობ მაგამედ სარიევს. მაქსიმუმ ორჯერ შევხვედრივარ, პირველად მარნეულში და მეორედ ერთი კვირის წინ გარდაბნის მუნიციპალიტეტში ამჯერადაც ევროკავშირთან სავაჭრო ხელშეკრულების (DCFTA) შესაძლებლობების შესახებ ტრეინინგზე. მაგამედი არც ოლიმპიური ჩემპიონია და მისი ფოტოები არც საჯარო თავშეყრის ადგილებშია გამოფენილი, თუმცა ის რომ საუკეთესო მოქალაქეა, ამ ფაქტს წყალი არ გაუვა!

განვითარების ერთი-ერთი პოპულარული რეცეპტი, რომელსაც საქართველოშიც ხშირად მივმართავთ, უცხო ქვეყნების კანონებისა თუ რეფორმების კოპირებას გულისხმობს. ლოგიკა მარტივია - „საჭირო არ არის ველოსიპედის ახლიდან გამოგონება“. სამწუხაროდ, ეს მიდგომა რიგ შემთხვევაში არ ამართლებს. ვაშლი და ფორთოხალი ორივე მრგვალია და ორივე ხილია, მაგრამ აღნიშნული საერთო მახასიათებლები არ იძლევა საფუძველს გავაკეთოთ დაშვება, რომ მათი ხეები ერთი და იმავე გარემო-პირობებში და ერთნაირი მოვლის მეთოდებით ხარობს.

კეთილდღეობის ეკონომიკის ერთ-ერთი პრინციპია, რომ ზოგიერთ გადასახადს შესაძლოა უკუგავლენა ჰქონდეს ინდივიდების მოტივაციაზე- შექმნან დოვლათი. თუმცა, თუ გადასახადებიდან მიღებული თანხა საკმარისი არ არის ხარისხიანი ინფრასტრუქტურისა და საჯარო სერვისების დასაფინანსებლად, ამანაც შეიძლება დააზარალოს ეკონომიკა.

ინსტიტუტების განვითარებას არა მარტო პროფესიონალების, პოლიტიკური და ეკონომიკური ელიტების სწორად მიმართული შრომა და გადაწყვეტილებები, არამედ მოსახლეობის დამოკიდებულებებისა და ფასეულობების შეცვლაც სჭირდება.

ფერმერებთან ჩვენი შეხვედრის დროს სულიად მოულოდნელად აღმოვაჩინეთ მსმენელებს შორის ორი “თინეიჯერი” ბიჭი; მომავალი ფერმერები მამასთან ერთად გამალებით იწერდნენ პრეზენტაციის დროს მიწოდებულ ყველა ინფორმაციას თაფლის წარმოების არსებული შესაძლებლობების, პრობლემებისა და გამოწვევების შესახებ.

მას შემდეგ, რაც საქართველომ დამოუკიდებლობა მოიპოვა, მთავრობები, პოლიტიკური პარტიები, ექსპერტები, თუ იდეოლოგები გვპირდებიან საქართველოს ეკონომიკურ გაბრწყინებას, რეცეპტად კი ბორჯომის გაყიდვიდან დაწყებული დაბალი გადასახადებით დამთავრებული არაერთ იდეას თუ თეორიას ასახელებენ. ასე გრძელდება 25 წელია და, მართალია, 90-იანი წლების სიდუჭირიდან მოსახლეობის დიდი ნაწილი გამოვიდა, გაბრწყინებამდე ჯერ კიდევ ბევრი გვიკლია.

გუგენჰაიმში აგნეს მარტინმა, MoMA-ს თანამედროვე ხელოვნების ფილიალმა (PS1) ნიუ-იორკში, ჩიკაგოს ხელოვნების ინსტიტუტმა და ჩიკაგოს თანამედროვე ხელოვნების მუზეუმმა კიდევ ერთხელ დამარწმუნა, რომ არ არსებობს გამოხატვის უღირსი საგნები, აღქმები, მოვლენები თუ ამ მოვლენების ინტერპრეტაციები.

სამი წლის წინ ამერიკელმა ჟურნალისტმა ენ ბერნარდმა National Geographic-ისთვის მომზადებულ რეპორტაჟში შემდეგი სიტყვები დაწერა: „თუ დაეცემა დამასკო, დაეცემა სირიაც.“ ომის დაწყებიდან, თითქმის, ექვსი წლის თავზე პრეზიდენტ ბაშარ ალ-ასადის ციტადელად ქცეული სირიის დედაქალაქი გადარჩა, ხოლო ალეპომ, სიდიდით მეორე უძველესმა ქალაქმა და ომამდელი სირიის ბიზნესცენტრმა, დაცემა 2012 წლიდან (სამოქალაქო ომის დაწყებიდან ერთ წელიწადში) დაიწყო, თუმცა, მაინც ბევრს გაუძლო გარდა რუსეთის ავიაიერიშისა.

ციდან ალბათ ყველაზე კარგად ჩანს გერმანული რაციონალიზმი, მიწის და განახლებადი ენერგიიის ათვისება (გუშინ მხოლოდ მიუნხენიდან ფრანკფურტამდე მგზავრობისას 500-ზე მეტი ქარის წისქვილი დავთვალე), ტყის ფართობების და სასოფლო-სამეურნეო სავარგულების ეს რაღაც განსხვავებული სიმეტრიით მონაცვლეობა და, მთლიანობაში, ეს განსხვავებულად დავარცხნილი რელიეფი.

გაძვირებული საიმპორტო ავტომობილების ფასი (გამოწვეული აქციზის ზრდით), სავარაუდოდ, გაახანგრძლივებს საქართველოში არსებული ავტომობილების „ექსპლუატაციის“ ვადას. შესაბამისად, ტექნიკური შემოწმების შემოღების ვადებისა და პირობების გაურკვევლობის პირობებში, შესაძლოა, ტექნიკურად არც ისე სახარბიელო მგომარეობაში მყოფმა ქართულმა ავტოპარკმა გაიხანგრძლივოს მავნე აირებისა და უსიამოვნო ინდუსტრიული ხმების „გამობოლქვის“ პერიოდი.

В шестидесятые годы прошлого века Ферруччо получил от продажи тракторов бόльший доход, чем планировалось, и исполнил свою мечту: поставил в свой гараж новенькую «феррари». Вторая часть этой истории намного интереснее. «Феррари» не оправдала ожиданий Ферруччо. Ферруччо, не раздумывая, явился прямо к Энцо Феррари, чтобы обсудить недостатки машины, он высказал свое мнение и предложил помощь в решении проблем...

აბორტის უფლება ერთ-ერთი მნიშვნელოვანი პოსტულატია ადამიანის უფლების კონვენციაში. გაეროს CEDAW-ს კომიტეტის დეკლარაციაში წერია: „გაეროს წევრმა ქვეყნებმა ხელი უნდა შეუწყოს ჯანდაცვის სფეროში ქალის მიმართ ყველანარი დისკრიმინაციის აღმოფხვრას, ქალის და კაცის უფლება თანაბრად უნდა იყოს დაცული და ქალებს უნდა ქონდეთ წვდომა ჯანდაცვის სერვისებზე, ოჯახის დაგეგმარების ჩათვლით“.

ბატონი სერგო ქალაქ თელავიდან თან რეალური პიროვნებაა და თან კრებითი სახელია იმ ადამიანებისა, რომლებიც ევროინტეგრაციის მიმართულებით ინფორმაციულ შიმშილს განიცდიან.

ცოტა ხნის წინ გავრცელდა ინფორმაცია "ჩერნომორენერგოს" დირექტორის, ასლან ბასარიას განცხადების შესახებ, რომელსაც ენგურჰესის დირექტორის ლევან მებონიაც ადასტურებს და რომლის მიხედვით ენგურჰესის მიერ გამომუშავებული არცერთი კილოვატი ამ ეტაპზე საქართველოს არ მიეწოდება და მთლიანად აფხაზეთს მიაქვს, ხოლო ზამთრისა და გაზაფხულის პერიოდში წაღებული ელექტროენერგიის რაოდენობა გამომუშავებულის 80%-ს შეადგენს.

ქართველ მორწმუნეთა და სასულიერო პირთა გარკვეულ წრეში სიტყვა „ლიბერალიზმი“ ძალიან უარყოფითი რენომეთი სარგებლობს. ჩემი აზრით, ამას სამი უმთავრესი მიზეზი აქვს. პირველი, ესაა რუსული რელიგიური ლიტერატურა, რომლებიც „რომის მესამე იმპერიის“ სულისკვეთების მქონე ავტორების მიერაა დაწერილი, რომლებსაც ყველანაირი ლიბერალური აზრი, რომელიც ეჭვის ქვეშ აყენებს რუსული იმპერიის მართლმადიდებლურ მისიას, თავად მართლმადიდებლობის საწინააღმდეგო ძალად მიაჩნიათ; მეორე, ზოგიერთი ლიბერალის აგრესიული, ანტიეკლესიური პოზიცია, რომელიც სულაც არ გამომდინარეობს კლასიკური პოლიტიკური ლიბერალიზმის ბუნებიდან და აქედან გამომდინარე, თავად ამ ლიბერალის ბრალია და არა ლიბერალიზმის; მესამე, ზოგადად ლიბერალიზმის მოწინააღმდეგენი კარგად არ იცნობენ კლასიკური, პოლიტიკური ლიბერალიზმის ბუნებას.

ახალციხის რაიონში მცხოვრებ ერთ-ერთ მეფუტკრეს, რომელიც ევროპაში ქართული თაფლის ექსპორტისთვის საჭირო მოთხოვნებზე ინფორმაციას ეძებდა, სურსათის ეროვნულ სააგენტოში "ურჩიეს", რომ ევროკავშირში თაფლის შეტანაზე ფუჭ ოცნებას თავი დაანებოს და ცოტა უფრო პრაგმატულ-მიწიერი საქმით დაკავდეს.

ახლო აღმოსავლეთსა და სირიაში შექმნილი ვითარება შედეგია ცივილიზაციურ - რელიგიური კონფლიქტების გაღვივების, რომლებიც ემყარება საუკუნეების მანძილზე ჩამოყალიბებულ ეთნო-რელიგიურ რწმენებს და რომელთა გაღვივება ხდება გლობალური და რეგიონული პროცესების ფონზე.

Адвокатирования

შეხვედრა საღამოს 6 საათზე , www.eugeorgia.info-ს ოფისში დავნიშნეთ. ჩვენი ჯგუფი პირველად უნდა შეხვედროდა ახალციხის რაიონში, სოფელ ანდრიაწმინდაში მცხოვრებ მეყველეს - გალინა ინასარიძეს და მის შვილს - რუსლანს. თავდაპირველად, შეხვედრის მიზანი ერთმანეთის გაცნობ

Избранные статьи

EU representatives inspected the production of honey in Georgia and concluded that honey is one of the best-placed Georgian products, along with hazelnuts and wine, for entering EU markets.

The American blueberry, which adapted well to the climactic conditions of the Guria and Adjara highlands, is in high demand on the global market because of its unique properties. This year, 12 tons of blueberries grown in Georgia were delivered for sale o

Paata Mogelashvili owns a 20 hectare orchard in the village of Variani, in the Gori District. He has been tending the orchard together with his brothers for several years.Recently, the orchard was replenished when the Sinap and Champion apple cultivars we

1 კგ - 30 ლარი- ამ ფასად შეგიძლიათ იყიდოთ სატაცური წელს ქართულ საცალო ქსელებში. ცხოვრების დონის გათვალისწინებით, ბოსტნეულს თამამად შეუძლია დელიკატესებს შორის თავისი ადგილი დაიკავოს. თუმცა, როგორც ექსპერტები აცხადებენ, ფასს არც მისი თვისებები ჩამორჩება.

"The EU market has a huge advantage. First and foremost it is stability. European market is a developed market with profound and well established rules. Russian market on the other hand lacks this kind of cohesion. Few rules that exist there are often sub

Anchovy harvested from the waters off the Georgian Black Sea shore will be one of the first products to be exported from Georgia to markets in the EU. To see how effectively the National Food Agency of Georgia controls local production, the Directorate Ge

თვეზე მეტია საგაფიცვო ტალღამ ქართული უნივერსიტეტები მოიცვა. თავიდან ჩამოუყალიბებელი მოთხოვნები ბევრი მიმართულებით დაკონკრეტდა და ახლა სტუდენტები უნივერსიტეტების დამოუკიდებლობასთან ერთად სწავლის ხარისხის გაზრდას და სწავლების თანამედროვე მეთოდების დანე

Georgian Kiwifruitis available in one of the largest European supermarket chains – Lidl, Germany.The Lidl purchases 1kg kiwifruit for 1.20 Euro from Georgian producer and sells it for 0.29 Euro each in its chain.

ქართულ-შვეიცარიული კომპანია „ბლაუენშტაინ საქართველო“ რაჭაში 2008 წელს დაფუძნდა და თანამედროვე ტექნოლოგიებით აღჭურვილი ფერმა ააშენა. იმავე წელს 70-მდე სული მსხვილფეხა საქონელი შვეიცარიიდან შემოიყვანა და მას შემდეგ ბიზნესის ასაწყობად, როგორც მისი დამფუძნებ

Trade in sheep and wool has dropped in Georgia, and Georgian shepherds are looking to EU countries in search of new markets for Georgian sheep products. So, exactly what requirements must farmers meet in order to export Georgian sheep and wool to the Euro

banner
banner
banner
banner
banner