Content on this page requires a newer version of Adobe Flash Player.

Get Adobe Flash player

banner
04 ივლისი 2014 | 14:51 სოფლის მეურნეობა

სოფლის მეურნეობის სამინისტრო დარგში დიდი რეფორმისთვის ემზადება

სოფლის მეურნეობის სამინისტრო დარგში დიდი რეფორმისთვის ემზადება

საქართველოს აქვს ძალიან ბევრი მიკროკლიმატი, მრავალფეროვანი ნიადაგი და შესაძლებლობა, რომ გახდეს კვლევითი ცენტრი. ჩვენი ქვეყანა შესაძლოა გახდეს საინტერესო ადგილი მეცნიერებისთვის - ნაცვლად იმისა, რომ ერთი კვლევისთვის ისინი წავიდნენ აზიაში, ევროპასა და აფრიკაში, ჩამოვლენ საქართველოში და აქ, ერთ ქვეყანაში ჩაატარებენ ყველა ამ  სამუშაოს.
 
გთავაზობთ ინტერვიუს საქართველოს სოფლის მეურნეობის მინისტრის პირველ მოადგილესთან, ოთარ დანელიასთან.
 
- გარდა კალიბრისა და შეფუთვისა, რა არის გადამწყვეტი ფაქტორი, რაც ევროპას ქართული ხილის ყიდვას გადააწყვეტინებს? არის თუ არა მოცულობები გადამწყვეტი ფაქტორი? ხილის შიგთავსის კვლევას თუ ითხოვს ევროპა?
 
- კახეთში რამდენიმე ჯიშის ატამია გავრცელებული. ზოგიერთი ჯიშის ატამი საკვებად გამოიყენება, ზოგი - გადასამუშავებლად, ზოგი ღია ფერისაა, ზოგი შედარებით მუქი შეფერილობის. ყველა ჯიშს განსხვავებული კურკა აქვს. ზოგიერთი კურკა იშლება. ეს არის ის ფაქტორები, რომელსაც სჭირდება შესწავლა და სერტიფიცირება. იმისთვის, რომ რომელიმე ჯიშის ატმის მიწოდება იყოს სრულფასოვანი, მისი სერტიფიკატიდან გამომდინარე უნდა ვიცოდეთ, რა ჯიშის ატამია ის. 
 
საქართველოში არის ატმის ისეთი ჯიშები, რომლებიც ევროპაში შესაძლოა, არც შეგვხვდეს. რომ გავარკვიოთ,  რამდენად მისაღებია ევროპული ბაზრისთვის ეს ატამი, ამას სჭირდება ანალიზი. ევროპული ბაზარი ძალიან დიდია და ამ ბაზარზე გასვლა ნიშნავს როგორც ვალდებულებების აღებას და ახალ შესაძლებლობებს, ასევე კონკურენტულ გარემოს, რომელსაც ჩვენ არ ვართ მიჩვეულები. გვქონდა 2-3 ბაზარი და ყველა პროდუქტი იქ გადიოდა. გარდა ამისა, ევროკავშირის ბაზარზე ატამი რომ შევიტანოთ, ამას სჭირდება პროდუქტის სწორი წარდგენა. 
 
მიწოდებისთვის ძალიან მნიშვნელოვანია მოცულობა. მოცულობას თან სდევს მიწოდების სტაბილურობა. სამწუხაროდ, სტაბილური მიწოდება ამჟამად შესაძლებელი არ არის. ამას სჭირდება მომზადება, ჯიშების გამოცდა, შეგნებულად მომზადებული ნერგები, რომლებიც საბოლოო ჯამში იქნება როგორც საადრეო, ისე საშემოდგომო. დღეს რა ხდება?  მთელი მოსავალი მოდის 1-1,5 თვეში და მისი შენახვა გრძელვადიან პერსპექტივაში, იმისთვის, რომ დავიცვათ მიწოდების სრულფასოვანი ციკლი, პრაქტიკულად შეუძლებელია. 
 
გამოიკვეთა რამდენიმე პრობლემა: დასადგენია ატმის ჯიშები და თვისობრიობა. ატამი შესახედად შესაძლოა, მისაღები იყოს, მაგრამ არ იყოს იმ კონკრეტული დანიშნულების, რომელიც დამკვეთს სჭირდება. 
 
ჩვენ ახლა ვაკეთებთ ახალ ლაბორატორიას, რომელიც ნებისმიერ საერთაშორისო სტანდარტს დააკმაყოფილებს. ამ პროცესების ერთობლიობა მოგვცემს საშულებას, რომ ჯიშების იდენტიფიკაციის და სწორი წარდგენის პირობებში ევროკავშირს კონკრეტული პროდუქტი შევთავაზოთ და ამავე დროს პასუხი ვაგოთ მის ხარისხზე. 
 
- ჩვენ რომ ვუთხრათ ევროპელებს, რომ ჩვენ გვაქვს ატმის უნიკალური, გემრიელი და ლამაზი ჯიში?
 
- კი, მაგრამ არის ეს ჯიში უნიკალური?
 
- ევროკავშირი ამ ეტაპზე ითხოვს მწარმოებლისგან ლაბორატორიის ტესტის შედეგებს, რომელიც პროდუქტში, ამ შემთხვევაში ატამში პესტიციდის ნარჩენის რაოდენობას განსაზღვრავს?
 
- ამ ეტაპზე ასეთი კვლევის ჩატარება სავალდებულო არ არის. წლის ბოლოს გვექნება შესაბამისი ლაბორატორია და შესაძლებლობა, რომ ეს კვლევა საქართვლოში ჩავატაროთ და ევროკავშირის მოთხოვნა დავაკმაყოფილოთ.
 
- როდის დაიწყება საქართველოდან თაფლის ექსპორტი?
 
- ეს ძალიან მძიმე თემაა. მეფუტკრეობა მხოლოდ სოფლის მეურნეობის დარგი არ არის. ის განიხილება გარემოსთან კავშირში. ამ შემთხვევაში საუბარია ამჟამად არსებული პოტენციალის გაზრდაზე. თუ ევროპაში ერთ სკაზე 20 – 30 კგ თაფლი მოდის, საქართველოში ეს მაჩვენებელი 8 – 12 კილოგრამია.  
 
ამ დარგში კვალიფიციური თანამშრომლები არ არიან. ადამიანური რესურსი ძალიან მწირია. სამწუხაროდ, მხოლოდ ხანდაზმული ადამიანები არიან ამ დარგის ექსპერტები. ახლაგაზრდები მეფუტკრეობით არ ინტერესდებიან. სხვათაშორის, რამდენიმე დღის წინ კახეთში ამ დარგის წარმომადგენლებს შევხვდით.  გამიხარდა და გამიკვირდა, რომ ამ შეხვედრას 18-დან 70 წლამდე ასაკის, ანუ ყველა ასაკობრივი კატეგორიის ადამიანები ესწრებოდნენ. ეს იმას ნიშნავს, რომ მეფუტკრეობისადმი ინტერესი გაჩნდა.
 
ასევე მნიშვნელოვანია მეფუტკრეთა კოოპერაციის თემა. არიან ისეთი მეწარმეები, რომელთაც 100-300 სკა აქვთ და ისეთებიც, რომლებსაც მხოლოდ 10-15 სკა აქვთ.  ბუნებრივია, ეს მწირი რაოდენობაა. ასეთ შემთხვევაში თაფლის წარმოება არარენტაბელურია, დანახარჯები დიდია  და თაფლის თვითღირებულება გამოდის მაღალი. ამიტომ, ჩვენ მათ კოოპერირება შევთავაზეთ. თუ გამსხვილდებიან, მათ ექნებათ საშუალება, რომ თაფლის გადამუშავებისა და  დაფასოების დროს დაიცვან ეტიკეტირების ის ნორმები, რომლებსაც  სურსათის ეროვნული კოდექსი ითხოვს.  ამის შემდეგ უფრო მეტად კონკურენტუნარიანები გახდებიან და ევროპაში თაფლის გაყიდვის მეტი შესაძლებლობა გაუჩნდებათ.  
 
ქართული თაფლის შემოწმების მიზნით ევროპაში 40-მდე ნიმუში გავაგზავნეთ. სამწუხაროდ, 22-ზე უარყოფითი პასუხი ჩამოვიდა: თაფლი შეიცავდა ანტიბიოტიკის ნარჩენებს. ამ  მხრივ ბევრი სამუშაო გვაქვს. ძალიან მნიშვნელოვანია, რომ წლის ბოლომდე გვექნება ლაბორატორიული სინჯების საქართველოში აღების შესაძლებლობა.
მნიშვნელოვანია თაფლის ფასის თემაც. საქართველოში თაფლი ძვირია, ევროკავშირის ბაზარზე კი შედარებით იაფი. იმ შემთხვევაში, თუ მეფუტკრეები კოოპერატივში გაერთიანდებიან  და წარმოებას გაზრდიან, თაფლის ფასიც უფრო მეტად კონკურენტული გახდება.
 
- რა არის ის ფინანსური ინსტრუმენტი, რაც შეიძლება  კოოპერაციის წახალისების პროცესში ჩაერთოს?
 
- ასეთი ინსტრუმენტებია: საგადასახადო შეღავათები, სუბსიდირების სხვადასხვა გეგმები, საჭირო ტექნიკის გადაცემა და ა. შ. საგადასახადო შეღავათები უმნიშვნელოვანესია, რაც რეალიზაციის დიდ შესაძლებლობასთან არის დაკავშირებული. სახელმწიფო ყველაფერს გააკეთებს დარგის წახალისებისა და მეწარმეთა კოორდინაციისთვის  ( ბუნებრივია, კერძო ბიზნესში ვერ ჩავერევით). ისინი  ისარგებლებენ ყველა იმ სიკეთით, რაც ამ დარგის განვითარებაზე იქნება მიმართული.
 
- როდის აისახება ქართულ კანონმდებლობაში HACCP-ის ( საფრთხის ანალიზისა და კრიტიკული საკონტროლო წერტილების გეგმა/სისტემა) დანერგვის მოთხოვნა?
 
- კანონში HACCP-ის დანერგვის მოთხოვნაც უნდა აისახოს და GLOBAL GAP-ის (სასოფლო-სამეურნეო წარმოების სანიმუშო პრაქტიკის სტანდარტი) დანერგვის მოთხოვნაც. ამ შემთხვევაში GLOBAL GAP-ი არ წარმოადგენს აუცილებლობას, HACCP-ი კი აუცილებელი იქნება ყველა ბიზნესოპერატორისთვის.  ჩვენ გვაქვს სამოქმედო გეგმა, რომელიც გაწერილია იმ დირექტივების მიხედვით, რასაც ევროკავშირთან საკანონმდებლო დაახლოება მოითხოვს. ამ მიმართულებით  მუშაობა უკვე დაიწყო. თუმცა, ეს არ არის მარტივი პროცესი. ყველს მაგალითად, ოჯახურ პირობებშიც ხშირად აწარმოებენ. ისე უნდა გავაკეთოთ, რომ ეს რეგულაციები და მოთხოვნები მოსახლეობას მძიმე ტვირთად არ დააწვეს.  შესაბამისად, ჩვენი გადასაწყვეტია, თუ რა ვადებში დავნერგავთ ამ მოთხოვნებს. მონახაზი არსებობს უკვე. მიმდინარეობს კონსულტაციები ევროპულ მხარესთან. გვინდა, რომ შევჯერდეთ ვადებზე და როდესაც ავიღებთ ვალდებულებას, ის შევასრულოთ. ეს მყისიერად და ერთი ხელის მოსმით ვერ მოხდება. 
 
- თუ გაქვთ გათვალისწინებული მობილური ლაბორატორიების სისტემის დანერგვა, რომ ლაბორატორია თავად მივიდეს გლეხთან?
 
- მობილური ლაბორატორიის თემა  ერთ-ერთ ვარიანტად განიხილება. მზა კოცეფციები არ არის, არის რამდენიმე სამუშაო ვარიანტი. ჩვენთან სხვა მოცემულობაა, ევროპაში სხვა ტრადიციები იყო. შესაბამისად, ჩვენ ევროპული გამოცდილების პირდაპირ კოპირებას ვერ გავაკეთებთ.
 
- მობილური ლაბორატორიების ნაწილში ევროპა მგონი, ძალიან მარტივ და კომფორტულ გზას გვთავაზობს, ასე არ არის?  
 
- არ ვიცი. შეიძლება ჩვენ  კიდევ უფრო მარტივი რამ  შევთავაზოთ...
 
- საქართველოდან ევროკავშირში თევზის ექსპორტის შესაძლებლობა განიხილება?
 
- თევზი ერთ-ერთი ძალიან პერსპექტიული პროდუქტია ევროკავშირში ექსპორტის თვალსაზრისით, რადგან ევროპის ბაზარზე მოთხოვნა მიწოდებას აჭარბებს. საქართველოში არსებობს რამდენიმე სათევზე მეურნეობა, არიან ადამიანები, რომლებიც ამ დარგს  მეტნაკლებად იცნობენ, მაგრამ სპეციალისტების მოძებნა ჭირს.  ამიტომ, საქართველოდან თევზის ექსპორტის შესაძლებლობები რომ გავარკვიოთ, ექსპერტები ევროკავშირიდან ჩამოგვყავს. ისინი ჩვენთვის რეკომენდაციებს მოამზადებენ. გვინდა, ევროპელი ექსპერტების დახმარებით მივიღოთ ის სურათი, რომელიც მათთვის მისაღები იქნება. 
 
- როგორ უნდა გავუწიოთ ქართულ პროდუქტს რეკლამა ევროპის ბაზრებზე  - მომხმარებელს შევთავაზოთ პროდუქტები საკუთარი ისტორიით და ლეგენდით, თუ ჯერ ქვეყანა უნდა გავაცნოთ და ამას შემდეგ უნდა მივაყოლოთ პროდუქტის რეკლამა?
 
- ორივე ერთდროულად. პარიზის ერთ-ერთ პატარა ღვინის მაღაზიაში შევედით. გამყიდველს ვკითხე, ქართული ღვინო თუ გაქვთ-მეთქი. მითხრა, ქართული ღვინო არ  გვაქვს, მაგრამ მალე გვქნებაო და მომიყვა ღვინის ისტორია, რომ ღვინის წარმოება პირველად საქართველოში დაიწყო. გამიკვირდა. ახალგაზრდა ბიჭი იყო,  22 წლის. 
 
საქართველო არის არა მხოლოდ ღვინის აკვანი. ახლა საუბრობენ იმაზეც, რომ პირველი პურიც შესაძლოა, კავკასიაში, მათ შორის საქართველოში, უფრო კონკრეტულად  კი რაჭა-ლეჩხუმში იყოს დამზადებული.  ჩვენ ქართული ხორბლის უძველესი ჯიშები გვაქვს. მათი მეშვეობით ქვეყნის წარმოჩენა კარგად შეგვიძლია.  
 
- განსაკუთრებული რა შეიძლება შევთავაზოთ ევროპას?
 
- საქართველოს აქვს ძალიან ბევრი მიკროკლიმატი, მრავალფეროვანი ნიადაგი და  შესაძლებლობა, რომ  გახდეს კვლევითი ცენტრი. ჩვენი ქვეყანა შესაძლოა გახდეს საინტერესო ადგილი მეცნიერებისთვის - ნაცვლად იმისა, რომ ერთი კვლევისთვის ისინი წავიდნენ აზიაში, ევროპასა და აფრიკაში, ჩამოვლენ  საქართველოში და აქ, ერთ ქვეყანაში ჩაატარებენ ყველა ამ  სამუშაოს. 
 
დღეს მთელს მსოფლიოში ძალიან აქტუალურია ეკოლოგიურად სუფთა პროდუქტების თემა. თუ საქართველო ამ ნიშას შეინარჩუნებს, ძალიან მომგებიანი იქნება. აგროტურიზმი მთელს მსოფლიოში სულ უფრო და უფრო პოპულარული ხდება. შაბათ-კვირას უკრაინიდან აგროტურიზმით დაინტერესებული სულ უფრო მეტი ტურისტი ჩამოდის. მათ მოსწონთ ქართული სამზარეულო. ჩვენ გვაქვს მრავალფეროვანი ტურისტული პოტენციალი: გვაქვს სამთო და საზღვაო კურორტები და ეს ძალიან იზიდავს ადამიანებს. ამიტომ მეტი, გაცილებით მეტი ენერგია უნდა ჩავდოთ საქართველოს განვითარებასა და  სწორ პოზიციონირებაში. 
 
 
ესაუბრა ლიკა ბასილაია
 

წაკითხულია
2996
ელ. ფოსტის გაგზავნა

ამავე თემაზე:

სოფლის მეურნეობის მინისტრის 2015 წლის პრიორიტეტები

სოფლის მეურნეობის მინისტრის 2015 წლის პრიორიტეტები

2015 წლის პრიორიტეტული მიმართულებების შესახებ www.eugeorgia.info სოფლის მეურნეობის მინისტრს, ოთარ დანელიას ესაუბრა.

16 იანვარი 2015 | 20:38 სოფლის მეურნეობა ვრცლად

ბლოგი

ახალქალაქს მორიგი დაგეგმილი ტრენინგის ფარგლებში ვესტუმრეთ. ამ ნაყოფიერ მიწაზე მშრომელი ფერმერები ცხოვრობენ. სწორედ აქ მოდის ქართულ ბაზარზე არსებული კარტოფილის, ბოსტნეულისა და მარცვლეულის დიდი ნაწილი. ბოლო პერიოდში ჩვენ მიერ ჩატარებული ტრენინგებიდან ეს შეხვედრა ყველაზე ინტერაქციული აღმოჩნდა. გამაკვირვა მათმა ცხოველმა ინტერესმა სიახლისადმი. ისინი მაქსიმალურად ცდილობდნენ მათთვის საინტერესო საკითხზე მიეღოთ რაც შეიძლება მეტი ინფორმაცია.

გასულ კვირას მაკედონიაში ნაციონალისტურად განწყობილ ადამიანთა ჯგუფი პარლამენტშიშეიჭრა. 200-კაციანი ბრბო, რომელთა შორისნიღბიანი მამაკაცები იყვნენ, სასტიკად გაუსწორდაწამყვანი მაკედონიური ოპოზიციურიპარტიის და ეთნიკური ალბანელების პარტიის ლიდერებს, მათ შორის ქალბატონს. ეს ორი პარტია აპირებდა ახალი უმრავლესობის შექმნას მაკედონიის პარლამენტში, რომლის სპიკერად ეთნიკურად ალბანელი პოლიტიკოსი აირჩიეს. პარლამენტში შეჭრილები, რომლებიც ქვეყნის ყოფილი პრემიერ-მინისტრისმომხრეები იყვნენ, ამ ფაქტის ასეთი სისხლიანი გზით ჩაშლას ცდილობდნენ.

მარტვილის რაიონის გამგებლის მოადგილე ყველაზე ძლიერ ოპონირებას გვიწევდა. მისი პირველივე ქმედება „ჰაკა“-ს ჰგავდა, რომელსაც გააფთრებული ახალზელანდიელი მორაგბეები მოწინააღმდეგე გუნდის მორალურად გასატეხად იყენებენ.

კონფლიქტის დაწყებიდან მეექვსე წელს ამერიკის შეერთებულმა შტატებმა ჩაურევლობის პოლიტიკა დაარღვია და ასადის რეჟიმის წინააღმდეგ იერიში პირველად 7 აპრილს, გამთენიისას მიიტანა.

ესტონური წარმატებული პოტიკის მაგალითების მოძიება შესაძლებელია თითქმის ნებისმიერ სფეროში, დაწყებული სახელმწიფო მმართველობიდან, დამთავრებული განათლების პოლიტიკით.

უცხო ქვეყნების კანონებისა თუ რეფორმების კოპირება განვითარების ერთი-ერთი პოპულარული და საქართველოშიც ხშირად გამოყენებადი რეცეპტია. ლოგიკა მარტივია - „საჭირო არ არის ველოსიპედის ახლიდან გამოგონება“. თუმცა, ეს მიდგომა ხშირად არ ამართლებს.

ევროკავშირთან სავაჭრო სივრცის გაფართოების შედეგად ყველა მოსალოდნელი დადებით ეფექტი მიიღწევა გრძელვადიან პერიოდში (5-10 წელიწადი), ხოლო ხარჯების გაღება გვიწევს დღეს, რათა შესაბამისობაში მოვიდეთ ევროკავშირის კანონმდებლობასთანდა საბაზრო მოთხოვნებთან. ისედაც დაძაბულ სოციალურ და პოლიტიკურ ფონზე ამან შესაძლოა საფრთხე შეუქმნას რეფორმების წარმატებით განხორციელებას. შესაბამისად, დაახლოების პროცესი უნდა იყოს თანმიმდევრული და პრიორიტეტები გათვლილი ისე, რომ ბიზნესს ჰქონდეს ზრდის სტიმული; ასევე, მნიშვნელოვანია ექსპორტზე ორიენტირებული დარგების კონკურენტუნარიანობის ამაღლება წახალისდეს. მეორე მხრივ, საქართველოში ევროკავშირის სტანდარტების დანერგვა მეწარმეობასა და ზოგადად ქვეყნის საინვესტიციო სივრცეში პირდაპირი უცხოური ინვესტიციების მოზიდვას და ევროპულ ბაზარზე წვდომას ხელს შეუწყობს. DCFTA-ს სარგებლის სრულად ასათვისებლად, ასევე, აუცილებელია სამუშაო ძალის ბაზრის ცვლილება, რომელიც ამჟამად თავმოყრილია ძირითადად დაბალმწარმოებლურ დარგებში.

მე ძალიან კარგად არ ვიცნობ მაგამედ სარიევს. მაქსიმუმ ორჯერ შევხვედრივარ, პირველად მარნეულში და მეორედ ერთი კვირის წინ გარდაბნის მუნიციპალიტეტში ამჯერადაც ევროკავშირთან სავაჭრო ხელშეკრულების (DCFTA) შესაძლებლობების შესახებ ტრეინინგზე. მაგამედი არც ოლიმპიური ჩემპიონია და მისი ფოტოები არც საჯარო თავშეყრის ადგილებშია გამოფენილი, თუმცა ის რომ საუკეთესო მოქალაქეა, ამ ფაქტს წყალი არ გაუვა!

კეთილდღეობის ეკონომიკის ერთ-ერთი პრინციპია, რომ ზოგიერთ გადასახადს შესაძლოა უკუგავლენა ჰქონდეს ინდივიდების მოტივაციაზე- შექმნან დოვლათი. თუმცა, თუ გადასახადებიდან მიღებული თანხა საკმარისი არ არის ხარისხიანი ინფრასტრუქტურისა და საჯარო სერვისების დასაფინანსებლად, ამანაც შეიძლება დააზარალოს ეკონომიკა.

ინსტიტუტების განვითარებას არა მარტო პროფესიონალების, პოლიტიკური და ეკონომიკური ელიტების სწორად მიმართული შრომა და გადაწყვეტილებები, არამედ მოსახლეობის დამოკიდებულებებისა და ფასეულობების შეცვლაც სჭირდება.

ფერმერებთან ჩვენი შეხვედრის დროს სულიად მოულოდნელად აღმოვაჩინეთ მსმენელებს შორის ორი “თინეიჯერი” ბიჭი; მომავალი ფერმერები მამასთან ერთად გამალებით იწერდნენ პრეზენტაციის დროს მიწოდებულ ყველა ინფორმაციას თაფლის წარმოების არსებული შესაძლებლობების, პრობლემებისა და გამოწვევების შესახებ.

მას შემდეგ, რაც საქართველომ დამოუკიდებლობა მოიპოვა, მთავრობები, პოლიტიკური პარტიები, ექსპერტები, თუ იდეოლოგები გვპირდებიან საქართველოს ეკონომიკურ გაბრწყინებას, რეცეპტად კი ბორჯომის გაყიდვიდან დაწყებული დაბალი გადასახადებით დამთავრებული არაერთ იდეას თუ თეორიას ასახელებენ. ასე გრძელდება 25 წელია და, მართალია, 90-იანი წლების სიდუჭირიდან მოსახლეობის დიდი ნაწილი გამოვიდა, გაბრწყინებამდე ჯერ კიდევ ბევრი გვიკლია.

გუგენჰაიმში აგნეს მარტინმა, MoMA-ს თანამედროვე ხელოვნების ფილიალმა (PS1) ნიუ-იორკში, ჩიკაგოს ხელოვნების ინსტიტუტმა და ჩიკაგოს თანამედროვე ხელოვნების მუზეუმმა კიდევ ერთხელ დამარწმუნა, რომ არ არსებობს გამოხატვის უღირსი საგნები, აღქმები, მოვლენები თუ ამ მოვლენების ინტერპრეტაციები.

სამი წლის წინ ამერიკელმა ჟურნალისტმა ენ ბერნარდმა National Geographic-ისთვის მომზადებულ რეპორტაჟში შემდეგი სიტყვები დაწერა: „თუ დაეცემა დამასკო, დაეცემა სირიაც.“ ომის დაწყებიდან, თითქმის, ექვსი წლის თავზე პრეზიდენტ ბაშარ ალ-ასადის ციტადელად ქცეული სირიის დედაქალაქი გადარჩა, ხოლო ალეპომ, სიდიდით მეორე უძველესმა ქალაქმა და ომამდელი სირიის ბიზნესცენტრმა, დაცემა 2012 წლიდან (სამოქალაქო ომის დაწყებიდან ერთ წელიწადში) დაიწყო, თუმცა, მაინც ბევრს გაუძლო გარდა რუსეთის ავიაიერიშისა.

ციდან ალბათ ყველაზე კარგად ჩანს გერმანული რაციონალიზმი, მიწის და განახლებადი ენერგიიის ათვისება (გუშინ მხოლოდ მიუნხენიდან ფრანკფურტამდე მგზავრობისას 500-ზე მეტი ქარის წისქვილი დავთვალე), ტყის ფართობების და სასოფლო-სამეურნეო სავარგულების ეს რაღაც განსხვავებული სიმეტრიით მონაცვლეობა და, მთლიანობაში, ეს განსხვავებულად დავარცხნილი რელიეფი.

გაძვირებული საიმპორტო ავტომობილების ფასი (გამოწვეული აქციზის ზრდით), სავარაუდოდ, გაახანგრძლივებს საქართველოში არსებული ავტომობილების „ექსპლუატაციის“ ვადას. შესაბამისად, ტექნიკური შემოწმების შემოღების ვადებისა და პირობების გაურკვევლობის პირობებში, შესაძლოა, ტექნიკურად არც ისე სახარბიელო მგომარეობაში მყოფმა ქართულმა ავტოპარკმა გაიხანგრძლივოს მავნე აირებისა და უსიამოვნო ინდუსტრიული ხმების „გამობოლქვის“ პერიოდი.

В шестидесятые годы прошлого века Ферруччо получил от продажи тракторов бόльший доход, чем планировалось, и исполнил свою мечту: поставил в свой гараж новенькую «феррари». Вторая часть этой истории намного интереснее. «Феррари» не оправдала ожиданий Ферруччо. Ферруччо, не раздумывая, явился прямо к Энцо Феррари, чтобы обсудить недостатки машины, он высказал свое мнение и предложил помощь в решении проблем...

გასული საუკუნის სამოციან წლებში ფერუჩომ ტრაქტორების გაყიდვით დაგეგმილზე მეტი შემოსავალი მიიღო და ოცნებაც აისრულა: საკუთარ ფარეხში ახალთახალი «ფერარი» დააყენა. ამ ისტორიის მეორე ნაწილი გაცილებით საინტერესოა.

სადღეგრძელოებზე ჩემმა ბლოგმა იმაზე გაცილებით მეტი ვნებები და კონტრასტული რეაქციები გამოიწვია, ვიდრე ველოდი: მკვეთრად უარყოფითი ძირითადად უფროსი თაობის მხრიდან და მკვეთრად დადებითი ახალგაზრდა და საშუალო ასაკის ხალხის მხრიდან. მკვეთრად უარყოფითი დამოკიდებულების მქონე ადამიანებმა დაიწყეს პირადად ჩემი და ჩემი ქართველობის ლანძღვა კომენტარებში თუ პირად მიმოწერაში, ხოლო მკვეთრად დადებითი დამოკიდებულების მქონე ადამიანებმა -- ჩემი ქება მაღალი მოქალაქეობრივი თვითშეგნების გამო, რამაც გადამაწყვეტინა მეთქვა (ამჯერად უკვე საბოლოოდ), რატომ არ ვეთანხმები არცერთ მხარეს. როცა ვნებები დუღს, როგორც ამბობენ, ჭეშმარიტება ორთქლდება (არა, იმის თქმა არ მინდა, რომ მე ვიცი ჭეშმარიტება).

ბოლო შვიდი წელია ქართულ სუფრაზე არ ვყოფილვარ, სანამ გუშინ ძირითადად ახალგაზრდებისგან შემდგარ ჯგუფთან ერთად არწივის ხეობაში და ხორნაბუჯზე ლაშქრობის შემდეგ ერთ რესტორანში მათთან ერთად არ აღმოვჩნდი. მოკლედ, ამ ადამიანების ასაკმა და განათლებამ მაფიქრებინა, რომ ეს ხალხი არ დალევდა იმ სადღეგრძელოებს, რის გამოც ქართულ სუფრებს გავურბივარ. მოლოდინი არ გამართლდა. ამ სუფრაზეც შეისვა „საქართველოს გაუმარჯოს”, ჩვენი სიყვარულის (იგულისხმება სუფრაზე მსხდომნი), მეგობრობის და ხვალინდელი დღის სადღეგრძელოები. ამ სადღეგრძელოებს გვთავაზობდა ერთ-ერთი ჩვენი თანამოლაშქრე ბიჭი, რომელმაც თქვა მე თამადა არ ვარო, თუმცა ტრადიციული თამადისგან მხოლოდ იმით განსხვავდებოდა, რომ დალევას არ გვაძალებდა.

პანკისი - სტერეოტიპების მსხვერპლი ულამაზესი კუთხე

გამარჯობა, მინდა ეს ბლოგი დავწერო ქართული მატყლის პრობლემაზე და თხრობა დავიწყო ახლო წარულიდან, ასევე გაგაცნოთ მატყლის პრობლემის მოგვარების უელსური მოდელი.

უიმედო და არაინფორმირებული გურულები 6 ივლისს ლანჩხუთის მინუციპალიტეტის სოფელ ჯურუყვეთში ვნახე. არაინფორმირებული ევროინტეგრაციის პროცესებზე, უიმედო თავიანთი სოციალური მდგომარეობით.

აბორტის უფლება ერთ-ერთი მნიშვნელოვანი პოსტულატია ადამიანის უფლების კონვენციაში. გაეროს CEDAW-ს კომიტეტის დეკლარაციაში წერია: „გაეროს წევრმა ქვეყნებმა ხელი უნდა შეუწყოს ჯანდაცვის სფეროში ქალის მიმართ ყველანარი დისკრიმინაციის აღმოფხვრას, ქალის და კაცის უფლება თანაბრად უნდა იყოს დაცული და ქალებს უნდა ქონდეთ წვდომა ჯანდაცვის სერვისებზე, ოჯახის დაგეგმარების ჩათვლით“.

Brexit -ის მოწინააღმდეგები მოსახლეობას აფრთხილებდნენ უპირატესად ეკონომიკური შედეგების თაობაზე: ბრიტანეთის ფინანსთა სამინისტროს პროგნოზით, Brexit-ის შემდგომ ყოველი ბრიტანული ოჯახი 4300 ფუნტს დაკარგავს წელიწადში 2020 წლისათვის იქნება სავარაუდოდ, 100 მილიარდი ფუნტის ეკონომიკური ზარალი. 950 000 სამუშო ადგილს შეექმნება საფრთხე. პროფესიული გაერთიანებების ვარაუდი უფრო დრამატულია: 4 მილიონი სამუშაო ადგილი საფრთხის ქვეშაა, განსაკუთრებით კი, ექსპორტთან დაკავშირებულ სფეროებში, საავტომობილო და ქიმიურ ინდუსტრიაში. ბევრი ფირმა კონტინენტურ ევროპაში გადავა. შემცირდება პირდაპირი ინვესტიციები.

ბატონი სერგო ქალაქ თელავიდან თან რეალური პიროვნებაა და თან კრებითი სახელია იმ ადამიანებისა, რომლებიც ევროინტეგრაციის მიმართულებით ინფორმაციულ შიმშილს განიცდიან.

გერმანიაში მმართველი კოალიციის პარტიების: CDU -სა და CSU- ს ცალკეული პოლიტიკოსები სკეპტიკურად არიან განწყობილნი, რამდენად გონივრულია საქართველოსთვის ვიზალიბერალიზაციის მინიჭების თაობაზე ევროკომისიის გეგმა. მათ არგუმენტად მოჰყავთ ქართული კრიმინალური დაჯგუფებების მზარდი მასშტაბი და გავლენები ევროპაში, ამასთან, საქართველოს მოქალაქეების მიერ ლტოლვილის სტატუსის ბოროტად გამოყენების ტენდენციად ქცეული ფაქტები. ეს არგუმენტები რეალობაში საფუძველს მოკლებული როდია, მაგრამ სწორედ ამ თემის წამოწევა საქართველოს სახელმწიფოსათვის ეგზისტენციალურად მნიშვნელოვანი საკითხის გადამწყვეტ ფაზაში აღაშფოთებს ქართულ საზოგადოებას:

„სურსათის უვნებლობა ევროკავშირმა რომ არ მოგვთხოვოს, ისე არ უნდა გვქონდეს“? - ეს რეპლიკა მესტიაში ჯერ კიდევ “გაუხურებელი” ტრენინგის მიმდინარეობის დროს ადგილობრივმა ზაზა დევდარიანმა “გვესროლა”.

პილოტმა დაშვება გამოაცხადა. ქვევით თვალი მომჭრა აღმოსავლეთსა და უდაბნოს კლიმატისთვის უჩვეულო სიმწვანემ, რომელიც თელ-ავივის აეროპორტის ზოლამდე მთელი 20 წუთის განმავლობაში არ დასრულებულა. გაოცებამ დროებით გადამავიწყა „აირზენას“ ღარიბული, უგემური მენიუ და ლამაზი, მაგრამ უჟმური და მოძველბიჭო სტიუარდესა. - ყვავის ყველაფერი, - მითხრა სიამაყით გვერდით მჯდომმა შუახნის მამაკაცმა, რომელიც საქართველოდან ისტორიულ სამშობლოში ღრმა ბავშვობაში გადასახლდა.

ცოტა ხნის წინ გავრცელდა ინფორმაცია "ჩერნომორენერგოს" დირექტორის, ასლან ბასარიას განცხადების შესახებ, რომელსაც ენგურჰესის დირექტორის ლევან მებონიაც ადასტურებს და რომლის მიხედვით ენგურჰესის მიერ გამომუშავებული არცერთი კილოვატი ამ ეტაპზე საქართველოს არ მიეწოდება და მთლიანად აფხაზეთს მიაქვს, ხოლო ზამთრისა და გაზაფხულის პერიოდში წაღებული ელექტროენერგიის რაოდენობა გამომუშავებულის 80%-ს შეადგენს.

არავის უკვირს ის ფაქტი, რომ რადიკალური ისლამის წარმომადგენელები მკაცრად აკრიტიკებენ დემოკრატიას, რადგან ის შარიათის სულთან შეუთავსებელ პოლიტიკურ პრაქტიკად, ზნეობრივი გარყვნილებისა და ქაოსის წყაროდ მიაჩნიათ. საკვირველი ისაა, რომ დემოკრატიას რელიგიის სახელით ქრისტიანებიც არ წყალობენ.

გასული წლის ბოლოს საქართველოს გაზმომარაგების გაზრდის საკითხმა არათუ აქტუალურობა შეიძინა, არამედ გადააჭარბა ყველანაირ მოლოდინს და უკვე ერთგვარ მძაფრსიუჟეტიან სერიალად იქცა “გაზპრომის” მთავარ როლში მონაწილეობით.

ქართველ მორწმუნეთა და სასულიერო პირთა გარკვეულ წრეში სიტყვა „ლიბერალიზმი“ ძალიან უარყოფითი რენომეთი სარგებლობს. ჩემი აზრით, ამას სამი უმთავრესი მიზეზი აქვს. პირველი, ესაა რუსული რელიგიური ლიტერატურა, რომლებიც „რომის მესამე იმპერიის“ სულისკვეთების მქონე ავტორების მიერაა დაწერილი, რომლებსაც ყველანაირი ლიბერალური აზრი, რომელიც ეჭვის ქვეშ აყენებს რუსული იმპერიის მართლმადიდებლურ მისიას, თავად მართლმადიდებლობის საწინააღმდეგო ძალად მიაჩნიათ; მეორე, ზოგიერთი ლიბერალის აგრესიული, ანტიეკლესიური პოზიცია, რომელიც სულაც არ გამომდინარეობს კლასიკური პოლიტიკური ლიბერალიზმის ბუნებიდან და აქედან გამომდინარე, თავად ამ ლიბერალის ბრალია და არა ლიბერალიზმის; მესამე, ზოგადად ლიბერალიზმის მოწინააღმდეგენი კარგად არ იცნობენ კლასიკური, პოლიტიკური ლიბერალიზმის ბუნებას.

ახალციხის რაიონში მცხოვრებ ერთ-ერთ მეფუტკრეს, რომელიც ევროპაში ქართული თაფლის ექსპორტისთვის საჭირო მოთხოვნებზე ინფორმაციას ეძებდა, სურსათის ეროვნულ სააგენტოში "ურჩიეს", რომ ევროკავშირში თაფლის შეტანაზე ფუჭ ოცნებას თავი დაანებოს და ცოტა უფრო პრაგმატულ-მიწიერი საქმით დაკავდეს.

ახლო აღმოსავლეთსა და სირიაში შექმნილი ვითარება შედეგია ცივილიზაციურ - რელიგიური კონფლიქტების გაღვივების, რომლებიც ემყარება საუკუნეების მანძილზე ჩამოყალიბებულ ეთნო-რელიგიურ რწმენებს და რომელთა გაღვივება ხდება გლობალური და რეგიონული პროცესების ფონზე.

კოლონიალიზმის ეპოქაში ევროპელები ცდილობდნენ ანდებში ოქროს ქალაქისთვის მიეგნოთ, მაგრამ ელდორადოც და ინკების პაიტიტიც მხოლოდ ლეგენდად დარჩა, ისევე როგორც საყდრისის 5-ათასწლოვანი მაღარო, რომლის შესახებაც უკვე ვეღარაფერს შევიტყობთ.

ხანგრძლივი დავა ე.წ. მოსმენების კანონთან დაკავშირებით დასრულებულია, ვეტოც დაძლეულია და დიდი ძმაც მზადყოფნაშია, რომ მუდამ გვიყუროს, გვისმინოს და განაჩენი გამოიტანოს.

მრავალი ქვეყნის გამოცდილების მიხედვით, სწორედ სადაზღვევო სფეროა ის სეგმენტი, რომელსაც შეუძლია რომ თავისი შემოსავლებიდან საგზაო უსაფრთხოებისთვის დაფინანსება გამოყოს და ეს თანხა ტრანსპარენტულად დახარჯოს გზების კეთილმოწყობასა და საგზაო უსაფრთხოებაზე მიმართულ სხვა კონკრეტულ პროექტებზე.

პირველად გადავწყვიტე ნახევრად პირადული და შეიძლება ცოტა არ იყოს თვითმაამებლური ჩანაწერის გასაჯაროება

უჩა სეთური, ინფორმაციის თავისუფლების განვითარების ინსტიტუტის (IDFI) ექსპერტი

"მორიგი ბლეფი" - ასე აფასებდნენ დღეს პროგრამას "აწარმოე საქართველოში"

სტრატეგიულად მნიშნელოვანი გეოგრაფიული მდებარეობის გამო საქართველოს მთელს კავკასიაში და მის ფარგლებს გარეთაც საკვანძო სატრანზიტო ფუნქცია აკისრია. ამის გამო, სატრანსპორტო ინფრასტრუქტურის და სატრანსპორტო საშუალებების გაუმჯობესება აუცილებელი წინაპირობაა ქვეყნის ეკონომიკური და სოციალური განვითარებისთვის.

ევროპასთან ასოცირების შესახებ შეთანხმებაში განსაკუთრებული ყურადღება ექცევა სატრანსპორტო საშუალებების უსაფრთხოების პირობების დაცვას: ავტომობილის გამართულობას, მძღოლების კვალიფიკაციას და მათ მიერ სამუშაო და დასვენების საათების მკაცრ დაცვას.

ერთხელ ერთმა ჩემმა ნაცნობმა ჟურნალისტმა, რომელიც შარშან კოლუმბიის უნივერსიტეტის ტრენინგზე გავიცანი, სოციალურ ქსელ Twitter-ზე დაწერა, რომ ამერიკის შეერთებული შტატების მადლობელია, რადგან მან, ნეპალელი ემიგრანტების შვილმა, მისი წილი ამერიკული ოცნება უკვე აიხდინა.

ადვოკატირება

შეხვედრა საღამოს 6 საათზე , www.eugeorgia.info-ს ოფისში დავნიშნეთ. ჩვენი ჯგუფი პირველად უნდა შეხვედროდა ახალციხის რაიონში, სოფელ ანდრიაწმინდაში მცხოვრებ მეყველეს - გალინა ინასარიძეს და მის შვილს - რუსლანს. თავდაპირველად, შეხვედრის მიზანი ერთმანეთის გაცნობ

"კვლევითი ჟურნალისტიკის და ადვოკატირების ცენტრი" ახორციელებს პროექტს, რომლის ფარგლებშიც ვეხმარებით მცირე და საშუალო ბიზნესს

რჩეული სტატიები

ევროკავშირში 1 კგ ბიო ჟოლოს საცალო ფასი 100 ევროს აჭარბებს, თუმცა, როცა კენკრის ბაღის გაშენება გადაწყვიტა, გიორგი კორელი, ძირითადად, მაინც ადგილობრივი ბაზრით მოიხიბლა. როგორც ახალგაზრდა ფერმერი ამბობს, ჟოლო საქართველოში საკმაოდ მოთხოვნადი პროდუქტია და ყოვ

ამერიკული ლურჯი მოცვი, რომელიც გურიისა და აჭარის მაღალმთიანეთის კლიმატურ პირობებს კარგად შეეგუა, უნიკალური თვისებების გამო მსოფლიო ბაზარზე დიდი მოთხოვნით სარგებლობს. საქართველოში მოყვანილი 12 ტონა ლურჯი მოცვი დიდი ბრიტანეთის ბაზარზე წელს პირველად შევიდ

ევროკავშირის წარმომადგენლებმა საქართველოში თაფლის წარმოების ინდუსტრია შეამოწმეს და მიიჩნიეს, რომ სწორედ თაფლია ის ერთ-ერთი სტრატეგიული პროდუქტი, რომელსაც თხილისა და ღვინის კვალდაკვალ ევროკავშირის ბაზარზე შესვლის რეალური პერსპექტივა აქვს.

ღრმა და ყოვლისმომცველი თავისუფალი სავაჭრო სივრცის შესახებ შეთანხმება (DCFTA) პირველი სექტემბრიდან შევიდა ძალაში, რაც იმას ნიშნავს, რომ ევროკავშირიდან შემოტანილ და საქართველოდან ექპორტირებულ 9 ათასზე მეტი დასახელების პროდუქციაზე საბაჟო გადასახადი გაუქმდა

ევროკავშირში თავისუფალი გადაადგილება, გარანტირებული სამუშაო თუ ევროპულ უნივერსიტეტებში სწავლის გაგრძელების შესაძლებლობა? მითები არამხოლოდ ევროკავშირთან ასოცირების შეთანხმებაზე, არამედ ვიზის ლიბერალიზაციასთან დაკავშირებითაც არსებობს. ევროპაში თავისუფლად გ

პაატა მოგელაშვილს ხეხილის ბაღი 20 ჰა-ზე გორის რაიონის სოფელ ვარიანში აქვს გაშენებული. მეურნეობას უკვე რამდენიმე წელია ძმებთან ერთად უძღვება. ბაღი გააახლეს - "სინაფის" და "ჩემპიონის" ვაშლის ნერგები თანამედროვე ჯიშებით - "გრანი სმიტით", "ჯონათი" და "გოლდენ

ევროკავშირი სოფლად მცხოვრები მოსახლეობისთვის ახალ საგრანტო პროგრამას იწყებს. ევროპის სამეზობლო პროგრამა სოფლის მეურნეობისა და სოფლის განვითარებისთვის - ENPARD-ის ფარგლებში დაფინანსებას მიიღებს ის, ვისაც სოფლად აგროწარმოების ალტერნატიული ეკონომიკური საქმი

ექსკლუზიური ინტერვიუ დიმიტრი მანჯავიძესთან, რომელიც არის ერაყში, კერძოდ, ბაღდადსა და ერბილში გაეროს ოფისის საარჩევნო მისიის უფროსი ოფიცერი.

ქალი მეწარმეების ხელშეწყობის მიზნით, ევროპის რეკონსტრუქციისა და განვითარების ბანკი საქართველოში ახალ პროგრამას იწყებს. EUGeorgia.info დაინტერესდა, რამდენად ხელსაყრელია პირობები და რას ფიქრობენ პროგრამასთან დაკავშირებით თავად ქალი მეწარმეები.

ის blackhat hacker-ი იყო, ე. წ. შავი ქუდი - ის, ვინც კომპიუტერებს და ვებგვერდებს ტეხავს. სპეცსამსახურების ყურადღების ცენტრშიც სწორედ თავისი ნიჭის წყალობით მოხვდა. 16 წლის ასაკში კონსტიტუციური უსაფრთხოების დეპარტამენტის (კუდ) მაღალჩინოსანი იყო. მიხვდით ალ

banner
banner
banner
banner