banner
28 ივლისი 2014 | 08:07 ეკონომიკა

ევროკავშირი სოფლის მოსახლეობისთვის ახალ საგრანტო პროგრამას იწყებს

ევროკავშირი სოფლის მოსახლეობისთვის ახალ საგრანტო პროგრამას იწყებს

 
ევროკავშირი სოფლად მცხოვრები მოსახლეობისთვის ახალ საგრანტო პროგრამას იწყებს. ევროპის სამეზობლო პროგრამა სოფლის მეურნეობისა და სოფლის განვითარებისთვის  - ENPARD-ის ფარგლებში დაფინანსებას მიიღებს ის, ვისაც სოფლად აგროწარმოების ალტერნატიული ეკონომიკური საქმიანობის დაწყება სურს. 
 
ENPARD-ის პროგრამის ახალი ეტაპის შესახებ  www.eugeorgia.info საქართველოში ევროკავშირის წარმომადგენლობის სურსათის უვნებლობისა და სოფლის განვითარების ატაშეს, ხუან ეჩანოვეს ესაუბრა.
 
- ეს არ არის ახალი პროგრამა. ENPARD-ის პროგრამა აქამდეც არსებობდა. ამ პროგრამის ფარგლებში 40 მლნ ევრო უკვე დაიხარჯა. ახლა დამატებით  კიდევ 12 მლნ ევრო გამოიყო. 
 
- რომელ პროგრამებს მოხმარდება ეს თანხა?
 
-  12 მლნ ევრო ძირითადად  სამი მიმართულებით დაიხარჯება. ეს მიმართულებებია: სოფლის განვითარების ხელშეწყობა, კოოპერატივების განვითარების ხელშეწყობა და საბიუჯეტო დახმარება. 
 
სოფლის განვითარების პროგრამისთვის 3 მლნ ევრო გამოიყოფა, კოოპერატივების განვითარების ხელშეწყობისთვის 2, 5 მლნ ევრო, საბიუჯეტო დახმარებისთვის კი 6 მლნ ევრო. 
 
საბიუჯეტო დახმარების პროგრამისთვის გამოყოფილ ამ თანხას საქართველო 2016 წელს მიიღებს. ამ პროგრამის  ფარგლებში 6 მლნ ევროს ოდენობის დახმარება საქართველოს მთავრობამ წელსაც მიიღო. მომავალ წელს კი 8 მლნ ევროთი დავეხმარებით. საბიუჯეტო დახმარებისთვის გამოყოფილი თანხა პირდაპირ ბიუჯეტში გადაირიცხება, მაგრამ ეს არ არის საჩუქარი. ამ თანხას მთავრობა მიიღებს მხოლოდ იმ შემთხვევაში, თუ მასზე დაკისრებულ მოვალეობებს შეასრულებს. ამ შემთხვევაში წინაპირობა ფერმერთა საკონსულტაციო სამსახურის სისტემის შექმნაა. 2016 წლისთვის ეს სისტემა უკვე ჩამოყალიბებული უნდა იყოს. წინააღმდეგ შემთხვევაში საქართველოს მთავრობა ახალ ტრანშს ვერ მიიღებს. 
 
- რას გულისხმობს სოფლის განვითარების პროგრამა?
 
- ეს სრულიად ახალი კომპონენტია. ეს არ არის ის, რაც საქართველოში კარგად ესმით. ევროკავშირში სოფლის განვითარება სამ კომპონენტს მოიცავს: აგრარული წარმოების განვითარებას, აგრარული წარმოების ალტერნატიული ეკონომიკური საშუალებების განვითარებას და გარემოს დაცვას. საქართველოც ამ გზით უნდა წავიდეს. ამას ევროკავშირთან ასოცირების შეთანხმებაც მოითხოვს. რა თქმა უნდა, საქართველოში  ბევრი ისეთი პროექტი ხორციელდება, რომელიც აგრარული წარმოების, ალტერნატიული ეკონომიკური საქმიანობების განვითარებასა და გარემოს დაცვაზეა ორიენტირებული. ახალი პროგრამის სიახლე არის ის, რომ მასში ეს სამივე კომპონენტი ინტეგრირებულია. 
 
ამ პროგრამის განხორციელების მიზნით სავარაუდოდ, ზაფხულის ბოლოს გამოვაცხადებთ ტენდერს, რომელიც გამიზნული იქნება სამოქალაქო საზოგადოების ორგანიზაციებისთვის. ეს იქნება საპილოტე პროგრამა, რომელიც საქართველოს სამ რაიონში განხორციელდება. რაიონები ჯერ არ არის შერჩეული. საპილოტე პროექტის დასრულების შემდეგ დაიწყება ახალი პროგრამა  - ENPARD-2, რომელიც ბევრად უფრო მასშტაბური იქნება და მთელ საქართველოს მოიცავს.
 
- რა იქნება ამ პროგრამის პრიორიტეტები?
 
- როცა ვსაუბრობთ სოფლის განვითარებაზე, უმრავლესობა ფიქრობს რომ ეს არის აგრარული წარმოების განვითარება. ეს ასე არ არის. ძალიან მნიშვნელოვანია, რომ სოფლად მცხოვრებ მოსახლეობას ალტერნატიული დასაქმების საშუალება ჰქონდეს. ჩვენი მიზანია, ხელი შევუწყოთ ადგილობრივი ეკონომიკის განვითარებას. ამჟამად საქართველოს სოფლებში აგრარული სფეროს გარდა მოსახლეობის დასაქმების სხვა საშუალება არ არსებობს. მე ხშირად მომყავს ეს მაგალითი: ზოგიერთ სოფელში მაღაზიაც კი არ არის. ადამიანებს არ აქვთ ნაღდი ფული, რომ რაიმე იყიდონ. 
 
- აგრარული წარმოების ალტერნატიულ რომელ ეკონომიკურ საქმიანობებეზე შეიძლება ვისაუბროთ?
 
- ეს შეიძლება იყოს მომსახურების სერვისი. ბევრ სოფელში არ არის სასოფლო-სამეურნეო ტექნიკის შეკეთების საშუალება. ასევე არის ისეთი მიმართულებები, რომლებიც პირდაპირ არ არის დაკავშირებული სოფლის მეურნეობასთან. მაგალითად, აგროტურიზმი. საქართველოს მოსახლეობის 50% სოფლის მეურნეობის სფეროშია დასაქმებული. ეს ადამიანთა ძალიან დიდი რაოდენობაა. ადრე თუ გვიან, აგრარულ სფეროში დასაქმებული მოსახლეობის რაოდენობა უნდა შემცირდეს. ეს არის სოფლის მეურნეობის მოდერნიზაციის ერთადერთი გზა. ეს არ ნიშნავს იმას, რომ ყველა ადამიანი, რომელიც აგრარულ სფეროში საქმიანობას შეწყვეტს, საცხოვრებლად ქალაქში გადავა.  ჩემს სამშობლოში, ესპანეთში სოფლის მეურნეობაში დასაქმებულია მოსახლეობის 5%, მაგრამ სოფლად ცხოვრობს მოსახლეობის 40%. საფრანგეთში აგრარულ სექტორში დასაქმებულია მოსახლეობის 3%, მაშინ როცა სოფლად მოსახლეობის 40% ცხოვრობს. ყველაფერი დამოკიდებულია იმ პოლიტიკაზე, რომელსაც სახელმწიფო განახორციელებს. საქართველოში, ისევე როგორც ევროკავშირის ქვეყნებში, სოფლად მცხოვრებ მოსახლეობას უნდა ჰქონდეს არასასოფლო-სამეურნეო სექტორში მუშაობის შესაძლებლობა. 
 
- საპილოტე პროექტში მონაწილეობის მიღების უფლება ვის ექნება, ოჯახურ მეურნეობას თუ სათემო ორგანიზაციას? 
 
- ტენდერის მეშვეობით გამოვლინდებიან ის ორგანიზაციები, რომლებიც გრანტების გაცემაზე იმუშავებენ. ეს არ იქნება მხოლოდ ოჯახურ მეურნეობებზე გამოყოფილი გრანტები. მაგალითად, სოფლად მცხოვრებმა ადამიანებმა შეიძლება გადაწყვიტონ, რომ მათ ურჩევიათ რაიმე ხელობის შესწავლა, ან აგროტურიზმში დასაქმება და ამისთვის ტრენინგი სჭირდებათ.  შესაძლოა, მათთვის უფრო პრიორიტეტული იყოს ტურისტული მარშრუტების გაკეთება და იქ გზების მოწყობა, რადგან თუ იქ ტურისტები მივლენ, ხალხიც დასაქმდება. ევროპაში ასეთი პროექტები ადგილობრივი სამოქმედო ჯგუფების მეშვეობით ხორციელდება. ამ ჯგუფებში შეიძლება იყოს როგორც ადგილობრივი მოსახლეობა, ისე არასამთავრობო ორგანიზაციები. მათ შესაძლოა, სხვადასხვა ინიციატივები წარმოადგინონ. გვინდა, რომ განსხვავებული იდეები ვიხილოთ. ამიტომ არის ეს საპილოტე პროექტი. დაახლოებით ასეთი პროგრამა იყო სოფლის განვითრების პროგრამა. ეს კარგი პროგრამა იყო. მან სოფელი გააძლიერა. მაგრამ, ეს არ იყო გრძელვადიანი და თანმიმდევრული პროგრამა. მაგალითად, შეიძლებოდა სოფელს ეთქვა, რომ სასაფლაოს კედლის შეკეთება სჭირდებოდათ და ამას აკეთებდნენ. არ ვამბობ, რომ ეს ცუდია, მაგრამ ეს იმას ჰგავს, მტირალ ბავშვს კანფეტს რომ აძლევენ. ეს იყო კარგი საწყისი იმისთვის, რომ  სოფელს თვითორგანიზება მოეხდინა. ახლა საჭიროა ისეთი პროგრამის განხორციელება, რომ სოფელი თანმიმდევრულად განვითარდეს. 
 
თუ ჩვენ ვსაუბრობთ საქართველოს ევროკავშირთან დახლოებაზე, ევროკავშირი საქართველოს სთავაზობს ძალიან კარგ მოდელს. შესაძლებელია,  რომ სოფლად გქონდეს ძალიან კარგი ცხოვრება ისე, რომ არ იყო ჩართული სოფლის მეურნეობაში. ევროპა არ არის მხოლოდ ისეთი ლამაზი ქალაქები, როგორებიცაა რომი და პარიზი. ნებისმიერ პატარა სოფელშიც კი ღირსეული ცხოვრების პირობებია. 
 
- რა კრიტერიუმებზე იქნება დამოკიდებული გრანტის მოცულობა?
 
- ეს ახლა უნდა განვსაზღვროთ. არის გარკვეული პრინციპები, რომლებიც უნდა დავიცვათ. გრანტის მიმღები ვალდებული იქნება, რომ თანადაფინანსებაში მიიღოს მონაწილეობა. ეს სქემა ადაპტირებული  უნდა იყოს კონკრეტულ რაიონთან, რადგან ყველა რაიონში გასხვავებული პირობები და რეალობაა. გრანტის გაცემის მთავარი პრინციპი იქნება ბიზნესგეგმის არსებობა: ნებისმიერი საქმიანობა  ბიზნესგეგმას უნდა ეფუძნებოდეს და ეს გეგმა ეკონომიკურად მდგრადი უნდა იყოს. შესაძლოა, ვიღაცას მოსწონდეს რუსთავის გარეუბანში ეკოტურისტული კურორტის შექმნის იდეა, მაგრამ ცხადია, რომ ასეთი პროექტი გრანტის გამცემის დიდ დაინტერესებას არ გამოიწვევს. 
 
-  როდის შეირჩევა საპილოტე პროექტისთვის რაიონები და პრიორიტეტები?
 
- ჩვენი ფოკუსი იქნება იმ ადგილებზე, სადაც ეკონომიკური სირთულეებია. პროგრამას ექნება ორი წინაპირობა. 1. ის აუცილებლად უნდა განხორციელდეს სოფელში. 2. იმ ადგილზე, სადაც ეს პროგრამა განხორციელდება, აგრარული წარმოება არ უნდა იყოს ეკონომიკური საქმიანობის ერთადერთი შესაძლებლობა. 
ჩვენი სურვილია, რომ ამ პროგრამებს საქართველოს ხელისუფლებამ თვალი ძალიან აქტიურად მიადევნოს. საქართველოში პრობლემა არის ის, რომ არ არსებობს სოფლის განვითარების სამინისტრო. არსებობს რეგიონული განვითარების სამინისტრო, მაგრამ ის აწესრიგებს რეგიონებს შორის დამაკავშირებელ ინფრასტრუქტურას და არა სოფლისთვის საჭირო ინფრასტრუქტურას. არსებობს სოფლის მეურნეობის განვითარების სამინისტრო, მაგრამ ის ფოკუსირებულია სოფლის მეურნეობის განვითარებაზე. სამინისტრო ყურადღებას აქცევს იმ რეგიონებს, სადაც სოფლის მეურნეობის განვითარების შესაძლებლობა არსებობს. არსებობს გარემოს დაცვის სამინისტრო, რომლის მანდატიც გარემოს დაცვაა. სამივე სამინისტროს განსხვავებული პრიორიტეტები აქვს. სოფლის მოსახლეობას სჭირდება სოფლის მეურნეობაც, ინფრასტრუქტურაც და გარემოს დაცვაც. რაც მთავარია, ამ პოლიტიკაში დაცული უნდა იყოს ბალანსი. ევროპის განვითარებულ ქვეყნებში ცალკე აღებული სოფლის მეურნეობის სამინისტრო აღარ არსებობს. არის სამინისტრო, რომელიც პასუხს აგებს სოფლის მეურნეობაზეც, სოფლის ინფრაქსტრუქტურის განვითარებაზეც და გარემოს დაცვაზეც, ყველა იმ საკითხზე, რომელიც  სოფლად მცხოვრები მოსახლეობისთვის ძალიან მნიშვნელოვანია. 
 
- როდის დაიწყება  სოფლის განვითარების პროგრამის პროექტები?
 
- პროექტები სავარაუდოდ, 2015 წლის იანვარში დაიწყება. ეს პროექტი გაგრძელდება 2 წელი.  ამჯერად ამ პროგრამასთან მიმართებით დიდი მოლოდინი არ უნდა გვქონდეს, რადგან ეს საპილოტე პროგრამაა. ჩვენთვის ეს ტესტია. ENPARD-2-ის დროს ეს პროგრამა ბევრად უფრო მასშტაბური გახდება. 
 
- რა საქმიანობებს განახორციელებს კოოპერატივების განვითარების ხელშეწყობის პროგრამა?
 
- კოოპერატივების  განვითარების სააგენტოს ჩვენ ყოველთვის ვეხმარებით. გრანტების მეშვეობით ხელს ვუწყობთ ახალი კოოპერატივების ჩამოყალიბებასაც.  ეს მიმართულება ჩვენი ადრინდელი საქმიანობის გაგრძელებაა. ახლა ჩვენ დავეხმარებით კოოპერატივების განვითარების სააგენტოს იმისთვის, რომ მათ ტრენინგების დახმარებით ხელი შეუწყონ კოოპერატივების ჩამოყალიბებას. ტრენინგების მეშვეობით ისინი მიიღებენ ახალ ცოდნას ბიზნესის წარმოების, მენეჯმენტის და საგადასახადო საკითხების შესახებ. ეს იქნება დახმარება იმისთვის, რომ კოოპერატივების წარმომადგენლებმა  უკეთ ისწავლონ ბიზნესის წარმოება. გარდა ამისა, ამ გრანტის მთავარი მიზანია კოოპერატივების განვითარების სააგენტოს შესაძლებლობების გაძლიერება და მისი ეფექტურ უწყებად ჩამოყალიბება. 
 
პროგრამის ამ ნაწილს ჩვენ განვახორციელებთ ტენდერის მეშვეობით, რომელიც სექტემბერში გამოცხადდება. გვინდა, რომ ამ მიზნით საქართველოში რომელიმე ევროპული ქვეყნიდან კოოპერატივების განვითარების სააგენტოს მსგავსი ორგანიზაცია შემოვიყანოთ  და მათ "თვინინგის", ანუ დაძმობილების პროგრამის ფარგლებში ერთად იმუშაონ.
 
კოოპერატივების განვითარების პროგრამა ორ კომპონენტს მოიცავს: შესაძლებლობების გაძლიერებას, სწავლებას და ინვესტირებას. მთავარი კრიტერიუმი ამ შემთხვევაშიც ბიზნესგეგმის არსებობა იქნება. ყურადღებას მივაქცევთ წინაისტორიასაც. კოოპერატივს გარკვეული ეკონომიკური საქმიანობა აუცილებლად უნდა ჰქონდეს უკვე განხორციელებული. 
 
ინვესტირება გულისხმობს ინფრასტრუქტურის, ან ტექნიკური აღჭურვილობის შეძენაში დახმარებას, ოღონდ თანადაფინანსების პრინციპით. გრანტის მთლიანი თანხის 20% კოოპერატივმა თვითონ უნდა მოიძიოს. ეს მნიშვნელოვანია იმისთვის, რომ ვიცოდეთ ვის აქვს ნამდვილი ბიზნესმიდგომა. ავიღოთ ასეთი მაგალითი: შესაძლოა, კოოპერატივს სჭირდება მაცივარი, რომელიც 20 000 ევრო ღირს. ეს ძალიან მნიშვნელოვანი ინვესტიცია, რომელმაც კოოპერატივში გაერთიანებული 10 ფერმერის ცხოვრება შესაძლოა, მნიშვნელოვნად შეცვალოს.კოოპერატივისთის 20 000 ევროს გადახდა ადვილი არ არის. 20 000 ევროს 20% არის 4000 ევრო. რადგან კოოპერატივში 10 ფერმერია, ე. ი თოთოეულ მათგანს 400 ევროს დადება მოუწევს. ყველა ფერმერს შეუძლია 400 ევროს მოძიება. შესაძლოა, ამისთვის მას ძროხის გაყიდვაც მოუხდეს, მაგრამ საამგიეროდ ეს გახდება მისი მეურნეობის განვითარების ნაწილი. 
 
- რას ნიშნავს შესაძლებლობების განვითარება?
 
- დავუბრუნდეთ ჩვენს 10-ფერმერიან კოოპერატივს. ამ შემთხვევაში ეს იქნება მაცივრის გამოყენების სწავლება. პროგრამა დაეხმარება მათ ბიზნესგეგმის შედგენის სწავლებაში,  ბუღალტერიის ორგანიზებაში, საგადასახადო, საორგანიზაციო საკითხების და მარკეტინგის სწავლებაში. პრინციპში,  ჩვენ ხელს ვუწყობთ კომპანიის ჩამოყალიბებას. კოოპერატივი არის კომპანია. 
 
- გრანტის მიმღების ფინანსური თანამონაწილეობა აუცილებელი იქნება?
 
- ევროკავშირის პროგრამებში ეს სტანდარტული მოთხოვნაა - გრანტის მთლიანი თანხის 20% გრანტის მიმღებმა უნდა მოიძიოს. არ გვინდა ხელი შევუწყოთ ზარმაც ადამიანებს, რომლებსაც ადვილად ხელმისაწვდომი თანხით სარგებლობა სურთ. 
 
 
ესაუბრა მანანა ვარდიაშვილი
 

წაკითხულია
19821
ელ. ფოსტის გაგზავნა

ამავე თემაზე სტატიები არ მოიძებნა


ბლოგი

40-წუთიანი დამქანცველი ჯანჯღარის შემდეგ, მწვერვალზე სრულიად ახალი, თვალუწვდენელი სივრცე გადაიშალა ჩვენს თვალწინ, როდესაც სოფელ გოგაშენში ამოვაღწიეთ

ახალქალაქს მორიგი დაგეგმილი ტრენინგის ფარგლებში ვესტუმრეთ. ამ ნაყოფიერ მიწაზე მშრომელი ფერმერები ცხოვრობენ. სწორედ აქ მოდის ქართულ ბაზარზე არსებული კარტოფილის, ბოსტნეულისა და მარცვლეულის დიდი ნაწილი. ბოლო პერიოდში ჩვენ მიერ ჩატარებული ტრენინგებიდან ეს შეხვედრა ყველაზე ინტერაქციული აღმოჩნდა. გამაკვირვა მათმა ცხოველმა ინტერესმა სიახლისადმი. ისინი მაქსიმალურად ცდილობდნენ მათთვის საინტერესო საკითხზე მიეღოთ რაც შეიძლება მეტი ინფორმაცია.

გასულ კვირას მაკედონიაში ნაციონალისტურად განწყობილ ადამიანთა ჯგუფი პარლამენტშიშეიჭრა. 200-კაციანი ბრბო, რომელთა შორისნიღბიანი მამაკაცები იყვნენ, სასტიკად გაუსწორდაწამყვანი მაკედონიური ოპოზიციურიპარტიის და ეთნიკური ალბანელების პარტიის ლიდერებს, მათ შორის ქალბატონს. ეს ორი პარტია აპირებდა ახალი უმრავლესობის შექმნას მაკედონიის პარლამენტში, რომლის სპიკერად ეთნიკურად ალბანელი პოლიტიკოსი აირჩიეს. პარლამენტში შეჭრილები, რომლებიც ქვეყნის ყოფილი პრემიერ-მინისტრისმომხრეები იყვნენ, ამ ფაქტის ასეთი სისხლიანი გზით ჩაშლას ცდილობდნენ.

მარტვილის რაიონის გამგებლის მოადგილე ყველაზე ძლიერ ოპონირებას გვიწევდა. მისი პირველივე ქმედება „ჰაკა“-ს ჰგავდა, რომელსაც გააფთრებული ახალზელანდიელი მორაგბეები მოწინააღმდეგე გუნდის მორალურად გასატეხად იყენებენ.

კონფლიქტის დაწყებიდან მეექვსე წელს ამერიკის შეერთებულმა შტატებმა ჩაურევლობის პოლიტიკა დაარღვია და ასადის რეჟიმის წინააღმდეგ იერიში პირველად 7 აპრილს, გამთენიისას მიიტანა.

ესტონური წარმატებული პოტიკის მაგალითების მოძიება შესაძლებელია თითქმის ნებისმიერ სფეროში, დაწყებული სახელმწიფო მმართველობიდან, დამთავრებული განათლების პოლიტიკით.

უცხო ქვეყნების კანონებისა თუ რეფორმების კოპირება განვითარების ერთი-ერთი პოპულარული და საქართველოშიც ხშირად გამოყენებადი რეცეპტია. ლოგიკა მარტივია - „საჭირო არ არის ველოსიპედის ახლიდან გამოგონება“. თუმცა, ეს მიდგომა ხშირად არ ამართლებს.

ევროკავშირთან სავაჭრო სივრცის გაფართოების შედეგად ყველა მოსალოდნელი დადებით ეფექტი მიიღწევა გრძელვადიან პერიოდში (5-10 წელიწადი), ხოლო ხარჯების გაღება გვიწევს დღეს, რათა შესაბამისობაში მოვიდეთ ევროკავშირის კანონმდებლობასთანდა საბაზრო მოთხოვნებთან. ისედაც დაძაბულ სოციალურ და პოლიტიკურ ფონზე ამან შესაძლოა საფრთხე შეუქმნას რეფორმების წარმატებით განხორციელებას. შესაბამისად, დაახლოების პროცესი უნდა იყოს თანმიმდევრული და პრიორიტეტები გათვლილი ისე, რომ ბიზნესს ჰქონდეს ზრდის სტიმული; ასევე, მნიშვნელოვანია ექსპორტზე ორიენტირებული დარგების კონკურენტუნარიანობის ამაღლება წახალისდეს. მეორე მხრივ, საქართველოში ევროკავშირის სტანდარტების დანერგვა მეწარმეობასა და ზოგადად ქვეყნის საინვესტიციო სივრცეში პირდაპირი უცხოური ინვესტიციების მოზიდვას და ევროპულ ბაზარზე წვდომას ხელს შეუწყობს. DCFTA-ს სარგებლის სრულად ასათვისებლად, ასევე, აუცილებელია სამუშაო ძალის ბაზრის ცვლილება, რომელიც ამჟამად თავმოყრილია ძირითადად დაბალმწარმოებლურ დარგებში.

მე ძალიან კარგად არ ვიცნობ მაგამედ სარიევს. მაქსიმუმ ორჯერ შევხვედრივარ, პირველად მარნეულში და მეორედ ერთი კვირის წინ გარდაბნის მუნიციპალიტეტში ამჯერადაც ევროკავშირთან სავაჭრო ხელშეკრულების (DCFTA) შესაძლებლობების შესახებ ტრეინინგზე. მაგამედი არც ოლიმპიური ჩემპიონია და მისი ფოტოები არც საჯარო თავშეყრის ადგილებშია გამოფენილი, თუმცა ის რომ საუკეთესო მოქალაქეა, ამ ფაქტს წყალი არ გაუვა!

კეთილდღეობის ეკონომიკის ერთ-ერთი პრინციპია, რომ ზოგიერთ გადასახადს შესაძლოა უკუგავლენა ჰქონდეს ინდივიდების მოტივაციაზე- შექმნან დოვლათი. თუმცა, თუ გადასახადებიდან მიღებული თანხა საკმარისი არ არის ხარისხიანი ინფრასტრუქტურისა და საჯარო სერვისების დასაფინანსებლად, ამანაც შეიძლება დააზარალოს ეკონომიკა.

ინსტიტუტების განვითარებას არა მარტო პროფესიონალების, პოლიტიკური და ეკონომიკური ელიტების სწორად მიმართული შრომა და გადაწყვეტილებები, არამედ მოსახლეობის დამოკიდებულებებისა და ფასეულობების შეცვლაც სჭირდება.

ფერმერებთან ჩვენი შეხვედრის დროს სულიად მოულოდნელად აღმოვაჩინეთ მსმენელებს შორის ორი “თინეიჯერი” ბიჭი; მომავალი ფერმერები მამასთან ერთად გამალებით იწერდნენ პრეზენტაციის დროს მიწოდებულ ყველა ინფორმაციას თაფლის წარმოების არსებული შესაძლებლობების, პრობლემებისა და გამოწვევების შესახებ.

მას შემდეგ, რაც საქართველომ დამოუკიდებლობა მოიპოვა, მთავრობები, პოლიტიკური პარტიები, ექსპერტები, თუ იდეოლოგები გვპირდებიან საქართველოს ეკონომიკურ გაბრწყინებას, რეცეპტად კი ბორჯომის გაყიდვიდან დაწყებული დაბალი გადასახადებით დამთავრებული არაერთ იდეას თუ თეორიას ასახელებენ. ასე გრძელდება 25 წელია და, მართალია, 90-იანი წლების სიდუჭირიდან მოსახლეობის დიდი ნაწილი გამოვიდა, გაბრწყინებამდე ჯერ კიდევ ბევრი გვიკლია.

გუგენჰაიმში აგნეს მარტინმა, MoMA-ს თანამედროვე ხელოვნების ფილიალმა (PS1) ნიუ-იორკში, ჩიკაგოს ხელოვნების ინსტიტუტმა და ჩიკაგოს თანამედროვე ხელოვნების მუზეუმმა კიდევ ერთხელ დამარწმუნა, რომ არ არსებობს გამოხატვის უღირსი საგნები, აღქმები, მოვლენები თუ ამ მოვლენების ინტერპრეტაციები.

სამი წლის წინ ამერიკელმა ჟურნალისტმა ენ ბერნარდმა National Geographic-ისთვის მომზადებულ რეპორტაჟში შემდეგი სიტყვები დაწერა: „თუ დაეცემა დამასკო, დაეცემა სირიაც.“ ომის დაწყებიდან, თითქმის, ექვსი წლის თავზე პრეზიდენტ ბაშარ ალ-ასადის ციტადელად ქცეული სირიის დედაქალაქი გადარჩა, ხოლო ალეპომ, სიდიდით მეორე უძველესმა ქალაქმა და ომამდელი სირიის ბიზნესცენტრმა, დაცემა 2012 წლიდან (სამოქალაქო ომის დაწყებიდან ერთ წელიწადში) დაიწყო, თუმცა, მაინც ბევრს გაუძლო გარდა რუსეთის ავიაიერიშისა.

ციდან ალბათ ყველაზე კარგად ჩანს გერმანული რაციონალიზმი, მიწის და განახლებადი ენერგიიის ათვისება (გუშინ მხოლოდ მიუნხენიდან ფრანკფურტამდე მგზავრობისას 500-ზე მეტი ქარის წისქვილი დავთვალე), ტყის ფართობების და სასოფლო-სამეურნეო სავარგულების ეს რაღაც განსხვავებული სიმეტრიით მონაცვლეობა და, მთლიანობაში, ეს განსხვავებულად დავარცხნილი რელიეფი.

გაძვირებული საიმპორტო ავტომობილების ფასი (გამოწვეული აქციზის ზრდით), სავარაუდოდ, გაახანგრძლივებს საქართველოში არსებული ავტომობილების „ექსპლუატაციის“ ვადას. შესაბამისად, ტექნიკური შემოწმების შემოღების ვადებისა და პირობების გაურკვევლობის პირობებში, შესაძლოა, ტექნიკურად არც ისე სახარბიელო მგომარეობაში მყოფმა ქართულმა ავტოპარკმა გაიხანგრძლივოს მავნე აირებისა და უსიამოვნო ინდუსტრიული ხმების „გამობოლქვის“ პერიოდი.

В шестидесятые годы прошлого века Ферруччо получил от продажи тракторов бόльший доход, чем планировалось, и исполнил свою мечту: поставил в свой гараж новенькую «феррари». Вторая часть этой истории намного интереснее. «Феррари» не оправдала ожиданий Ферруччо. Ферруччо, не раздумывая, явился прямо к Энцо Феррари, чтобы обсудить недостатки машины, он высказал свое мнение и предложил помощь в решении проблем...

გასული საუკუნის სამოციან წლებში ფერუჩომ ტრაქტორების გაყიდვით დაგეგმილზე მეტი შემოსავალი მიიღო და ოცნებაც აისრულა: საკუთარ ფარეხში ახალთახალი «ფერარი» დააყენა. ამ ისტორიის მეორე ნაწილი გაცილებით საინტერესოა.

სადღეგრძელოებზე ჩემმა ბლოგმა იმაზე გაცილებით მეტი ვნებები და კონტრასტული რეაქციები გამოიწვია, ვიდრე ველოდი: მკვეთრად უარყოფითი ძირითადად უფროსი თაობის მხრიდან და მკვეთრად დადებითი ახალგაზრდა და საშუალო ასაკის ხალხის მხრიდან. მკვეთრად უარყოფითი დამოკიდებულების მქონე ადამიანებმა დაიწყეს პირადად ჩემი და ჩემი ქართველობის ლანძღვა კომენტარებში თუ პირად მიმოწერაში, ხოლო მკვეთრად დადებითი დამოკიდებულების მქონე ადამიანებმა -- ჩემი ქება მაღალი მოქალაქეობრივი თვითშეგნების გამო, რამაც გადამაწყვეტინა მეთქვა (ამჯერად უკვე საბოლოოდ), რატომ არ ვეთანხმები არცერთ მხარეს. როცა ვნებები დუღს, როგორც ამბობენ, ჭეშმარიტება ორთქლდება (არა, იმის თქმა არ მინდა, რომ მე ვიცი ჭეშმარიტება).

ბოლო შვიდი წელია ქართულ სუფრაზე არ ვყოფილვარ, სანამ გუშინ ძირითადად ახალგაზრდებისგან შემდგარ ჯგუფთან ერთად არწივის ხეობაში და ხორნაბუჯზე ლაშქრობის შემდეგ ერთ რესტორანში მათთან ერთად არ აღმოვჩნდი. მოკლედ, ამ ადამიანების ასაკმა და განათლებამ მაფიქრებინა, რომ ეს ხალხი არ დალევდა იმ სადღეგრძელოებს, რის გამოც ქართულ სუფრებს გავურბივარ. მოლოდინი არ გამართლდა. ამ სუფრაზეც შეისვა „საქართველოს გაუმარჯოს”, ჩვენი სიყვარულის (იგულისხმება სუფრაზე მსხდომნი), მეგობრობის და ხვალინდელი დღის სადღეგრძელოები. ამ სადღეგრძელოებს გვთავაზობდა ერთ-ერთი ჩვენი თანამოლაშქრე ბიჭი, რომელმაც თქვა მე თამადა არ ვარო, თუმცა ტრადიციული თამადისგან მხოლოდ იმით განსხვავდებოდა, რომ დალევას არ გვაძალებდა.

პანკისი - სტერეოტიპების მსხვერპლი ულამაზესი კუთხე

გამარჯობა, მინდა ეს ბლოგი დავწერო ქართული მატყლის პრობლემაზე და თხრობა დავიწყო ახლო წარულიდან, ასევე გაგაცნოთ მატყლის პრობლემის მოგვარების უელსური მოდელი.

უიმედო და არაინფორმირებული გურულები 6 ივლისს ლანჩხუთის მინუციპალიტეტის სოფელ ჯურუყვეთში ვნახე. არაინფორმირებული ევროინტეგრაციის პროცესებზე, უიმედო თავიანთი სოციალური მდგომარეობით.

აბორტის უფლება ერთ-ერთი მნიშვნელოვანი პოსტულატია ადამიანის უფლების კონვენციაში. გაეროს CEDAW-ს კომიტეტის დეკლარაციაში წერია: „გაეროს წევრმა ქვეყნებმა ხელი უნდა შეუწყოს ჯანდაცვის სფეროში ქალის მიმართ ყველანარი დისკრიმინაციის აღმოფხვრას, ქალის და კაცის უფლება თანაბრად უნდა იყოს დაცული და ქალებს უნდა ქონდეთ წვდომა ჯანდაცვის სერვისებზე, ოჯახის დაგეგმარების ჩათვლით“.

Brexit -ის მოწინააღმდეგები მოსახლეობას აფრთხილებდნენ უპირატესად ეკონომიკური შედეგების თაობაზე: ბრიტანეთის ფინანსთა სამინისტროს პროგნოზით, Brexit-ის შემდგომ ყოველი ბრიტანული ოჯახი 4300 ფუნტს დაკარგავს წელიწადში 2020 წლისათვის იქნება სავარაუდოდ, 100 მილიარდი ფუნტის ეკონომიკური ზარალი. 950 000 სამუშო ადგილს შეექმნება საფრთხე. პროფესიული გაერთიანებების ვარაუდი უფრო დრამატულია: 4 მილიონი სამუშაო ადგილი საფრთხის ქვეშაა, განსაკუთრებით კი, ექსპორტთან დაკავშირებულ სფეროებში, საავტომობილო და ქიმიურ ინდუსტრიაში. ბევრი ფირმა კონტინენტურ ევროპაში გადავა. შემცირდება პირდაპირი ინვესტიციები.

ბატონი სერგო ქალაქ თელავიდან თან რეალური პიროვნებაა და თან კრებითი სახელია იმ ადამიანებისა, რომლებიც ევროინტეგრაციის მიმართულებით ინფორმაციულ შიმშილს განიცდიან.

გერმანიაში მმართველი კოალიციის პარტიების: CDU -სა და CSU- ს ცალკეული პოლიტიკოსები სკეპტიკურად არიან განწყობილნი, რამდენად გონივრულია საქართველოსთვის ვიზალიბერალიზაციის მინიჭების თაობაზე ევროკომისიის გეგმა. მათ არგუმენტად მოჰყავთ ქართული კრიმინალური დაჯგუფებების მზარდი მასშტაბი და გავლენები ევროპაში, ამასთან, საქართველოს მოქალაქეების მიერ ლტოლვილის სტატუსის ბოროტად გამოყენების ტენდენციად ქცეული ფაქტები. ეს არგუმენტები რეალობაში საფუძველს მოკლებული როდია, მაგრამ სწორედ ამ თემის წამოწევა საქართველოს სახელმწიფოსათვის ეგზისტენციალურად მნიშვნელოვანი საკითხის გადამწყვეტ ფაზაში აღაშფოთებს ქართულ საზოგადოებას:

„სურსათის უვნებლობა ევროკავშირმა რომ არ მოგვთხოვოს, ისე არ უნდა გვქონდეს“? - ეს რეპლიკა მესტიაში ჯერ კიდევ “გაუხურებელი” ტრენინგის მიმდინარეობის დროს ადგილობრივმა ზაზა დევდარიანმა “გვესროლა”.

პილოტმა დაშვება გამოაცხადა. ქვევით თვალი მომჭრა აღმოსავლეთსა და უდაბნოს კლიმატისთვის უჩვეულო სიმწვანემ, რომელიც თელ-ავივის აეროპორტის ზოლამდე მთელი 20 წუთის განმავლობაში არ დასრულებულა. გაოცებამ დროებით გადამავიწყა „აირზენას“ ღარიბული, უგემური მენიუ და ლამაზი, მაგრამ უჟმური და მოძველბიჭო სტიუარდესა. - ყვავის ყველაფერი, - მითხრა სიამაყით გვერდით მჯდომმა შუახნის მამაკაცმა, რომელიც საქართველოდან ისტორიულ სამშობლოში ღრმა ბავშვობაში გადასახლდა.

ცოტა ხნის წინ გავრცელდა ინფორმაცია "ჩერნომორენერგოს" დირექტორის, ასლან ბასარიას განცხადების შესახებ, რომელსაც ენგურჰესის დირექტორის ლევან მებონიაც ადასტურებს და რომლის მიხედვით ენგურჰესის მიერ გამომუშავებული არცერთი კილოვატი ამ ეტაპზე საქართველოს არ მიეწოდება და მთლიანად აფხაზეთს მიაქვს, ხოლო ზამთრისა და გაზაფხულის პერიოდში წაღებული ელექტროენერგიის რაოდენობა გამომუშავებულის 80%-ს შეადგენს.

არავის უკვირს ის ფაქტი, რომ რადიკალური ისლამის წარმომადგენელები მკაცრად აკრიტიკებენ დემოკრატიას, რადგან ის შარიათის სულთან შეუთავსებელ პოლიტიკურ პრაქტიკად, ზნეობრივი გარყვნილებისა და ქაოსის წყაროდ მიაჩნიათ. საკვირველი ისაა, რომ დემოკრატიას რელიგიის სახელით ქრისტიანებიც არ წყალობენ.

გასული წლის ბოლოს საქართველოს გაზმომარაგების გაზრდის საკითხმა არათუ აქტუალურობა შეიძინა, არამედ გადააჭარბა ყველანაირ მოლოდინს და უკვე ერთგვარ მძაფრსიუჟეტიან სერიალად იქცა “გაზპრომის” მთავარ როლში მონაწილეობით.

ქართველ მორწმუნეთა და სასულიერო პირთა გარკვეულ წრეში სიტყვა „ლიბერალიზმი“ ძალიან უარყოფითი რენომეთი სარგებლობს. ჩემი აზრით, ამას სამი უმთავრესი მიზეზი აქვს. პირველი, ესაა რუსული რელიგიური ლიტერატურა, რომლებიც „რომის მესამე იმპერიის“ სულისკვეთების მქონე ავტორების მიერაა დაწერილი, რომლებსაც ყველანაირი ლიბერალური აზრი, რომელიც ეჭვის ქვეშ აყენებს რუსული იმპერიის მართლმადიდებლურ მისიას, თავად მართლმადიდებლობის საწინააღმდეგო ძალად მიაჩნიათ; მეორე, ზოგიერთი ლიბერალის აგრესიული, ანტიეკლესიური პოზიცია, რომელიც სულაც არ გამომდინარეობს კლასიკური პოლიტიკური ლიბერალიზმის ბუნებიდან და აქედან გამომდინარე, თავად ამ ლიბერალის ბრალია და არა ლიბერალიზმის; მესამე, ზოგადად ლიბერალიზმის მოწინააღმდეგენი კარგად არ იცნობენ კლასიკური, პოლიტიკური ლიბერალიზმის ბუნებას.

ახალციხის რაიონში მცხოვრებ ერთ-ერთ მეფუტკრეს, რომელიც ევროპაში ქართული თაფლის ექსპორტისთვის საჭირო მოთხოვნებზე ინფორმაციას ეძებდა, სურსათის ეროვნულ სააგენტოში "ურჩიეს", რომ ევროკავშირში თაფლის შეტანაზე ფუჭ ოცნებას თავი დაანებოს და ცოტა უფრო პრაგმატულ-მიწიერი საქმით დაკავდეს.

ახლო აღმოსავლეთსა და სირიაში შექმნილი ვითარება შედეგია ცივილიზაციურ - რელიგიური კონფლიქტების გაღვივების, რომლებიც ემყარება საუკუნეების მანძილზე ჩამოყალიბებულ ეთნო-რელიგიურ რწმენებს და რომელთა გაღვივება ხდება გლობალური და რეგიონული პროცესების ფონზე.

კოლონიალიზმის ეპოქაში ევროპელები ცდილობდნენ ანდებში ოქროს ქალაქისთვის მიეგნოთ, მაგრამ ელდორადოც და ინკების პაიტიტიც მხოლოდ ლეგენდად დარჩა, ისევე როგორც საყდრისის 5-ათასწლოვანი მაღარო, რომლის შესახებაც უკვე ვეღარაფერს შევიტყობთ.

ხანგრძლივი დავა ე.წ. მოსმენების კანონთან დაკავშირებით დასრულებულია, ვეტოც დაძლეულია და დიდი ძმაც მზადყოფნაშია, რომ მუდამ გვიყუროს, გვისმინოს და განაჩენი გამოიტანოს.

მრავალი ქვეყნის გამოცდილების მიხედვით, სწორედ სადაზღვევო სფეროა ის სეგმენტი, რომელსაც შეუძლია რომ თავისი შემოსავლებიდან საგზაო უსაფრთხოებისთვის დაფინანსება გამოყოს და ეს თანხა ტრანსპარენტულად დახარჯოს გზების კეთილმოწყობასა და საგზაო უსაფრთხოებაზე მიმართულ სხვა კონკრეტულ პროექტებზე.

პირველად გადავწყვიტე ნახევრად პირადული და შეიძლება ცოტა არ იყოს თვითმაამებლური ჩანაწერის გასაჯაროება

უჩა სეთური, ინფორმაციის თავისუფლების განვითარების ინსტიტუტის (IDFI) ექსპერტი

"მორიგი ბლეფი" - ასე აფასებდნენ დღეს პროგრამას "აწარმოე საქართველოში"

სტრატეგიულად მნიშნელოვანი გეოგრაფიული მდებარეობის გამო საქართველოს მთელს კავკასიაში და მის ფარგლებს გარეთაც საკვანძო სატრანზიტო ფუნქცია აკისრია. ამის გამო, სატრანსპორტო ინფრასტრუქტურის და სატრანსპორტო საშუალებების გაუმჯობესება აუცილებელი წინაპირობაა ქვეყნის ეკონომიკური და სოციალური განვითარებისთვის.

ევროპასთან ასოცირების შესახებ შეთანხმებაში განსაკუთრებული ყურადღება ექცევა სატრანსპორტო საშუალებების უსაფრთხოების პირობების დაცვას: ავტომობილის გამართულობას, მძღოლების კვალიფიკაციას და მათ მიერ სამუშაო და დასვენების საათების მკაცრ დაცვას.

ერთხელ ერთმა ჩემმა ნაცნობმა ჟურნალისტმა, რომელიც შარშან კოლუმბიის უნივერსიტეტის ტრენინგზე გავიცანი, სოციალურ ქსელ Twitter-ზე დაწერა, რომ ამერიკის შეერთებული შტატების მადლობელია, რადგან მან, ნეპალელი ემიგრანტების შვილმა, მისი წილი ამერიკული ოცნება უკვე აიხდინა.

ადვოკატირება

შეხვედრა საღამოს 6 საათზე , www.eugeorgia.info-ს ოფისში დავნიშნეთ. ჩვენი ჯგუფი პირველად უნდა შეხვედროდა ახალციხის რაიონში, სოფელ ანდრიაწმინდაში მცხოვრებ მეყველეს - გალინა ინასარიძეს და მის შვილს - რუსლანს. თავდაპირველად, შეხვედრის მიზანი ერთმანეთის გაცნობ

"კვლევითი ჟურნალისტიკის და ადვოკატირების ცენტრი" ახორციელებს პროექტს, რომლის ფარგლებშიც ვეხმარებით მცირე და საშუალო ბიზნესს

რჩეული სტატიები

ევროკავშირში 1 კგ ბიო ჟოლოს საცალო ფასი 100 ევროს აჭარბებს, თუმცა, როცა კენკრის ბაღის გაშენება გადაწყვიტა, გიორგი კორელი, ძირითადად, მაინც ადგილობრივი ბაზრით მოიხიბლა. როგორც ახალგაზრდა ფერმერი ამბობს, ჟოლო საქართველოში საკმაოდ მოთხოვნადი პროდუქტია და ყოვ

ამერიკული ლურჯი მოცვი, რომელიც გურიისა და აჭარის მაღალმთიანეთის კლიმატურ პირობებს კარგად შეეგუა, უნიკალური თვისებების გამო მსოფლიო ბაზარზე დიდი მოთხოვნით სარგებლობს. საქართველოში მოყვანილი 12 ტონა ლურჯი მოცვი დიდი ბრიტანეთის ბაზარზე წელს პირველად შევიდ

ევროკავშირის წარმომადგენლებმა საქართველოში თაფლის წარმოების ინდუსტრია შეამოწმეს და მიიჩნიეს, რომ სწორედ თაფლია ის ერთ-ერთი სტრატეგიული პროდუქტი, რომელსაც თხილისა და ღვინის კვალდაკვალ ევროკავშირის ბაზარზე შესვლის რეალური პერსპექტივა აქვს.

ღრმა და ყოვლისმომცველი თავისუფალი სავაჭრო სივრცის შესახებ შეთანხმება (DCFTA) პირველი სექტემბრიდან შევიდა ძალაში, რაც იმას ნიშნავს, რომ ევროკავშირიდან შემოტანილ და საქართველოდან ექპორტირებულ 9 ათასზე მეტი დასახელების პროდუქციაზე საბაჟო გადასახადი გაუქმდა

პაატა მოგელაშვილს ხეხილის ბაღი 20 ჰა-ზე გორის რაიონის სოფელ ვარიანში აქვს გაშენებული. მეურნეობას უკვე რამდენიმე წელია ძმებთან ერთად უძღვება. ბაღი გააახლეს - "სინაფის" და "ჩემპიონის" ვაშლის ნერგები თანამედროვე ჯიშებით - "გრანი სმიტით", "ჯონათი" და "გოლდენ

ევროკავშირი სოფლად მცხოვრები მოსახლეობისთვის ახალ საგრანტო პროგრამას იწყებს. ევროპის სამეზობლო პროგრამა სოფლის მეურნეობისა და სოფლის განვითარებისთვის - ENPARD-ის ფარგლებში დაფინანსებას მიიღებს ის, ვისაც სოფლად აგროწარმოების ალტერნატიული ეკონომიკური საქმი

ევროკავშირში თავისუფალი გადაადგილება, გარანტირებული სამუშაო თუ ევროპულ უნივერსიტეტებში სწავლის გაგრძელების შესაძლებლობა? მითები არამხოლოდ ევროკავშირთან ასოცირების შეთანხმებაზე, არამედ ვიზის ლიბერალიზაციასთან დაკავშირებითაც არსებობს. ევროპაში თავისუფლად გ

ექსკლუზიური ინტერვიუ დიმიტრი მანჯავიძესთან, რომელიც არის ერაყში, კერძოდ, ბაღდადსა და ერბილში გაეროს ოფისის საარჩევნო მისიის უფროსი ოფიცერი.

ქალი მეწარმეების ხელშეწყობის მიზნით, ევროპის რეკონსტრუქციისა და განვითარების ბანკი საქართველოში ახალ პროგრამას იწყებს. EUGeorgia.info დაინტერესდა, რამდენად ხელსაყრელია პირობები და რას ფიქრობენ პროგრამასთან დაკავშირებით თავად ქალი მეწარმეები.

„ღვინის პირველი პარტია დანიაში 2006 წელს გავიტანეთ. შემდეგ დანიას ინგლისი, საფრანგეთი, იტალია და შვედეთი დაემატა.

banner
banner
banner
banner