Content on this page requires a newer version of Adobe Flash Player.

Get Adobe Flash player

banner
02 ივნისი 2014 | 13:07 ეკონომიკა

ჩვენი მატარებელი აუცილებლად ევროპისკენ უნდა წავიდეს, თუ ვინმეს წამოსვლა არ სურს, ჩავიდეს!

ჩვენი მატარებელი აუცილებლად ევროპისკენ უნდა წავიდეს, თუ ვინმეს წამოსვლა არ სურს, ჩავიდეს!

 
 
დევიდ ლი საქართველოში 10 წელია ცხოვრობს, ის საკუთარ თავს ქართველებთან აიგივებს.  „ჩვენ უნდა შევეცადოთ.... ჩვენ უნდა ვიმუშაოთ... ჩვენ ეს შეგვიძლია...  “ - ამბობს ის  და მიაჩნია, რომ საქართველოს აქვს ყველა წინაპირობა იმისთვის, რომ ევროკავშირთან ასოცირების შეთნხმების უნიკალური შესაძლებლობები გამოიყენოს. 
 
- რატომ დააბანდებენ უცხოელი ინვესტორები ფულს თქვენი აზრით საქართველოში მას შემდეგ, რაც ევროკავშირთან ასოცირების შეთანხმებას ხელს მოვაწერთ? ევროკავშირთან ასოცირება შეიძლება იყოს ის მიზეზი, რაც უცხოელ ინვესტორს ფულის საქართველოში დაბანდებას გადააწყვეტინებს?
 
დევიდ ლი - „მაგთიკომის“ გენერალური დირექტორი, ევროკავშირი-საქართველოს ბიზნესსაბჭოს წევრი : 
 
საქართველო პატარა  და არც თუ ისე მდიდარი სახელმწიფოა და თუ აქ იდეალური პირობები არ იქნება, ინვესტორები არ ჩამოვლენ. სწორედ ამიტომ, ჩვენ არ გვაქვს უფლება, რომ დავსხდეთ და ვიცადოთ.  ჩვენ უნდა შევქმნათ პირობები ინვესტიციების მოსაზიდად. 
 
გარკვეული მიზეზების გამო საქართველო უკვე არის მომხიბლავი ადგილი ბიზნესის საკეთებლად. როდესაც ხელს მოვაწერთ ევროკავშირთან ასოცირების შეთახნმებას და ღრმა და ყოვლისმომცველი თავისუფალი ვაჭრობის ხელშეკრულებას,  მაშინვე 5– მილიონიანი ბაზრიდან 500–მილიონიანი, ერთიანი ბაზრის  კატეგორიაში ვინაცვლებთ და ეს არის სწორედ უმნიშვნელოვანესი ინვესტორებისთვის. პირველად შეგვიძლია ვაჩვენოთ ეს ქვეყანა, როგორც საუკეთესო საინვესტიციო ქვეყანა!  ეს უდიდესი მოვლენაა, უდიდესი მიღწევა და  უნიკალური  შანსია.
 
იმ 10  წლის განმავლობაში, რაც საქართველოში ვარ, თამაშის წესები ბიზნესის და ზოგადად, ქვეყნის განვითარების თვალსაზრისით,  რეალურად პირველად იცვლება.  ამიტომ პოლიტიკოსებმა, ბიზნესმენებმა,  არასამთავრობო სექტორმა, ხალხმა უნდა გავაკეთოთ ყველაფერი, რომ ამ გზიდან არ გადავუხვიოთ,  უნდა წავიდეთ დასავლეთისკენ!  ამ შეთანხმებას ხელი უნდა  მოვაწეროთ! უფრო შორსაც უნდა გავიხედოთ,  უფრო მეტად უნდა ჩავერთოთ ევროპულ ბიზნესში, ევროპულ საზოგადოებაში. მჯერა, რომ  თქვენს ქვეყანაში ჩემი ცხოვრების განმავლობაში მოვესწრები იმას, რომ საქართველო ევროკავშირის წევრი გახდება და ბიზნესისთვის ეს ყველაფერს შეცვლის.
 
- მეწარმეებს, ფერმერებს, გლეხებს, უამრავი პრობლემა აქვთ, როგორ უნდა გადალახონ მათ ეს პრობლემები?
 
– ქართველების მთავარი პრობლემა საკუთარ ძალებში დაურწმუნებლობაა. ეს არცაა გასაკვირი: 20 წლის განმავლობაში და მანამდეც, კომუნისტური სისტემის დროს  ქართველმა ხალხმა უმძიმესი განსაცდელი გადაიტა. ამან გარკვეულწილად იმოქმედა მათზე და დატოვა ხალხი იმედგაცრუებული და საკუთარ ძალებში რწმენადაკარგული. ბევრს არ სჯერა, რომ ჩვენ შეგვიძლია საერთაშორისო სტანდარტებით მუშაობა, მაღალი ხარისხის პროდუქციის გამოშვება და ხარისხიანი სერვისების შეთავაზება. ეს სრული ნონსენსია –  ეკონომიკის მრავალ სფეროში ჩვენ ვმუშაობთ საერთაშორისო სტანდარტებით.
 
ახლა „მაგთის“ ოფისში ვართ, რომელიც ნამდვილად სართაშორისო სტანდარტებით მუშაობს. რატომ? იმიტომ, რომ ბაზარზე ძლიერი კონკურენტები გვყავს, ისინიც მაღალი კლასის კომპანიები არიან და საერთაშორისო სტანდარტებით მუშაობენ.  იგივეს ვიტყოდი ბანკებსა და ღვინის კომპანიებზე. ვინ მუშაობს ამ კომპანიებში? საქართველოს ათასობით  მოქალაქე!
ეჭვგარეშეა, რომ  შეგვიძლია მაღალი სტანდარტებით მუშაობა, თუმცა, გამოწვევა არის ის, რომ მაღალ სტანდარტს აბსოლუტურად ყველა სფეროში მივაღწიოთ. თქვენ ახსნეთ, რომ ლაბორატორიები არ გვაქვს იმისთვის, რომ პროდუქტის ხარისხი შევამოწმოთ. არის თუ არა ეს პრობლემა? რასაკვირველია, არის. შეგვიძლია ეს პრობლემა მოვაგვაროთ?  რა თქმა უნდა, შეგვიძლია. ევროკავშირი გვაძლევს დიდ ფინანსურ დახმარებას. ბრიუსელში ყოფნის დროს გავიგე, რომ 19 მილიონ ევროს  გამოგვიყოფენ, ე. ი. ამ პრობლემის გადალახვა ნამდვილად  შეგვიძლია, რადგან ფული არსებობს! 
 
რა არის ალტერნატივა? აი, მაგალითად, იგივე სურსათის უვნებლობის თემა: ვინმეს ოდესმე შეუქმნია დიდი ბაზარი საუკეთესო ხარისხის პროდუქციის გარეშე?  რასაკვირველია,  არა. ვინმე ყიდულობს ახლა რუსულ მანქანას? არა, იმიტომ, რომ ის არ ვარგა! გინახავთ ქვეყნები, რომლებმაც აამაღლეს თავიანთი პროდუქციის ხარისხი და შევიდნენ საერთაშორსო ბაზრებზე? კი, რასაკვირველია, ასეთია „კია“, შეხედეთ კორეულ კომპანიებს, შეხედეთ მობილურ ტელეფონებს, თქვენ ფიქრობთ, რომ „სამსუნგი“ ედებოდა მილიონობით ადამიანს ჯიბეში, ხარისხი რომ არ უვარგოდეს? რა თქმა უნდა, არა! ამიტომ სტანდარტები უნდა იყოს საერთაშორისო, იმისთვის, რომ კონკურენციის გაწევა შევძლოთ!
 
სოფლის მურნეობა ახალი ადმინისტრაციის პირობებში ძალიან სწრაფად მოქმედებს,  ლაბორატორიები, საცავები, დისტრიბუციისა და სერტიფიცირების სისტემები - ამათგან არც ერთი არ არის გადაულახავი ამოცანა. ამიტომ  ხარისხის ამაღლებას მალე შევძლებთ - ფუნდამეტალურად რთული პრობლემა დგება მაშინ, როცა არის ცუდი კლიმატური პირობები, ცუდი მიწა და ნიადაგი, როდესაც არ არსებობს ირიგაციის სისტემა. საქართველოს აქვს 26 ათასი მდინარე, 6 კლიმატური ზონა, არაჩვეულებრივი ნიადაგი, გვყავს ფერმერები, რომლებსაც მიწაზე მუშაობის საუკუნოვანი გამოცდილება აქვთ.  რა აკლიათ მათ? მათ აკლიათ განათლება და ტექნოლოგიები. და რაც უფრო დავუახლოვდებით ევროპას, მით უფრო მალე შევძლებთ ამ პრობლემების მოგვარებას.  
 
თქვენ ახსენეთ ინფრასტრუქტურა. როდესაც საქართველოში ჩამოვედი, ვარდების რევოლუციის შემდეგ, აქ არაფერი მუშაობდა: არც გაზი იყო, არც ელექტროენერგია და არც გზები ვარგოდა.  გზები, აეროპორტები, წყალი, გაზი მოწესრიგდა. დღეს ქვეყანას  ინფრასტრუქტურა  საუკეთესო მდგომარეობაში თუ არა, ძირითადად მაინც მოწესრიგებული აქვს. ახლა გვჭირდება დამატებითი ინფრასტრუქტურა, შესანახი და სადისტრიბუციო სისტემა.
 
– თქვენ ძალიან ოპტიმისტურად უყურებთ  ევროპასთან ასოცირების შეთანხმების იმ ნაწილს, სადაც ჩვენს მიერ შესასრულებელ ვალდებულებებზეა საუბარი... 
 
-არა, ოპტიმისტურად კი არ ვუყურებ მომავალს, არამედ ფანატიკოსი ვარ ამ შეთანხმების! მე საქართველოს იმედი მაქვს და  არ გავატარებდი ჩემი ცხოვრების 10 წელს აქ, რომ არ მჯეროდეს ამ ხალხის. ერთი წუთითაც მაინც რომ მეგონოს, რომ ეს ქვეყანა დაამთავრებდა ისე, როგორც დაამთავრა იგივე  ყირიმის ოლქმა, რომელსაც არ უნდა, რომ წარმატებას მიაღწიოს! მე არ შემხვედრია ქართველი, ვისაც არ უნდა, რომ  წარმატებას მიაღწიოს, ან ვისაც არ გაუხარდებოდა საქართველოს წარმატება. სამწუხაროდ, არიან ქართველები, რომელთაც განსხვავებილი წარმოდგენა აქვთ იმაზე, თუ რა მოუტანს წინსვლას ამ ქვეყანას.  
 
თუ ჩვენ ამ შეთანხმებას ხელს მოვაწერთ,  ეს იქნება უდიდესი ისტორიული მოვლენა. ჩვენ ევროპული ბაზრის შემადგენლობაში შევალთ. შემდეგ ჩვენ გავხდებით  ევროკავშირის სრულუფლებიანი წევრი. თუმცა, ამას დრო დასჭირდება.
 
პოლონეთი წარმატებული ქვეყნის კარგი მაგალითია: 15 წლის წინ პოლონეთს ზუსტად იგივე ეკონომიკური მდგომარეობა ჰქონდა, რაც ახლა  აქვს უკრაინას. ამ ხნის განმავლობაში პოლონეთის მთლიანი შიდა პროდუქტი 3 ჯერ გაიზარდა! განვიხილოთ ესტონეთი: მათ შექმნეს „სკაიპი“ და მსოფლიოში საუკეთესო IT ინფრასტრუქტურა. ზოგიერთმა  ქვეყანამ განავითარა ისეთი წარმოება, რომლის თაობაზე არც კი ჰქონიათ წარმოდგენა და არც დაუშვიათ, რომ ასეთ დარგს პოტენციალი ექნებოდა. მაგალითად, პოლონეთი გახდა ვაშლის მეორე ექსპორტიორი მსოფლიოში და ევროპაში ავეჯის უმსხვილესი მწარმოებელი. ეს მოხდა მას შემდეგ, რაც პოლონეთი ევროკავშირს შეუერთდა. 
სტანდარტების აწევასთან და  საწარმოების განვითარებასთან ერთად  ჩვენ განვავითარებთ ევროპულ კანონებს, ევროპულ მეთოდებს, ევროპულ ტექნოლოგიებს, ევროპულ ექსპერტიზას, ევროპულ  განათლებას, რაც ნიშნავს საუკეთესოს მსოფლიოში და ეს აწევს თავისთავად ყველაფრის დონეს საქართველოში.
 
–როგორ ფიქრობთ, უცხოელი ინვესტორები ჩამოვლენ და ცალკე საწარმოებს და კომპანიებს შექმნიან, თუ ქართველებთან ერთობლივ საწარმოებს დააფუძნებენ?
 
– ჩემი აზრით, ინვესტორები ორივე ამ გზას აირჩევენ. მგონია, რომ უფრო მეტად იქნება პარტნიორობა ქართველ ბიზნესმენებსა და უცხოელებს შორის. ჩემი აზრით, ეს არის საქმის კეთების ყველაზე ეფექტური საშუალება: ჩამოდიხარ, პოულობ ქართველ პარტნიორებს და იყენებ მათ, აშენებ კომპანიას, საწარმოს, ბიზნესს... თუმცა, შესაძლოა, ცალკე, დამოუკიდებელი კომპანიებიც შეიქმნას.  
 
თქვენ ახსენეთ, რომ მიწა ზოგიერთ ადგილზე დაბინძურებულია. შესაძლოა, ზოგიერთ ადგილებში მართლაც არის პრობლემები, რომლებიც ძველი, საბჭოთა პერიოდის მძიმე მრეწველობის ნარჩენებით არის გამოწვეული. თუმცა, ასეთი ადგილი ბევრი არ არის. მიწის უდიდესი ნაწილი  საქართველოში  სუფთა და ეკოლოგიურად სრულიად უსაფრთხოა. თითქმის 20 წელია საქართველოში სოფლის მეურნეობა არ ვითარდებოდა. ჩვენ არ ვიყენებდით ძალიან მძლავრ ფერმერულ ტექნიკას, რომელმაც შესაძლოა, მიწა დააზიანოს. სხვათაშორის, დასავლეთში მხოლოდ ახლახანს მივიდნენ ადამიანები იმ დასკვნამდე, რომ მიწაზე დიდი მოსავლის მიღება არ არის პრიორიტეტი, პრიორიტეტი მდგრადი სოფლის მეურნეობის განვითარებაა. ასე, რომ ჩვენ არ გვქონია ტექნოლოგია, რომელიც აფუჭებდა მიწას. ჩვენი მიწები უბრალოდ არ ყოფილა გამოყენებული. ის თავისი მწვანე საფარით ხელშეუხებელი იყო ინვესტიციების მოლოდინში. 
როდესაც ჩვენი საზოგადოების სხვა სფეროებს გადავხედავთ, დავინახავთ რაღაც „ადგილებს“, სადაც ვითარება არც თუ სახარბიელოა. არ შეიძლება ამ ერთი კონკრეტული მაგალითის საფუძველზე მთლიანი სურათი შექმნა და თქვა, რომ აქ არაფერი არ ვარგა და არ მუშაობს. ასეთი მიდგომა უნდა შეიცვალოს. პირიქით, შევხედოთ რა კეთდება სწორად, შევაფასოთ, რამდენად წინ წავედით, შევხედოთ, რამდენად კარგია საინვესტიციო კლიმატი და წარმოვიდგინოთ, რომ ის ფანტასტიურიც შეიძლება მოხდეს! ჩვენ გვჭირდება განწობა მოტივაციის შესაქმენალად იმისთვის, რომ ყველაფერი უმაღლეს სტანდარტებამდე ავიყვანოთ.
 
ეს მოძრაობა მატარებლის სვლას მაგონებს. ბათუმში ბინა მაქვს და იქ ხშირად მიწევს ხოლმე ჩასვლა. ადრე იქ ჩასვლა საკმაოდ რთული იყო, ახლა ძალიან მარტივია. მატარებლით ბათუმამადე მგზავრობას დიდი დრო აღარ მიაქვს, კარგი მატარებელია და ძალიან მოგვწონს. ქუთაისში როდესაც ვჩერდებით და შემდეგ, დასავლეთისკენ სიჩქარეს ვუმატებთ, თუ რაიმე სასწაული და ძალიან ცუდი არ მოხდა, ეს მატარებელი აუცილებლად ჩავა დანიშნულების ადგილზე. ჩვენ, საზოგადოებამ უნდა ვუზრუნველყოთ, რომ ამ მატარებლის პროგრესს არავინ და არაფერმა შეუშალოს ხელი.თუ  ვინმეს ჩამოსვლა უნდა, ჩამოვიდეს, რადგან მატარებელი მიდის დასავლეთისკენ! 
 
ესაუბრა ნონა ქვლივიძე
 

წაკითხულია
1465
ელ. ფოსტის გაგზავნა

ამავე თემაზე:

გაერთიანებული სამეფოდან FDI ძირითადად საფინანსო სექტორზე მოდის

გაერთიანებული სამეფოდან FDI ძირითადად საფინანსო სექტორზე მოდის

საქსტატის წინასწარი ინფორმაციით 2016 წელს განხორციელებული პირდაპირი უცხოური ინვესტიციების (FDI) მოცულობა წინა წელთან შედარებით 5%-ით გაიზარდა, ხოლო გაერთიანებული სამეფოდან მიღებული FDI 69% შემცირდა.

22 მარტი 2017 | 21:11 ვრცლად
რა შანსები აქვს საქართველოს Tesla-ს დასაინტერესებლად? ვინ როგორ მუშაობს საქართველოში მსხვილი ინვესტორების მოსაზიდად

რა შანსები აქვს საქართველოს Tesla-ს დასაინტერესებლად? ვინ როგორ მუშაობს საქართველოში მსხვილი ინვესტორების მოსაზიდად

ელექტრომობილების მწარმოებელი ამერიკული კომპანიის - Tesla-ს პირველი ქარხანა საზეიმოდ 2016 წლის 29 ივლისს ნევადაში გაიხსნა. შტატის გუბერნატორმა მაშინ განაცხადა, რომ ეს პროექტი ნევადას მომდევნო ორი ათეული წლის განმავლობაში 100 მილიარდი დოლარის ეკონომიკურ სა

26 დეკემბერი 2016 | 16:31 ეკონომიკა ვრცლად
ინტერვიუ თეოდორ ჯონასთან

ინტერვიუ თეოდორ ჯონასთან

საქართველოს საინვესტიციო გარემოსთან დაკავშირებული პრობლემების შესასწავლად eugeorgia.info გაესაუბრა DLA Piper-ის იურიდიულ კონსულტანტს თეოდორ ჯონასს, რომელიც იურიდიულ დახმარებას უწევს ინვესტორებს საერთაშორისო ბიზნეს გარიგებებში, ენერგეტიკისა და ინფრასტრუქტუ

12 დეკემბერი 2016 | 20:03 ეკონომიკა ვრცლად

ბლოგი

ახალქალაქს მორიგი დაგეგმილი ტრენინგის ფარგლებში ვესტუმრეთ. ამ ნაყოფიერ მიწაზე მშრომელი ფერმერები ცხოვრობენ. სწორედ აქ მოდის ქართულ ბაზარზე არსებული კარტოფილის, ბოსტნეულისა და მარცვლეულის დიდი ნაწილი. ბოლო პერიოდში ჩვენ მიერ ჩატარებული ტრენინგებიდან ეს შეხვედრა ყველაზე ინტერაქციული აღმოჩნდა. გამაკვირვა მათმა ცხოველმა ინტერესმა სიახლისადმი. ისინი მაქსიმალურად ცდილობდნენ მათთვის საინტერესო საკითხზე მიეღოთ რაც შეიძლება მეტი ინფორმაცია.

გასულ კვირას მაკედონიაში ნაციონალისტურად განწყობილ ადამიანთა ჯგუფი პარლამენტშიშეიჭრა. 200-კაციანი ბრბო, რომელთა შორისნიღბიანი მამაკაცები იყვნენ, სასტიკად გაუსწორდაწამყვანი მაკედონიური ოპოზიციურიპარტიის და ეთნიკური ალბანელების პარტიის ლიდერებს, მათ შორის ქალბატონს. ეს ორი პარტია აპირებდა ახალი უმრავლესობის შექმნას მაკედონიის პარლამენტში, რომლის სპიკერად ეთნიკურად ალბანელი პოლიტიკოსი აირჩიეს. პარლამენტში შეჭრილები, რომლებიც ქვეყნის ყოფილი პრემიერ-მინისტრისმომხრეები იყვნენ, ამ ფაქტის ასეთი სისხლიანი გზით ჩაშლას ცდილობდნენ.

მარტვილის რაიონის გამგებლის მოადგილე ყველაზე ძლიერ ოპონირებას გვიწევდა. მისი პირველივე ქმედება „ჰაკა“-ს ჰგავდა, რომელსაც გააფთრებული ახალზელანდიელი მორაგბეები მოწინააღმდეგე გუნდის მორალურად გასატეხად იყენებენ.

კონფლიქტის დაწყებიდან მეექვსე წელს ამერიკის შეერთებულმა შტატებმა ჩაურევლობის პოლიტიკა დაარღვია და ასადის რეჟიმის წინააღმდეგ იერიში პირველად 7 აპრილს, გამთენიისას მიიტანა.

ესტონური წარმატებული პოტიკის მაგალითების მოძიება შესაძლებელია თითქმის ნებისმიერ სფეროში, დაწყებული სახელმწიფო მმართველობიდან, დამთავრებული განათლების პოლიტიკით.

უცხო ქვეყნების კანონებისა თუ რეფორმების კოპირება განვითარების ერთი-ერთი პოპულარული და საქართველოშიც ხშირად გამოყენებადი რეცეპტია. ლოგიკა მარტივია - „საჭირო არ არის ველოსიპედის ახლიდან გამოგონება“. თუმცა, ეს მიდგომა ხშირად არ ამართლებს.

ევროკავშირთან სავაჭრო სივრცის გაფართოების შედეგად ყველა მოსალოდნელი დადებით ეფექტი მიიღწევა გრძელვადიან პერიოდში (5-10 წელიწადი), ხოლო ხარჯების გაღება გვიწევს დღეს, რათა შესაბამისობაში მოვიდეთ ევროკავშირის კანონმდებლობასთანდა საბაზრო მოთხოვნებთან. ისედაც დაძაბულ სოციალურ და პოლიტიკურ ფონზე ამან შესაძლოა საფრთხე შეუქმნას რეფორმების წარმატებით განხორციელებას. შესაბამისად, დაახლოების პროცესი უნდა იყოს თანმიმდევრული და პრიორიტეტები გათვლილი ისე, რომ ბიზნესს ჰქონდეს ზრდის სტიმული; ასევე, მნიშვნელოვანია ექსპორტზე ორიენტირებული დარგების კონკურენტუნარიანობის ამაღლება წახალისდეს. მეორე მხრივ, საქართველოში ევროკავშირის სტანდარტების დანერგვა მეწარმეობასა და ზოგადად ქვეყნის საინვესტიციო სივრცეში პირდაპირი უცხოური ინვესტიციების მოზიდვას და ევროპულ ბაზარზე წვდომას ხელს შეუწყობს. DCFTA-ს სარგებლის სრულად ასათვისებლად, ასევე, აუცილებელია სამუშაო ძალის ბაზრის ცვლილება, რომელიც ამჟამად თავმოყრილია ძირითადად დაბალმწარმოებლურ დარგებში.

მე ძალიან კარგად არ ვიცნობ მაგამედ სარიევს. მაქსიმუმ ორჯერ შევხვედრივარ, პირველად მარნეულში და მეორედ ერთი კვირის წინ გარდაბნის მუნიციპალიტეტში ამჯერადაც ევროკავშირთან სავაჭრო ხელშეკრულების (DCFTA) შესაძლებლობების შესახებ ტრეინინგზე. მაგამედი არც ოლიმპიური ჩემპიონია და მისი ფოტოები არც საჯარო თავშეყრის ადგილებშია გამოფენილი, თუმცა ის რომ საუკეთესო მოქალაქეა, ამ ფაქტს წყალი არ გაუვა!

კეთილდღეობის ეკონომიკის ერთ-ერთი პრინციპია, რომ ზოგიერთ გადასახადს შესაძლოა უკუგავლენა ჰქონდეს ინდივიდების მოტივაციაზე- შექმნან დოვლათი. თუმცა, თუ გადასახადებიდან მიღებული თანხა საკმარისი არ არის ხარისხიანი ინფრასტრუქტურისა და საჯარო სერვისების დასაფინანსებლად, ამანაც შეიძლება დააზარალოს ეკონომიკა.

ინსტიტუტების განვითარებას არა მარტო პროფესიონალების, პოლიტიკური და ეკონომიკური ელიტების სწორად მიმართული შრომა და გადაწყვეტილებები, არამედ მოსახლეობის დამოკიდებულებებისა და ფასეულობების შეცვლაც სჭირდება.

ფერმერებთან ჩვენი შეხვედრის დროს სულიად მოულოდნელად აღმოვაჩინეთ მსმენელებს შორის ორი “თინეიჯერი” ბიჭი; მომავალი ფერმერები მამასთან ერთად გამალებით იწერდნენ პრეზენტაციის დროს მიწოდებულ ყველა ინფორმაციას თაფლის წარმოების არსებული შესაძლებლობების, პრობლემებისა და გამოწვევების შესახებ.

მას შემდეგ, რაც საქართველომ დამოუკიდებლობა მოიპოვა, მთავრობები, პოლიტიკური პარტიები, ექსპერტები, თუ იდეოლოგები გვპირდებიან საქართველოს ეკონომიკურ გაბრწყინებას, რეცეპტად კი ბორჯომის გაყიდვიდან დაწყებული დაბალი გადასახადებით დამთავრებული არაერთ იდეას თუ თეორიას ასახელებენ. ასე გრძელდება 25 წელია და, მართალია, 90-იანი წლების სიდუჭირიდან მოსახლეობის დიდი ნაწილი გამოვიდა, გაბრწყინებამდე ჯერ კიდევ ბევრი გვიკლია.

გუგენჰაიმში აგნეს მარტინმა, MoMA-ს თანამედროვე ხელოვნების ფილიალმა (PS1) ნიუ-იორკში, ჩიკაგოს ხელოვნების ინსტიტუტმა და ჩიკაგოს თანამედროვე ხელოვნების მუზეუმმა კიდევ ერთხელ დამარწმუნა, რომ არ არსებობს გამოხატვის უღირსი საგნები, აღქმები, მოვლენები თუ ამ მოვლენების ინტერპრეტაციები.

სამი წლის წინ ამერიკელმა ჟურნალისტმა ენ ბერნარდმა National Geographic-ისთვის მომზადებულ რეპორტაჟში შემდეგი სიტყვები დაწერა: „თუ დაეცემა დამასკო, დაეცემა სირიაც.“ ომის დაწყებიდან, თითქმის, ექვსი წლის თავზე პრეზიდენტ ბაშარ ალ-ასადის ციტადელად ქცეული სირიის დედაქალაქი გადარჩა, ხოლო ალეპომ, სიდიდით მეორე უძველესმა ქალაქმა და ომამდელი სირიის ბიზნესცენტრმა, დაცემა 2012 წლიდან (სამოქალაქო ომის დაწყებიდან ერთ წელიწადში) დაიწყო, თუმცა, მაინც ბევრს გაუძლო გარდა რუსეთის ავიაიერიშისა.

ციდან ალბათ ყველაზე კარგად ჩანს გერმანული რაციონალიზმი, მიწის და განახლებადი ენერგიიის ათვისება (გუშინ მხოლოდ მიუნხენიდან ფრანკფურტამდე მგზავრობისას 500-ზე მეტი ქარის წისქვილი დავთვალე), ტყის ფართობების და სასოფლო-სამეურნეო სავარგულების ეს რაღაც განსხვავებული სიმეტრიით მონაცვლეობა და, მთლიანობაში, ეს განსხვავებულად დავარცხნილი რელიეფი.

გაძვირებული საიმპორტო ავტომობილების ფასი (გამოწვეული აქციზის ზრდით), სავარაუდოდ, გაახანგრძლივებს საქართველოში არსებული ავტომობილების „ექსპლუატაციის“ ვადას. შესაბამისად, ტექნიკური შემოწმების შემოღების ვადებისა და პირობების გაურკვევლობის პირობებში, შესაძლოა, ტექნიკურად არც ისე სახარბიელო მგომარეობაში მყოფმა ქართულმა ავტოპარკმა გაიხანგრძლივოს მავნე აირებისა და უსიამოვნო ინდუსტრიული ხმების „გამობოლქვის“ პერიოდი.

В шестидесятые годы прошлого века Ферруччо получил от продажи тракторов бόльший доход, чем планировалось, и исполнил свою мечту: поставил в свой гараж новенькую «феррари». Вторая часть этой истории намного интереснее. «Феррари» не оправдала ожиданий Ферруччо. Ферруччо, не раздумывая, явился прямо к Энцо Феррари, чтобы обсудить недостатки машины, он высказал свое мнение и предложил помощь в решении проблем...

გასული საუკუნის სამოციან წლებში ფერუჩომ ტრაქტორების გაყიდვით დაგეგმილზე მეტი შემოსავალი მიიღო და ოცნებაც აისრულა: საკუთარ ფარეხში ახალთახალი «ფერარი» დააყენა. ამ ისტორიის მეორე ნაწილი გაცილებით საინტერესოა.

სადღეგრძელოებზე ჩემმა ბლოგმა იმაზე გაცილებით მეტი ვნებები და კონტრასტული რეაქციები გამოიწვია, ვიდრე ველოდი: მკვეთრად უარყოფითი ძირითადად უფროსი თაობის მხრიდან და მკვეთრად დადებითი ახალგაზრდა და საშუალო ასაკის ხალხის მხრიდან. მკვეთრად უარყოფითი დამოკიდებულების მქონე ადამიანებმა დაიწყეს პირადად ჩემი და ჩემი ქართველობის ლანძღვა კომენტარებში თუ პირად მიმოწერაში, ხოლო მკვეთრად დადებითი დამოკიდებულების მქონე ადამიანებმა -- ჩემი ქება მაღალი მოქალაქეობრივი თვითშეგნების გამო, რამაც გადამაწყვეტინა მეთქვა (ამჯერად უკვე საბოლოოდ), რატომ არ ვეთანხმები არცერთ მხარეს. როცა ვნებები დუღს, როგორც ამბობენ, ჭეშმარიტება ორთქლდება (არა, იმის თქმა არ მინდა, რომ მე ვიცი ჭეშმარიტება).

ბოლო შვიდი წელია ქართულ სუფრაზე არ ვყოფილვარ, სანამ გუშინ ძირითადად ახალგაზრდებისგან შემდგარ ჯგუფთან ერთად არწივის ხეობაში და ხორნაბუჯზე ლაშქრობის შემდეგ ერთ რესტორანში მათთან ერთად არ აღმოვჩნდი. მოკლედ, ამ ადამიანების ასაკმა და განათლებამ მაფიქრებინა, რომ ეს ხალხი არ დალევდა იმ სადღეგრძელოებს, რის გამოც ქართულ სუფრებს გავურბივარ. მოლოდინი არ გამართლდა. ამ სუფრაზეც შეისვა „საქართველოს გაუმარჯოს”, ჩვენი სიყვარულის (იგულისხმება სუფრაზე მსხდომნი), მეგობრობის და ხვალინდელი დღის სადღეგრძელოები. ამ სადღეგრძელოებს გვთავაზობდა ერთ-ერთი ჩვენი თანამოლაშქრე ბიჭი, რომელმაც თქვა მე თამადა არ ვარო, თუმცა ტრადიციული თამადისგან მხოლოდ იმით განსხვავდებოდა, რომ დალევას არ გვაძალებდა.

პანკისი - სტერეოტიპების მსხვერპლი ულამაზესი კუთხე

გამარჯობა, მინდა ეს ბლოგი დავწერო ქართული მატყლის პრობლემაზე და თხრობა დავიწყო ახლო წარულიდან, ასევე გაგაცნოთ მატყლის პრობლემის მოგვარების უელსური მოდელი.

უიმედო და არაინფორმირებული გურულები 6 ივლისს ლანჩხუთის მინუციპალიტეტის სოფელ ჯურუყვეთში ვნახე. არაინფორმირებული ევროინტეგრაციის პროცესებზე, უიმედო თავიანთი სოციალური მდგომარეობით.

აბორტის უფლება ერთ-ერთი მნიშვნელოვანი პოსტულატია ადამიანის უფლების კონვენციაში. გაეროს CEDAW-ს კომიტეტის დეკლარაციაში წერია: „გაეროს წევრმა ქვეყნებმა ხელი უნდა შეუწყოს ჯანდაცვის სფეროში ქალის მიმართ ყველანარი დისკრიმინაციის აღმოფხვრას, ქალის და კაცის უფლება თანაბრად უნდა იყოს დაცული და ქალებს უნდა ქონდეთ წვდომა ჯანდაცვის სერვისებზე, ოჯახის დაგეგმარების ჩათვლით“.

Brexit -ის მოწინააღმდეგები მოსახლეობას აფრთხილებდნენ უპირატესად ეკონომიკური შედეგების თაობაზე: ბრიტანეთის ფინანსთა სამინისტროს პროგნოზით, Brexit-ის შემდგომ ყოველი ბრიტანული ოჯახი 4300 ფუნტს დაკარგავს წელიწადში 2020 წლისათვის იქნება სავარაუდოდ, 100 მილიარდი ფუნტის ეკონომიკური ზარალი. 950 000 სამუშო ადგილს შეექმნება საფრთხე. პროფესიული გაერთიანებების ვარაუდი უფრო დრამატულია: 4 მილიონი სამუშაო ადგილი საფრთხის ქვეშაა, განსაკუთრებით კი, ექსპორტთან დაკავშირებულ სფეროებში, საავტომობილო და ქიმიურ ინდუსტრიაში. ბევრი ფირმა კონტინენტურ ევროპაში გადავა. შემცირდება პირდაპირი ინვესტიციები.

ბატონი სერგო ქალაქ თელავიდან თან რეალური პიროვნებაა და თან კრებითი სახელია იმ ადამიანებისა, რომლებიც ევროინტეგრაციის მიმართულებით ინფორმაციულ შიმშილს განიცდიან.

გერმანიაში მმართველი კოალიციის პარტიების: CDU -სა და CSU- ს ცალკეული პოლიტიკოსები სკეპტიკურად არიან განწყობილნი, რამდენად გონივრულია საქართველოსთვის ვიზალიბერალიზაციის მინიჭების თაობაზე ევროკომისიის გეგმა. მათ არგუმენტად მოჰყავთ ქართული კრიმინალური დაჯგუფებების მზარდი მასშტაბი და გავლენები ევროპაში, ამასთან, საქართველოს მოქალაქეების მიერ ლტოლვილის სტატუსის ბოროტად გამოყენების ტენდენციად ქცეული ფაქტები. ეს არგუმენტები რეალობაში საფუძველს მოკლებული როდია, მაგრამ სწორედ ამ თემის წამოწევა საქართველოს სახელმწიფოსათვის ეგზისტენციალურად მნიშვნელოვანი საკითხის გადამწყვეტ ფაზაში აღაშფოთებს ქართულ საზოგადოებას:

„სურსათის უვნებლობა ევროკავშირმა რომ არ მოგვთხოვოს, ისე არ უნდა გვქონდეს“? - ეს რეპლიკა მესტიაში ჯერ კიდევ “გაუხურებელი” ტრენინგის მიმდინარეობის დროს ადგილობრივმა ზაზა დევდარიანმა “გვესროლა”.

პილოტმა დაშვება გამოაცხადა. ქვევით თვალი მომჭრა აღმოსავლეთსა და უდაბნოს კლიმატისთვის უჩვეულო სიმწვანემ, რომელიც თელ-ავივის აეროპორტის ზოლამდე მთელი 20 წუთის განმავლობაში არ დასრულებულა. გაოცებამ დროებით გადამავიწყა „აირზენას“ ღარიბული, უგემური მენიუ და ლამაზი, მაგრამ უჟმური და მოძველბიჭო სტიუარდესა. - ყვავის ყველაფერი, - მითხრა სიამაყით გვერდით მჯდომმა შუახნის მამაკაცმა, რომელიც საქართველოდან ისტორიულ სამშობლოში ღრმა ბავშვობაში გადასახლდა.

ცოტა ხნის წინ გავრცელდა ინფორმაცია "ჩერნომორენერგოს" დირექტორის, ასლან ბასარიას განცხადების შესახებ, რომელსაც ენგურჰესის დირექტორის ლევან მებონიაც ადასტურებს და რომლის მიხედვით ენგურჰესის მიერ გამომუშავებული არცერთი კილოვატი ამ ეტაპზე საქართველოს არ მიეწოდება და მთლიანად აფხაზეთს მიაქვს, ხოლო ზამთრისა და გაზაფხულის პერიოდში წაღებული ელექტროენერგიის რაოდენობა გამომუშავებულის 80%-ს შეადგენს.

არავის უკვირს ის ფაქტი, რომ რადიკალური ისლამის წარმომადგენელები მკაცრად აკრიტიკებენ დემოკრატიას, რადგან ის შარიათის სულთან შეუთავსებელ პოლიტიკურ პრაქტიკად, ზნეობრივი გარყვნილებისა და ქაოსის წყაროდ მიაჩნიათ. საკვირველი ისაა, რომ დემოკრატიას რელიგიის სახელით ქრისტიანებიც არ წყალობენ.

გასული წლის ბოლოს საქართველოს გაზმომარაგების გაზრდის საკითხმა არათუ აქტუალურობა შეიძინა, არამედ გადააჭარბა ყველანაირ მოლოდინს და უკვე ერთგვარ მძაფრსიუჟეტიან სერიალად იქცა “გაზპრომის” მთავარ როლში მონაწილეობით.

ქართველ მორწმუნეთა და სასულიერო პირთა გარკვეულ წრეში სიტყვა „ლიბერალიზმი“ ძალიან უარყოფითი რენომეთი სარგებლობს. ჩემი აზრით, ამას სამი უმთავრესი მიზეზი აქვს. პირველი, ესაა რუსული რელიგიური ლიტერატურა, რომლებიც „რომის მესამე იმპერიის“ სულისკვეთების მქონე ავტორების მიერაა დაწერილი, რომლებსაც ყველანაირი ლიბერალური აზრი, რომელიც ეჭვის ქვეშ აყენებს რუსული იმპერიის მართლმადიდებლურ მისიას, თავად მართლმადიდებლობის საწინააღმდეგო ძალად მიაჩნიათ; მეორე, ზოგიერთი ლიბერალის აგრესიული, ანტიეკლესიური პოზიცია, რომელიც სულაც არ გამომდინარეობს კლასიკური პოლიტიკური ლიბერალიზმის ბუნებიდან და აქედან გამომდინარე, თავად ამ ლიბერალის ბრალია და არა ლიბერალიზმის; მესამე, ზოგადად ლიბერალიზმის მოწინააღმდეგენი კარგად არ იცნობენ კლასიკური, პოლიტიკური ლიბერალიზმის ბუნებას.

ახალციხის რაიონში მცხოვრებ ერთ-ერთ მეფუტკრეს, რომელიც ევროპაში ქართული თაფლის ექსპორტისთვის საჭირო მოთხოვნებზე ინფორმაციას ეძებდა, სურსათის ეროვნულ სააგენტოში "ურჩიეს", რომ ევროკავშირში თაფლის შეტანაზე ფუჭ ოცნებას თავი დაანებოს და ცოტა უფრო პრაგმატულ-მიწიერი საქმით დაკავდეს.

ახლო აღმოსავლეთსა და სირიაში შექმნილი ვითარება შედეგია ცივილიზაციურ - რელიგიური კონფლიქტების გაღვივების, რომლებიც ემყარება საუკუნეების მანძილზე ჩამოყალიბებულ ეთნო-რელიგიურ რწმენებს და რომელთა გაღვივება ხდება გლობალური და რეგიონული პროცესების ფონზე.

კოლონიალიზმის ეპოქაში ევროპელები ცდილობდნენ ანდებში ოქროს ქალაქისთვის მიეგნოთ, მაგრამ ელდორადოც და ინკების პაიტიტიც მხოლოდ ლეგენდად დარჩა, ისევე როგორც საყდრისის 5-ათასწლოვანი მაღარო, რომლის შესახებაც უკვე ვეღარაფერს შევიტყობთ.

ხანგრძლივი დავა ე.წ. მოსმენების კანონთან დაკავშირებით დასრულებულია, ვეტოც დაძლეულია და დიდი ძმაც მზადყოფნაშია, რომ მუდამ გვიყუროს, გვისმინოს და განაჩენი გამოიტანოს.

მრავალი ქვეყნის გამოცდილების მიხედვით, სწორედ სადაზღვევო სფეროა ის სეგმენტი, რომელსაც შეუძლია რომ თავისი შემოსავლებიდან საგზაო უსაფრთხოებისთვის დაფინანსება გამოყოს და ეს თანხა ტრანსპარენტულად დახარჯოს გზების კეთილმოწყობასა და საგზაო უსაფრთხოებაზე მიმართულ სხვა კონკრეტულ პროექტებზე.

პირველად გადავწყვიტე ნახევრად პირადული და შეიძლება ცოტა არ იყოს თვითმაამებლური ჩანაწერის გასაჯაროება

უჩა სეთური, ინფორმაციის თავისუფლების განვითარების ინსტიტუტის (IDFI) ექსპერტი

"მორიგი ბლეფი" - ასე აფასებდნენ დღეს პროგრამას "აწარმოე საქართველოში"

სტრატეგიულად მნიშნელოვანი გეოგრაფიული მდებარეობის გამო საქართველოს მთელს კავკასიაში და მის ფარგლებს გარეთაც საკვანძო სატრანზიტო ფუნქცია აკისრია. ამის გამო, სატრანსპორტო ინფრასტრუქტურის და სატრანსპორტო საშუალებების გაუმჯობესება აუცილებელი წინაპირობაა ქვეყნის ეკონომიკური და სოციალური განვითარებისთვის.

ევროპასთან ასოცირების შესახებ შეთანხმებაში განსაკუთრებული ყურადღება ექცევა სატრანსპორტო საშუალებების უსაფრთხოების პირობების დაცვას: ავტომობილის გამართულობას, მძღოლების კვალიფიკაციას და მათ მიერ სამუშაო და დასვენების საათების მკაცრ დაცვას.

ერთხელ ერთმა ჩემმა ნაცნობმა ჟურნალისტმა, რომელიც შარშან კოლუმბიის უნივერსიტეტის ტრენინგზე გავიცანი, სოციალურ ქსელ Twitter-ზე დაწერა, რომ ამერიკის შეერთებული შტატების მადლობელია, რადგან მან, ნეპალელი ემიგრანტების შვილმა, მისი წილი ამერიკული ოცნება უკვე აიხდინა.

ადვოკატირება

შეხვედრა საღამოს 6 საათზე , www.eugeorgia.info-ს ოფისში დავნიშნეთ. ჩვენი ჯგუფი პირველად უნდა შეხვედროდა ახალციხის რაიონში, სოფელ ანდრიაწმინდაში მცხოვრებ მეყველეს - გალინა ინასარიძეს და მის შვილს - რუსლანს. თავდაპირველად, შეხვედრის მიზანი ერთმანეთის გაცნობ

"კვლევითი ჟურნალისტიკის და ადვოკატირების ცენტრი" ახორციელებს პროექტს, რომლის ფარგლებშიც ვეხმარებით მცირე და საშუალო ბიზნესს

რჩეული სტატიები

ევროკავშირში 1 კგ ბიო ჟოლოს საცალო ფასი 100 ევროს აჭარბებს, თუმცა, როცა კენკრის ბაღის გაშენება გადაწყვიტა, გიორგი კორელი, ძირითადად, მაინც ადგილობრივი ბაზრით მოიხიბლა. როგორც ახალგაზრდა ფერმერი ამბობს, ჟოლო საქართველოში საკმაოდ მოთხოვნადი პროდუქტია და ყოვ

ამერიკული ლურჯი მოცვი, რომელიც გურიისა და აჭარის მაღალმთიანეთის კლიმატურ პირობებს კარგად შეეგუა, უნიკალური თვისებების გამო მსოფლიო ბაზარზე დიდი მოთხოვნით სარგებლობს. საქართველოში მოყვანილი 12 ტონა ლურჯი მოცვი დიდი ბრიტანეთის ბაზარზე წელს პირველად შევიდ

ევროკავშირის წარმომადგენლებმა საქართველოში თაფლის წარმოების ინდუსტრია შეამოწმეს და მიიჩნიეს, რომ სწორედ თაფლია ის ერთ-ერთი სტრატეგიული პროდუქტი, რომელსაც თხილისა და ღვინის კვალდაკვალ ევროკავშირის ბაზარზე შესვლის რეალური პერსპექტივა აქვს.

ღრმა და ყოვლისმომცველი თავისუფალი სავაჭრო სივრცის შესახებ შეთანხმება (DCFTA) პირველი სექტემბრიდან შევიდა ძალაში, რაც იმას ნიშნავს, რომ ევროკავშირიდან შემოტანილ და საქართველოდან ექპორტირებულ 9 ათასზე მეტი დასახელების პროდუქციაზე საბაჟო გადასახადი გაუქმდა

პაატა მოგელაშვილს ხეხილის ბაღი 20 ჰა-ზე გორის რაიონის სოფელ ვარიანში აქვს გაშენებული. მეურნეობას უკვე რამდენიმე წელია ძმებთან ერთად უძღვება. ბაღი გააახლეს - "სინაფის" და "ჩემპიონის" ვაშლის ნერგები თანამედროვე ჯიშებით - "გრანი სმიტით", "ჯონათი" და "გოლდენ

ევროკავშირში თავისუფალი გადაადგილება, გარანტირებული სამუშაო თუ ევროპულ უნივერსიტეტებში სწავლის გაგრძელების შესაძლებლობა? მითები არამხოლოდ ევროკავშირთან ასოცირების შეთანხმებაზე, არამედ ვიზის ლიბერალიზაციასთან დაკავშირებითაც არსებობს. ევროპაში თავისუფლად გ

ევროკავშირი სოფლად მცხოვრები მოსახლეობისთვის ახალ საგრანტო პროგრამას იწყებს. ევროპის სამეზობლო პროგრამა სოფლის მეურნეობისა და სოფლის განვითარებისთვის - ENPARD-ის ფარგლებში დაფინანსებას მიიღებს ის, ვისაც სოფლად აგროწარმოების ალტერნატიული ეკონომიკური საქმი

ექსკლუზიური ინტერვიუ დიმიტრი მანჯავიძესთან, რომელიც არის ერაყში, კერძოდ, ბაღდადსა და ერბილში გაეროს ოფისის საარჩევნო მისიის უფროსი ოფიცერი.

ქალი მეწარმეების ხელშეწყობის მიზნით, ევროპის რეკონსტრუქციისა და განვითარების ბანკი საქართველოში ახალ პროგრამას იწყებს. EUGeorgia.info დაინტერესდა, რამდენად ხელსაყრელია პირობები და რას ფიქრობენ პროგრამასთან დაკავშირებით თავად ქალი მეწარმეები.

ის blackhat hacker-ი იყო, ე. წ. შავი ქუდი - ის, ვინც კომპიუტერებს და ვებგვერდებს ტეხავს. სპეცსამსახურების ყურადღების ცენტრშიც სწორედ თავისი ნიჭის წყალობით მოხვდა. 16 წლის ასაკში კონსტიტუციური უსაფრთხოების დეპარტამენტის (კუდ) მაღალჩინოსანი იყო. მიხვდით ალ

banner
banner
banner
banner