Content on this page requires a newer version of Adobe Flash Player.

Get Adobe Flash player


Вторник, 01 Декабрь
13 Октябрь 2020 | 20:41 Сельское хозяйство

რა სახის სერვისს შესთავაზებს წყალტუბოს სასათბურე მეურნეობების კლასტერი ადგილობრივ ფერმერებს

რა სახის სერვისს შესთავაზებს წყალტუბოს სასათბურე მეურნეობების კლასტერი ადგილობრივ ფერმერებს

არჩილ ბუკია: „იდეა, რომ ქუთაისი ჩამოყალიბდეს ლოგისტიკური ცენტრად, კვლავ ძალაშია”

ზუსტი დრო, როდის დაიწყებს წყალტუბოს სასათბურე მეურნეობების კლასტერი მუშაობას, ჯერჯერობით უცნობია. სოფლისა და სოფლის მეურნეობის განვითარების სააგენტოს შვილობილ კომპანია შპს „იმერეთის აგროზონას” მიერ საკონსულტაციო მომსახურებისთვის დაქირავებულ ქართულ-ჰოლანდიურ კონსორციუმს GH&KSH-ს 31 ივლისამდე უნდა ჩაებარებინა პაკეტი, რომელშიც იმ დაინტერესებულ პირთა ჩამონათვალი იქნებოდა, ვინც სასათბურე კლასტერის ტერიტორიაზე ბიზნესის დაწყებით იქნებოდა დაინტერესებული. სია ჯერ დაზუსტებული არ არის. რა პრობლემები არსებობს ამჟამად სასათბურე მეურნეობების კლასტერის წინაშე და რა გეგმები აქვს პროექტის მმართველ კომპანია შპს „იმერეთის აგროზონას”, ამის შესახებ კომპანიის დირექტორს არჩილ ბუკიას ვკითხეთ:

- 125 ჰექტარი მიწის ნაკვეთს წყალტუბოს მუნიციპალიტეტის სოფელ მაღლაკში, რომელიც სახელმწიფომ გადასცა შპს „იმერეთის აგროზონას”, სასმელი წყლის სატუმბი სადგური ესაზღვრება. სატუმბ სადგურს გააჩნია სანიტარული დაცვის ზონა, რომელიც, როგორც აღმოჩნდა, ნაწილობრივ ფარავს ჩვენი მიწის ნაკვეთის ტერიტორიას. ამიტომ აგროზონისთვის ალტერნატიული მიწის ნაკვეთები მოვნახეთ. მთავრობის განკარგულებით გადმოგვეცა 219 ჰექტარი მიწის ნაკვეთი -158 ჰექტარი წყალტუბოს მუნიციპალიტეტის სოფელ ფარცხანაყანებში, 61 ჰექტარი კი, ბაღდათის მუნიციპალიტეტში, სოფელ ვარციხეს ტერიტორიაზეა. მაღლაკში მდებარე ნაკვეთს ადგილობრივი მოსახლეობა საძოვრად იყენებდა, ამიტომ გადავწყვიტეთ მათ ალტერნატიული ტერიტორია შევთავაზოთ, სადაც შესაძლოა, მეცხოველეობის ფერმაც მოეწყოს.

-სასათბურე კლასტერის შექმნის პროექტი ამჟამად რა ეტაპზეა?

-პროექტის პირველი ფაზა, რომელიც კონცეფციის ჩამოყალიბებას ითვალისწინებდა, დასრულდა. ტერიტორია სხვადასხვა ტექნოლოგიურ ზონად დაიყოფა, ერთი ზონა იქნება მაღალტექნოლოგიური სათბურებისთვის, სადაც არის სრული კლიმატკონტროლი, ხელოვნური დანათების სისტემით. ეს სათბურები საკმაოდ ძვირია, დიდი ინვესტიცია სჭირდება, ამიტომ მაღალი ფინანსური შესაძლებლობის ინვესტორებზე იქნება გათვლილი. მეორე, საშუალო ტექნოლოგიური ზონაში უნდა მოეწყოს სათბურები კლიმატკონტროლით, მაგრამ დანათების გარეშე. ამ კატეგორიის სათბურებისთვისაც მნიშვნელოვანი ინვესტიცია არის საჭირო. მესამე იქნება დაბალ ტექნოლოგიური ზონა, გვირაბული ტიპის სათბურებისთვის, რომელსაც გაცილებით ნაკლები ინვესტიცია სჭირდება და ამ ზონაში შეუძლიათ იმერეთის რეგიონში უკვე არსებული მესათბურეები ან მათ მიერ შექმნილი კოოპერატივები შემოვიდნენ. ასევე, კლასტერის ტერიტორიაზე იქნება კენკროვანების, ორგანული წარმოების, ღია გრუნტზე წარმოების და ა.შ. ზონები. საერთაშორისო ფინანსურ ინსტიტუტებთან დაფინანსების სქემებზე ვმუშაობთ, რომ პოტენციურ ინვესტორებს დაფინანსების სხვადასხვა წყაროები შევთავაზოთ.

- დაინტერესებული პირების დაფინანსებაში შეღავათიანი კრედიტების გაცემას გულისხმობთ?

-პატარა პროექტებისთვის შეღავათიანი კრედიტის გაცემაც შეიძლება მოხდეს. მაღალტექნოლოგიური პროექტებისთვის ერთ ჰექტარზე მილიონზე მეტი ევროს ინვესტიცია არის საჭირო და ის მინიმუმ 5 ჰექტარზე უნდა განთავსდეს. ამას დიდი მოცულობის ინვესტიცია სჭირდება, ამიტომ ვესაუბრებით აზიის განვითარების ბანკს და EBRD-ს. ყველა დიდ საერთაშორისო ფინანსურ ინსტიტუტს შევხვდით, ვესაუბრებით რა პირობებით და როგორ დააფინანსებენ კლასტერის წევრებს.

პროექტის განვითარების შემდეგი ნაბიჯი გახლავთ წინასწარი ინტერესთა გამოხატვა. დავიწყეთ მუშაობა ინტერესთა გამოხატვისთვის წინადადებების მოსამზადებლად, რომ პოტენციურ ინვესტორებს ვუთხრათ, რა პირობები გვექნება. წინასწარი ინტერესთა გამოხატვა საშუალებას მოგვცემს, გავიგოთ, ვინ არის დაინტერესებული შემოვიდეს აგროზონაში, რა მასშტაბის ბიზნესის დაწყებას აპირებს, რა პროდუქციას აწარმოებს და ა.შ.

-კლასტერში გაერთიანების ინტერესი თუ გამოხატა უკვე ვინმემ?

- ვინც გაიგო აგროზონის შესახებ, ბევრი მოდის, კითხულობს. აინტერესებთ პროექტის განხორციელების ეტაპები, ვადები და პირობები. დაინტერესება არის სხვადასხვა ქვეყნების წარმომადგენლებისგან. ინტერესთა გამოხატვის შემდეგ გვექნება ჩამონათვალი, ინვესტორები რომელი ქვეყნებიდან არიან, როგორი სათბურების მოწყობა და რა კულტურების მოყვანა უნდათ. ინტერესთა გამოხატვის დროს მიღებული წინადადებები დოკუმენტურად გაფორმდება და იურიდიულ სტატუსს შეიძენს. 

- თქვენი მხრიდან მსურველებისთვის ორივე შეთავაზება დარჩება- მიწის შესყიდვა ან იჯარით აღება?

- ჯერჯერობით ორივე შესაძლებლობა ძალაშია. სხვა სქემასაც ვამუშავებთ, განვიხილავთ, რომ პროექტი PPP- კერძო საჯარო თანამშრომლობის კუთხითაც განვითარდეს. გვქონდა შეხვედრა მსოფლიო ბანკთან, რომელსაც აქვს PPP-ის ჩამოყალიბების გამოცდილება და ამ მიმართულებით ინტენსიურად ვმუშაობთ.

- როგორც ფიქრობთ, საქართველოში ვინ შეიძლება იყოს დაინტერესებული კლასტერში ბიზნესის დაწყებით. ადგილობრივ ფერმერებს რამდენად დააინტერესებთ თქვენ კლასტერში შემოსვლა?

- ჩავატარეთ კვლევა, გამოიკითხა ირგვლივ მდებარე სოფლების 300-ზე მეტი ფერმერი, ვისაც სათბური აქვს.გამოკითხულთა 84%-მა დაადასტურა, რომ დაინტერესებულია და შესაძლოა, კლასტერში მონაწილეობაზე იფიქროს. გადაწყვეტილებას იმის მიხედვით მიიღებენ, რა პირობებით ჩამოყალიბდება კლასტერი. საშუალო და დაბალ ტექნოლოგიურ ნაწილში მათ შეიძლება ისეთი პირობები შევთავაზოთ, რომ ბევრი შემოვიდეს, ინდივიდუალურად ან კოოპერატივების სახით.

აგროზონაში მხოლოდ სათბურები არ იქნება, არამედ, იქნება გადამამუშავებელი საწარმო, ლოგისტიკური ცენტრი. ვთანამშრომლობთ შესაფუთი მასალების კლასტერთან, რომ შეიქმნას შესაფუთი მასალების საწარმო. გვინდა, რომ აგროზონის ტერიტორიაზე შეიქმნას ღირებულებათა სრული ჯაჭვი. ასევე, ჩვენი კომპანია გახდეს ნებისმიერი სერვისის მიმწოდებელი, რაც ბიზნესს დასჭირდება: ექსპორტ-იმპორტის დოკუმენტაციის მომზადება, ნარჩენების გადამუშავება, სხვადასხვა სახის სერტიფიცირება, კვალიფიციური მუშახელის მიწოდება და სხვა. ყველა სერვისის მიღება ერთი ფანჯრის პრინციპით იქნება შესაძლებელი. პროექტის განხორციელების შედეგად მინიმუმ 900 ადამიანის დასაქმებას ვგეგმავთ. 

- უამრავი მცირე ფერმერია რეგიონში, ვისაც არ აქვს ფინანსური საშუალება შემოვიდნენ კლასტერში და მიწა თუნდაც იჯარით აიღონ. მათ თუ შეეძლებათ, თქვენი სერვისებით ისარგებლონ?

-ჩვენ გვექნება სატრენინგო-სადემონსტრაციო ცენტრი, სადაც ფერმერებს საშუალება ექნებათ გაიარონ ტრეინინგი, გაეცნონ თანამედროვე ტექნოლოგიებს. გაკეთდება ლოგისტიკური ცენტრი, რომელიც არა მარტო აგრო ზონაში არსებულ კომპანიებს, არამედ ირგვლივ რეგიონში არსებულ მწარმოებლებსაც მოემსახურება. მათ საშუალება ექნებათ ამ ლოგისტიკურ ცენტრში ჩააბარონ მოყვანილი პროდუქტი. ასევე, შესაძლებელია, ლოგისტიკურმა ცენტრმა მათ კონკრეტული პროდუქციის მოყვანა დაუკვეთოს, რასაც შემდეგ ეს ცენტრი შეისყიდის. ანუ ამ ფერმერებს ექნებათ შესაძლებლობა, რომ რეალიზაციის ბაზრის დივერსიფიკაცია მოახდინონ. ტექნოლოგიების გაუმჯობესებაში უკვე არსებულ სათბურებსაც დავეხმარებით.

- ადგილობრივ მცირე ფერმერებს არ ჰყავთ კვალიფიციური აგრონომი, აგრეთვე, ხარისხიანი სათესლე მასალის და სასუქების პრობლემა აქვთ. ამ პრობლემის მოგვარებაში თუ დაეხმარება „იმერეთის აგროზონა”? 

-როგორც გითხარით, გვექნება სატრეინინგო-სადემონსტრაციო ცენტრი, სადაც ფერმერები ისწავლიან და გაეცნობიან მსოფლიოში არსებულ საუკეთესო პრაქტიკას. ჩვენ უკვე გვყავს სხვადასხვა პროდუქციის -სასუქების, სათესლე მასალის, სასათბურე ინვენტარის მომწოდებლები, რომლებიც დაინტერესებულები არიან ჩვენთან თანამშრომლობით. ისინი გაყიდიან პროდუქციას, რომლის ხარისხი გარანტირებული იქნება. 

- აგროზონა საქმიანობას როდის დაიწყებს?

- მეორე ფაზა ანუ ინტერესთა გამოხატვა, ვვარაუდობთ,რომ ამ წლის ბოლომდე მოხდება. როდის დაიწყება მუშაობა აგროზონაში, ამას ინტერესთა გამოხატვის შედეგები გვაჩვენებს ანუ რამდენად დიდი იქნება ინტერესი. ყველაფერი ფინანსებზეა დამოკიდებული. ეკონომიკურად რთული წელი გველოდება, მაგრამ მაქსიმალურად ვეცდებით, რომ საერთაშორისო დონორი ორგანიზაციებიდან რაც შეიძლება მეტი თანხები მოვიზიდოთ.

- თქვენ თქვით, რომ ქუთაისის ტერმინალი უნდა მოემსახუროს აგროზონიდან პროდუქციის ექსპორტს, ამ მიმართულებით თუ არის წინსვლა?

-გვქონდა შეხვედრა ეკონომიკის სამინისტროსთან. არის იდეა, რომ ქუთაისი გახდეს აგროჰაბი. ქუთაისის აეროპორტის ხელმძღვანელობასთან გვქონდა ამ საკითხზე საუბარი. იდეა, რომ ქუთაისი ჩამოყალიბდეს ლოგისტიკური ცენტრად, კვლავ ძალაშია. 

სტატიის ავტორი: ნონა ქვლივიძე

სტატია მომზადებულია ლიეტუვას საგარეო საქმეთა სამინისტროს და „თანამშრომლობის განვითარების და დემოკრატიის ხელშეწყობის ფონდის" ფინანსური მხარდაჭერით. 

 




Прочитано
283
Отправить письмо

Связанные истории не найдены


Блог

„კაპიტალი განსაზღვრავს წარმოებით ურთიერთობებს,“ – კარლ მარქსის ამ ზეცნობილი ფრაზით გილოცავთ კაპიტალიზმის კრიტიკოსებს თქვენი კერპის 200 წლის იუბილეს, და მსურს განვავრცო, რომ იდეოლოგიური განსხვავების მიუხედავად, არა თუ ვეთანხმები, მეტიც, მიმაჩნია, რომ სწორედ კაპიტალი უდევს საფუძვლად არა მხოლოდ წარმოებით, არამედ ნებისმიერი სახის ურთიერთობას სოციუმში, რომელიც პროგრესსა და განვითარებაზეა ორიენტირებული.

2019 წლამდე გადადოს საპენსიო რეფორმის დაწყება და მოამზადოს წინაპირობები კონსერვატიული (და არა სოციალურ-ლიბერალური) მოდელის შემოღებისთვის, იმ დათქმით, რომ დაგროვებითი და საბაზისო პენსიების სქემები ყოველთვის ერთმანეთის პარალელურად იარსებებს

ახალქალაქს მორიგი დაგეგმილი ტრენინგის ფარგლებში ვესტუმრეთ. ამ ნაყოფიერ მიწაზე მშრომელი ფერმერები ცხოვრობენ. სწორედ აქ მოდის ქართულ ბაზარზე არსებული კარტოფილის, ბოსტნეულისა და მარცვლეულის დიდი ნაწილი. ბოლო პერიოდში ჩვენ მიერ ჩატარებული ტრენინგებიდან ეს შეხვედრა ყველაზე ინტერაქციული აღმოჩნდა. გამაკვირვა მათმა ცხოველმა ინტერესმა სიახლისადმი. ისინი მაქსიმალურად ცდილობდნენ მათთვის საინტერესო საკითხზე მიეღოთ რაც შეიძლება მეტი ინფორმაცია.

გასულ კვირას მაკედონიაში ნაციონალისტურად განწყობილ ადამიანთა ჯგუფი შეიჭრა პარლამენტში. 200-კაციანი ბრბო, რომელთა შორისნიღბიანი მამაკაცები იყვნენ, სასტიკად გაუსწორდაწამყვანი მაკედონიური ოპოზიციურიპარტიის და ეთნიკური ალბანელების პარტიის ლიდერებს, მათ შორის ქალბატონს. ეს ორი პარტია აპირებდა ახალი უმრავლების შექმნას მაკედონიის პარლამენტში, რომლის სპიკერად ეთნიკურად ალბანელი პოლიტიკოსი აირჩიეს. პარლამენტში შეჭრილები, რომლებიც ქვეყნის ყოფილი პრემიერ-მინისტრისმომხრეები იყვნენ, ამ ფაქტის ასეთი სისხლიანი გზით ჩაშლას ცდილობდნენ.

დღეს ქართულმეტყველებაში, ალბათ, 7000 სიტყვაზე მეტი არ გამოიყენება, ბარბარიზმებმა კი, რასაც წლებია ვაგროვებ, 1600-ს გადააჭარბა.

კონფლიქტის დაწყებიდან მეექვსე წელს ამერიკის შეერთებულმა შტატებმა ჩაურევლობის პოლიტიკა დაარღვია და ასადის რეჟიმის წინააღმდეგ იერიში პირველად 7 აპრილს, გამთენიისას მიიტანა.

ესტონური წარმატებული პოტიკის მაგალითების მოძიება შესაძლებელია თითქმის ნებისმიერ სფეროში, დაწყებული სახელმწიფო მმართველობიდან, დამთავრებული განათლების პოლიტიკით.

უცხო ქვეყნების კანონებისა თუ რეფორმების კოპირება განვითარების ერთი-ერთი პოპულარული და საქართველოშიც ხშირად გამოყენებადი რეცეპტია. ლოგიკა მარტივია - „საჭირო არ არის ველოსიპედის ახლიდან გამოგონება“. თუმცა, ეს მიდგომა ხშირად არ ამართლებს.

ევროკავშირთან სავაჭრო სივრცის გაფართოების შედეგად ყველა მოსალოდნელი დადებით ეფექტი მიიღწევა გრძელვადიან პერიოდში (5-10 წელიწადი), ხოლო ხარჯების გაღება გვიწევს დღეს, რათა შესაბამისობაში მოვიდეთ ევროკავშირის კანონმდებლობასთანდა საბაზრო მოთხოვნებთან. ისედაც დაძაბულ სოციალურ და პოლიტიკურ ფონზე ამან შესაძლოა საფრთხე შეუქმნას რეფორმების წარმატებით განხორციელებას. შესაბამისად, დაახლოების პროცესი უნდა იყოს თანმიმდევრული და პრიორიტეტები გათვლილი ისე, რომ ბიზნესს ჰქონდეს ზრდის სტიმული; ასევე, მნიშვნელოვანია ექსპორტზე ორიენტირებული დარგების კონკურენტუნარიანობის ამაღლება წახალისდეს. მეორე მხრივ, საქართველოში ევროკავშირის სტანდარტების დანერგვა მეწარმეობასა და ზოგადად ქვეყნის საინვესტიციო სივრცეში პირდაპირი უცხოური ინვესტიციების მოზიდვას და ევროპულ ბაზარზე წვდომას ხელს შეუწყობს. DCFTA-ს სარგებლის სრულად ასათვისებლად, ასევე, აუცილებელია სამუშაო ძალის ბაზრის ცვლილება, რომელიც ამჟამად თავმოყრილია ძირითადად დაბალმწარმოებლურ დარგებში.

მე ძალიან კარგად არ ვიცნობ მაგამედ სარიევს. მაქსიმუმ ორჯერ შევხვედრივარ, პირველად მარნეულში და მეორედ ერთი კვირის წინ გარდაბნის მუნიციპალიტეტში ამჯერადაც ევროკავშირთან სავაჭრო ხელშეკრულების (DCFTA) შესაძლებლობების შესახებ ტრეინინგზე. მაგამედი არც ოლიმპიური ჩემპიონია და მისი ფოტოები არც საჯარო თავშეყრის ადგილებშია გამოფენილი, თუმცა ის რომ საუკეთესო მოქალაქეა, ამ ფაქტს წყალი არ გაუვა!

განვითარების ერთი-ერთი პოპულარული რეცეპტი, რომელსაც საქართველოშიც ხშირად მივმართავთ, უცხო ქვეყნების კანონებისა თუ რეფორმების კოპირებას გულისხმობს. ლოგიკა მარტივია - „საჭირო არ არის ველოსიპედის ახლიდან გამოგონება“. სამწუხაროდ, ეს მიდგომა რიგ შემთხვევაში არ ამართლებს. ვაშლი და ფორთოხალი ორივე მრგვალია და ორივე ხილია, მაგრამ აღნიშნული საერთო მახასიათებლები არ იძლევა საფუძველს გავაკეთოთ დაშვება, რომ მათი ხეები ერთი და იმავე გარემო-პირობებში და ერთნაირი მოვლის მეთოდებით ხარობს.

კეთილდღეობის ეკონომიკის ერთ-ერთი პრინციპია, რომ ზოგიერთ გადასახადს შესაძლოა უკუგავლენა ჰქონდეს ინდივიდების მოტივაციაზე- შექმნან დოვლათი. თუმცა, თუ გადასახადებიდან მიღებული თანხა საკმარისი არ არის ხარისხიანი ინფრასტრუქტურისა და საჯარო სერვისების დასაფინანსებლად, ამანაც შეიძლება დააზარალოს ეკონომიკა.

ინსტიტუტების განვითარებას არა მარტო პროფესიონალების, პოლიტიკური და ეკონომიკური ელიტების სწორად მიმართული შრომა და გადაწყვეტილებები, არამედ მოსახლეობის დამოკიდებულებებისა და ფასეულობების შეცვლაც სჭირდება.

ფერმერებთან ჩვენი შეხვედრის დროს სულიად მოულოდნელად აღმოვაჩინეთ მსმენელებს შორის ორი “თინეიჯერი” ბიჭი; მომავალი ფერმერები მამასთან ერთად გამალებით იწერდნენ პრეზენტაციის დროს მიწოდებულ ყველა ინფორმაციას თაფლის წარმოების არსებული შესაძლებლობების, პრობლემებისა და გამოწვევების შესახებ.

მას შემდეგ, რაც საქართველომ დამოუკიდებლობა მოიპოვა, მთავრობები, პოლიტიკური პარტიები, ექსპერტები, თუ იდეოლოგები გვპირდებიან საქართველოს ეკონომიკურ გაბრწყინებას, რეცეპტად კი ბორჯომის გაყიდვიდან დაწყებული დაბალი გადასახადებით დამთავრებული არაერთ იდეას თუ თეორიას ასახელებენ. ასე გრძელდება 25 წელია და, მართალია, 90-იანი წლების სიდუჭირიდან მოსახლეობის დიდი ნაწილი გამოვიდა, გაბრწყინებამდე ჯერ კიდევ ბევრი გვიკლია.

გუგენჰაიმში აგნეს მარტინმა, MoMA-ს თანამედროვე ხელოვნების ფილიალმა (PS1) ნიუ-იორკში, ჩიკაგოს ხელოვნების ინსტიტუტმა და ჩიკაგოს თანამედროვე ხელოვნების მუზეუმმა კიდევ ერთხელ დამარწმუნა, რომ არ არსებობს გამოხატვის უღირსი საგნები, აღქმები, მოვლენები თუ ამ მოვლენების ინტერპრეტაციები.

სამი წლის წინ ამერიკელმა ჟურნალისტმა ენ ბერნარდმა National Geographic-ისთვის მომზადებულ რეპორტაჟში შემდეგი სიტყვები დაწერა: „თუ დაეცემა დამასკო, დაეცემა სირიაც.“ ომის დაწყებიდან, თითქმის, ექვსი წლის თავზე პრეზიდენტ ბაშარ ალ-ასადის ციტადელად ქცეული სირიის დედაქალაქი გადარჩა, ხოლო ალეპომ, სიდიდით მეორე უძველესმა ქალაქმა და ომამდელი სირიის ბიზნესცენტრმა, დაცემა 2012 წლიდან (სამოქალაქო ომის დაწყებიდან ერთ წელიწადში) დაიწყო, თუმცა, მაინც ბევრს გაუძლო გარდა რუსეთის ავიაიერიშისა.

ციდან ალბათ ყველაზე კარგად ჩანს გერმანული რაციონალიზმი, მიწის და განახლებადი ენერგიიის ათვისება (გუშინ მხოლოდ მიუნხენიდან ფრანკფურტამდე მგზავრობისას 500-ზე მეტი ქარის წისქვილი დავთვალე), ტყის ფართობების და სასოფლო-სამეურნეო სავარგულების ეს რაღაც განსხვავებული სიმეტრიით მონაცვლეობა და, მთლიანობაში, ეს განსხვავებულად დავარცხნილი რელიეფი.

გაძვირებული საიმპორტო ავტომობილების ფასი (გამოწვეული აქციზის ზრდით), სავარაუდოდ, გაახანგრძლივებს საქართველოში არსებული ავტომობილების „ექსპლუატაციის“ ვადას. შესაბამისად, ტექნიკური შემოწმების შემოღების ვადებისა და პირობების გაურკვევლობის პირობებში, შესაძლოა, ტექნიკურად არც ისე სახარბიელო მგომარეობაში მყოფმა ქართულმა ავტოპარკმა გაიხანგრძლივოს მავნე აირებისა და უსიამოვნო ინდუსტრიული ხმების „გამობოლქვის“ პერიოდი.

В шестидесятые годы прошлого века Ферруччо получил от продажи тракторов бόльший доход, чем планировалось, и исполнил свою мечту: поставил в свой гараж новенькую «феррари». Вторая часть этой истории намного интереснее. «Феррари» не оправдала ожиданий Ферруччо. Ферруччо, не раздумывая, явился прямо к Энцо Феррари, чтобы обсудить недостатки машины, он высказал свое мнение и предложил помощь в решении проблем...

აბორტის უფლება ერთ-ერთი მნიშვნელოვანი პოსტულატია ადამიანის უფლების კონვენციაში. გაეროს CEDAW-ს კომიტეტის დეკლარაციაში წერია: „გაეროს წევრმა ქვეყნებმა ხელი უნდა შეუწყოს ჯანდაცვის სფეროში ქალის მიმართ ყველანარი დისკრიმინაციის აღმოფხვრას, ქალის და კაცის უფლება თანაბრად უნდა იყოს დაცული და ქალებს უნდა ქონდეთ წვდომა ჯანდაცვის სერვისებზე, ოჯახის დაგეგმარების ჩათვლით“.

ბატონი სერგო ქალაქ თელავიდან თან რეალური პიროვნებაა და თან კრებითი სახელია იმ ადამიანებისა, რომლებიც ევროინტეგრაციის მიმართულებით ინფორმაციულ შიმშილს განიცდიან.

ცოტა ხნის წინ გავრცელდა ინფორმაცია "ჩერნომორენერგოს" დირექტორის, ასლან ბასარიას განცხადების შესახებ, რომელსაც ენგურჰესის დირექტორის ლევან მებონიაც ადასტურებს და რომლის მიხედვით ენგურჰესის მიერ გამომუშავებული არცერთი კილოვატი ამ ეტაპზე საქართველოს არ მიეწოდება და მთლიანად აფხაზეთს მიაქვს, ხოლო ზამთრისა და გაზაფხულის პერიოდში წაღებული ელექტროენერგიის რაოდენობა გამომუშავებულის 80%-ს შეადგენს.

ქართველ მორწმუნეთა და სასულიერო პირთა გარკვეულ წრეში სიტყვა „ლიბერალიზმი“ ძალიან უარყოფითი რენომეთი სარგებლობს. ჩემი აზრით, ამას სამი უმთავრესი მიზეზი აქვს. პირველი, ესაა რუსული რელიგიური ლიტერატურა, რომლებიც „რომის მესამე იმპერიის“ სულისკვეთების მქონე ავტორების მიერაა დაწერილი, რომლებსაც ყველანაირი ლიბერალური აზრი, რომელიც ეჭვის ქვეშ აყენებს რუსული იმპერიის მართლმადიდებლურ მისიას, თავად მართლმადიდებლობის საწინააღმდეგო ძალად მიაჩნიათ; მეორე, ზოგიერთი ლიბერალის აგრესიული, ანტიეკლესიური პოზიცია, რომელიც სულაც არ გამომდინარეობს კლასიკური პოლიტიკური ლიბერალიზმის ბუნებიდან და აქედან გამომდინარე, თავად ამ ლიბერალის ბრალია და არა ლიბერალიზმის; მესამე, ზოგადად ლიბერალიზმის მოწინააღმდეგენი კარგად არ იცნობენ კლასიკური, პოლიტიკური ლიბერალიზმის ბუნებას.

ახალციხის რაიონში მცხოვრებ ერთ-ერთ მეფუტკრეს, რომელიც ევროპაში ქართული თაფლის ექსპორტისთვის საჭირო მოთხოვნებზე ინფორმაციას ეძებდა, სურსათის ეროვნულ სააგენტოში "ურჩიეს", რომ ევროკავშირში თაფლის შეტანაზე ფუჭ ოცნებას თავი დაანებოს და ცოტა უფრო პრაგმატულ-მიწიერი საქმით დაკავდეს.

ახლო აღმოსავლეთსა და სირიაში შექმნილი ვითარება შედეგია ცივილიზაციურ - რელიგიური კონფლიქტების გაღვივების, რომლებიც ემყარება საუკუნეების მანძილზე ჩამოყალიბებულ ეთნო-რელიგიურ რწმენებს და რომელთა გაღვივება ხდება გლობალური და რეგიონული პროცესების ფონზე.

Адвокатирования

შეხვედრა საღამოს 6 საათზე , www.eugeorgia.info-ს ოფისში დავნიშნეთ. ჩვენი ჯგუფი პირველად უნდა შეხვედროდა ახალციხის რაიონში, სოფელ ანდრიაწმინდაში მცხოვრებ მეყველეს - გალინა ინასარიძეს და მის შვილს - რუსლანს. თავდაპირველად, შეხვედრის მიზანი ერთმანეთის გაცნობ

Избранные статьи

EU representatives inspected the production of honey in Georgia and concluded that honey is one of the best-placed Georgian products, along with hazelnuts and wine, for entering EU markets.

The American blueberry, which adapted well to the climactic conditions of the Guria and Adjara highlands, is in high demand on the global market because of its unique properties. This year, 12 tons of blueberries grown in Georgia were delivered for sale o

Paata Mogelashvili owns a 20 hectare orchard in the village of Variani, in the Gori District. He has been tending the orchard together with his brothers for several years.Recently, the orchard was replenished when the Sinap and Champion apple cultivars we

მეწარმე წლიურ მოგებაზე მე-4 წლიდან გადის, ხოლო მე-6 წლიდან მიღებული მოგება პლანტაციის გაშენების და მოვლის მთლიან ხარჯებს აჭარბებს

1 კგ - 30 ლარი- ამ ფასად შეგიძლიათ იყიდოთ სატაცური წელს ქართულ საცალო ქსელებში. ცხოვრების დონის გათვალისწინებით, ბოსტნეულს თამამად შეუძლია დელიკატესებს შორის თავისი ადგილი დაიკავოს. თუმცა, როგორც ექსპერტები აცხადებენ, ფასს არც მისი თვისებები ჩამორჩება.

"The EU market has a huge advantage. First and foremost it is stability. European market is a developed market with profound and well established rules. Russian market on the other hand lacks this kind of cohesion. Few rules that exist there are often sub

Anchovy harvested from the waters off the Georgian Black Sea shore will be one of the first products to be exported from Georgia to markets in the EU. To see how effectively the National Food Agency of Georgia controls local production, the Directorate Ge

თვეზე მეტია საგაფიცვო ტალღამ ქართული უნივერსიტეტები მოიცვა. თავიდან ჩამოუყალიბებელი მოთხოვნები ბევრი მიმართულებით დაკონკრეტდა და ახლა სტუდენტები უნივერსიტეტების დამოუკიდებლობასთან ერთად სწავლის ხარისხის გაზრდას და სწავლების თანამედროვე მეთოდების დანე

ევროპის ბაზრებზე ქართული სასოფლო-სამეურნეო პროდუქტებიდან ყველაზე დიდი ოდენობით ისევ თხილი და ღვინო იყიდება, თუმცა 2014 წელს ასოცირების შეთანხმების სავაჭრო კომპონენტის (DCFTA) ამოქმედების შემდეგ ევროკავშირის ბაზრის მიმართ ქართველი მეწარმეების ინტერესი სულ

Georgian Kiwifruitis available in one of the largest European supermarket chains – Lidl, Germany.The Lidl purchases 1kg kiwifruit for 1.20 Euro from Georgian producer and sells it for 0.29 Euro each in its chain.

banner
banner
banner
banner
banner