banner
02 აპრილი 2019 | 18:50 სოფლის მეურნეობა

კენკრის მწარმოებლებს შესაძლოა წლევანდელი მოსავლის შენახვის პრობლემა გაუჩნდეთ

კენკრის მწარმოებლებს შესაძლოა წლევანდელი მოსავლის შენახვის პრობლემა გაუჩნდეთ

 

კენკრის მწარმოებლებისთვის მოსავლის დროულად რეალიზაცია პირველი რიგის ამოცანაა. იმის გამო, რომ კენკრა მალფუჭებადი პროდუქტია, მისი რეალიზაცია მოკრეფის შემდეგ მალევე უნდა მოხდეს, წინააღმდეგ შემთხვევაში ის ფასს კარგავს და ფერმერიც ზარალს განიცდის. ამიტომ დანაკარგებისგან თავის დაზღვევის მიზნით, ქართველმა მწარმოებლებმა კენკრის გაყინვაზე დაიწყეს ფიქრი.

საქართველოში კენკრა უმეტესად მცირე მეურნეობებში მოჰყავთ. კენკრის ბაღების დიდი ნაწილი 1 ჰექტრამდე ფართობზეა განლაგებული. ამ კატეგორიის მწარმოებლებისთვის მოსავლის საკუთარი ხარჯებით ტრანსპორტირება და სავაჭრო ქსელში შეტანა, დიდ ხარჯებს უკავშირდება, ამიტომ მათ ურჩევნიათ შემსყიდველს საკუთარ ბაღში დაელოდონ და კენკრა ადგილზე გაყიდონ. თუმცა, თუ შემსყიდველი ბაღში მისვლას დააგვიანებს, მოკრეფილი კენკრა გაფუჭდება და ფერმერი შემოსავლის დიდ ნაწილს დაკარგავს.

წინა წლების გამოცდილებამ მწარმოებლებს აჩვენა, რომ აუცილებელია მოკრეფილი ხილი ცივად, სპეციალურ მაცივრებში შეინახონ და მყიდველს მშვიდად დაელოდონ. თუმცა, მაცივრის შეძენის საშუალება მათ უმრავლესობას არ აქვს. ზოგიერთმა მათგანმა უკვე დაიწყო ფიქრი გაერთიანებაზე, რათა მაცივარი საერთო ფინანსებით შეიძინონ, მოსავალი შეინახონ და მაშინ გაყიდონ, როცა ბაზარზე რეალიზაციისთვის ხელსაყრელი პერიოდი იქნება.

უცხოეთში უკვე დიდი ხანია მწარმოებლები კენკრის შესანახად ე.წ. გაგრილების ოთახებს იყენებენ, სადაც ხილს მოკრეფისთანავე ათავსებენ. ამ ტიპის სისტემებს უმეტესად შედარებით მცირე ზომის საოჯახო მეურნეობები იყენებენ, ვინც მოსავლის ტრანსპორტირებას და სავაჭრო ქსელში შეტანას თავად არ ან ვერ ახდენენ და ამჯობინებენ, შემსყიდველს ადგილზე დაელოდონ.  


რა არის გაგრილების ოთახი?

როგორც სახელიც მიუთითებს, ეს არის ოთახში, რომელიც იზოლირებულია და აღჭურვილია სამაცივრო დანადგარებით. კენკრა რომ ძლიერად გაცივდეს ან გაიყინოს, ამისთვის უფრო დიდი მაცივარია საჭირო. გაგრილების ოთახს კი ხილის მცირე დროით შესანახად იყენებდნენ, რომ მოკრეფილი მოსავალი, რომელიც თბილია, გაცივდეს და შემდეგ ასევე ცივად შენარჩუნდეს. გაგრილების ოთახი ისე უნდა იყოს მოწყობილი, რომ ჰაერის ნაკადი იოლად მოძრაობდეს კონტეინერებს შორის და თითოეული ნაყოფი გააცივოს. ასეთი ოთახი ნელი გაგრილების მეთოდად ითვლება და საკმაოდ ეფექტურია. არსებობს უფრო ინტენსიური გაგრილების სისტემებიც, სადაც ჰაერის უფრო მძლავრი ნაკადები მოძრაობს და გაგრილების პროცესი დაჩქარებულია. სისტემის გაგრილების მაჩვენებელი და ეფექტურობა დამოკიდებულია რამდენიმე ფაქტორზე: 1) ტემპერატურის სხვაობა ხილსა და ცივი ჰაერს შორის; 2) ჰაერის ნაკადის სიჩქარე; 3) ხილთან ცივი ჰაერის მიღწევადობაზე. გაგრილების არაეფექტური სისტემა გაზრდის საოპერაციო ხარჯს და ამცირებს ხილის ხარისხს, ამიტომ ის სწორად უნდა მუშაობდეს.

კახეთში რამდენიმე ფერმერმა გაგრილების ოთახის მოწყობაზე მუშაობა უკვე დაიწყო


„გაგრილების ოთახი სიახლეა ჩვენთვის. ჯერ არ ვიცით, რა სისტემით უნდა მოეწყოს ოთახი, კენკრის შენახვის ოპტიმალური ტემპერატურა რა არის, ტენიანობა რა დონეზე უნდა შენარჩუნდეს. თუ ცივ ოთახში მზეზე გაცხელებულ მაყვალს შევიტან, წყლის წვეთები გაუჩნდება, რაც მაყვლის პირველი მტერია. ამისთვის ტექნოლოგი მჭირდება, რომელიც ქვეყანაში არ გვყავს. ვინმეს რომ დავუჯერო, შეიძლება შეცდომით გავაკეთო და დავიღუპო. თუმცა, ის ზუსტად ვიცი, რომ გაგრილების სისტემა აუცილებლად გვჭირდება, სადაც კენკრას ერთი კვირა- ან 10 დღე გავაჩერებ. დისტრიბუტორმა მოსვლა რომ დააგვიანოს ან სანამ ექსპორტზე გავიტან, მოკრეფილი მოსავალი რომ არ გაფუჭდეს. ეს სჭირდება ყველას, ვისაც მოზრდილი ნაკვეთი აქვს. ჩვენ ნაკვეთში ელექტროენერგია არ არის, ამიტომ გადავწყვიტეთ მაგისტრალთან ახლოს ვიყიდოთ მიწის ნაკვეთი, სადაც გაგრილების ოთახს მოვაწყობთ. ვფიქრობთ, რამდენიმე მეწარმემ ერთობლივად გავაკეთოთ”, -ამბობს ფერმერი ელისო ღვინიაშვილი, რომელსაც მაყვალი გურჯაანში მოჰყავს.

„სამაცივრე, სადაც მოკრეფილ კენკრას მივიტანთ და შევინახავთ, კახეთში არ არის. ათას კილოგრამ მაყვალს რომ მოვკრეფ, შეიძლება იმავე დღეს ვერ გავყიდო. საღამოს მაყვალი უკვე წვენის დენას იწყებს. მარწყვის და მაყვლის ნებისმიერ მწარმოებელს აქვს ეს პრობლემა. შარშან დისტრიბუტორები საკუთარი კონტეინერებით მოდიოდნენ, ვიცოდით, როდის უნდა ჩამოსულიყვნენ და მოკრეფილ ხილს ვახვედრებდით. წელს მეტი მოსავალი გვექნება. ვფართოვდებით, ახალ ნერგებს ვაშენებთ და მოსავალი მატულობს, ამიტომ შეიძლება რეალიზაცია სწრაფად არ მოხდეს. მოსავალი რომ არ გაფუჭდეს, მაცივარში უნდა შევინახოთ. რაღაც უნდა მოვიფიქროთ, გავერთიანდეთ და შევიძინოთ გაგრილების სისტემა, რომლითაც რამდენიმე ფერმერი ვისარგებლებთ. გავიგეთ, რომ მაცივარი და გაგრილების სისტემა სხვადასხვა რამ არის, მაგრამ ორივეს ყიდვას ჩვენ ვერ შევძლებთ. ყველაზე მეტად მაცივარი -მანქანა მინდა. ს მოძრავია, დატვირთავ და პროდუქტს ადგილზე მიიტან. თუ იმ დღესვე ვერ წაიღებ, მეორე დღეს შეავსებ. როგორც ვიცი, ასეთი მაცივრის ფასი 50 ათასი დოლარის ფარგლებშია. არის მეორადი მანქანებიც, რომელიც შეიძლება შევიძინოთ. ამ საკითხზე ჯერ შეთანხმებულები არ ვართ, მაგრამ აუცილებელად რომ გვჭირდება, ეს ცხადია”, -ამბობს ფერმერი ნანა ქანდაურაშვილი.  

საკუთარი მაცივარი უკვე აქვს კოოპერატივ „გეა”-ს, რომელიც ჟოლო გორში აწარმოებს. დანადგარი სტანდარტული საყინულე მაცივრის პრინციპით მუშაობს. კოოპერატივის წევრები მოსავლის უმეტეს ნაწილს ბაღებიდან ყიდიან, მორჩენილი კენკრა კი შეუძლიათ მაცივარში შეინახონ. თუმცა, მაცივარი წლის განმავლობაში მცირე დროით არის დატვირთული და უმეტესად ცარიელია. როგორც გორელი ფერმერები ამბობენ, ხილის ხანგრძლივად შენახვა მათთვის მომგებიანი არ არის.

„მაცივარში ჟოლოს -12-15 გრადუსზე ვყინავთ. ამ ტემპერატურაზე მისი შენახვა 8-9 თვე შეიძლება, მაგრამ ჟოლო ისეთი დეფიციტია ჩვენ ბაზარზე, რომ ამდენი ხნით არავინ აჩერებს. მოსავალს მაცივარში საშუალოდ ერთი კვირა ვინახავთ. ნაადრევი ჯიშის ჟოლო ჩვენთან ივნისში იკრიფება, მაგრამ მაგ დროს ფასი არ აქვს. ამიტომ სჯობს 2-3 თვე გააჩერო და მერე გაყიდო, როცა ფასი მაღლა აიწევს, მაგრამ ამ დროს სხვა პრობლემა ჩნდება. როცა კენკრა ძვირდება, მისი ფასი მაღაზიებს აღარ აწყობთ. გვინდა ჟოლო სავაჭრო ქსელში შევიტანოთ, სადაც უფრო კარგი ფასი აქვს, მაგრამ ვერ ვახერხებთ. „კარფურში” რომ შევიტანო, 10 ათასი ლარი წინასწარ უნდა გადავუხადო, „ორი ნაბიჯი” შარშან 5 ათას ლარს ითხოვდა, დახლზე ადგილი რომ დაეთმო. ასეთ თანხებს ჩვენ ვერ გადავიხდით და გვირჩევნია მოსავალი ბაღიდან იაფად გავყიდოთ. „კარფურში” იყიდებოდა გაყინული პოლონური კენკრა. იმას ჩემი ჟოლო სჯობია, მაგრამ ვერ შევიტან.

იტალიელები იყვნენ ჩამოსულები, რომლებსაც ჟოლოს ექსპორტზე გატანა უნდოდათ, მაგრამ მინიმუმ 50 ტონის მარაგს ითხოვდნენ. თანაც ეს 50 ტონა უნდა იყოს ზომით, ხარისხით ერთნაირი. ჩვენ კოოპერატივში 6 წევრია. სხვებიც შემოვიკრიბეთ და გაერთიანება შევქმენით, სადაც 35 ფერმერია ჩართული, მაგრამ ამ მოცულობას მაინც ვერ შევაგროვებთ. ჩემ პროდუქტზე გარანტიას ვიძლევი, რომ შეწამლული არ არის, მაგრამ სხვის მოსავალზე თავს ვერ დავდებ. ამ რაოდენობას ჩვენ ვერ შევაგროვებთ. ბევრი ხალხია საჭირო, ვინც საექსპორტო პროდუქციის მოყვანაზე იმუშავებს. ამჟამად ჩვენ მაცივარში 500-600 კილო კენკრის შენახვა შეიძლება, მაგრამ სრული დატვირთვით ვერ ვამუშავებთ, რადგან არასეზონზე რეალიზაციის პრობლემა გვაქვს”,- ამბობს კოოპერატივი „გეას” წევრი ნიკოლოზ ტატიშვილი.


მაყვლის გაგრილება

მაყვალი მგრძნობიარეა კლიმატური ცვლილებების მიმართ. სხვა სახეობის კენკრასთან შედარებით, შენახვის მოკლე ვადა აქვს, ამიტომ აუცილებელია მოკრეფილი ნაყოფის სწრაფად გაგრილება, რომ ნაყოფმა ცოცხალი სახე შეინარჩუნოს და მოსავლის დიდი ნაწილი არ დაიკარგოს. როგორც სხვა ხილი, მაყვალიც შთანთქავს ჟანგბადს და გამოყოფს ნახშირორჟანგს, ამიტომ ისეთ კონტეინერებში უნდა მოთავსდეს, სადაც ნაყოფი კარგად ნიავდება. სხვაგვარად გამოყოფილი ნახშირორჟანგი ნაყოფს გააფუჭებს. მოკრეფილი კენკრა არც ძალიან ცივ და არც ცხელ გარემოში არ უნდა მოხვდეს, რომ არ დალპეს. ის დროებით გაგრილების ოთახში უნდა მოთავსდეს, სანამ მაცივრებში გადაიტანენ. საოჯახო პირობებში მოკრეფილ მაყვალს ცოტა ხნით ძმრით გაზავებულ წყალში აჩერებენ, რაც სპორებს კლავს, შემდეგ კი წყლით რეცხავენ. ამან მოკრეფილ კენკრას ცოტა ხნით შეიძლება გაუხანგრძლივოს სიცოცხლე. თუ მოსავალი დიდია, ამ დროს უფრო გამართლებულია ინტენსიური გაგრილების მეთოდის გამოყენება, სადაც ცივი ჰაერის ცირკულაციის დონე მაღალია.


მარწყვის გაგრილება

ტემპერატურის მართვა არის ერთ ერთი ყველაზე მნიშვნელოვანი ფაქტორი მარწყვის შენახვისას. ნაყოფის დროულად გაგრილება და სწორად შენახვა ამცირებს დანაკარგს და მას ცოცხლად ინარჩუნებს. მოკრეფილი მარწყვისგან სწრაფად უნდა გამოთავისუფლდეს სითბო და 0°C -მდე უნდა გაგრილდეს. ასეთ პირობებში მაქსიმალურად მოხდება პროდუქციის შენარჩუნება და შენახვისა და ტრანსპორტირების დროს დანაკარგი ნაკლები იქნება. როგორც სპეციალისტები ამბობენ, თუ მარწყვის ტემპერატურა 0-დან 10 C -მდე მოიმატებს, მისი დაზიანების დონე მინიმუმ 2-ჯერ გაიზრდება. მუქი ფერის გამო, მარწყვი მზეზე გამოყოფს სითბოს და სწრაფად იწყებს გაფუჭებას. ამიტომ აუცილებელია მარწყვის მოსავლის 2, 4, 6 ან 8 საათიანი გაგრილება.


ჟოლოს გაგრილება

იმის გამო, რომ ჟოლოც მოკრეფის შემდეგ სწრაფად იწყებს გაფუჭებას, მნიშვნელოვანია, რომ გაყინვამდე მისი გაგრილება მოხდეს. ამისთვის აუცილებელია ტემპერატურისა და ტენიანობის სწორად დარეგულირება. ძალიან ცივმა ჰაერმა გაგრილების ოთახში შეიძლება ხილი დააზიანოს. ჟოლოსთვის ოპტიმალური ტემპერატურაა 0°C. ის საჭიროებს მაღალ ტენიანობას, ამიტომ ოთახში მისი დონე 90-95% უნდა იყოს. როგორც წესი, ჟოლოს გაგრილების ოთახში ორ-სამ დღეს აჩერებენ.


მოცვის გაგრილება

მოცვიც მოკრეფისთანავე უნდა გაგრილდეს. ოპტიმალური ტემპერატურა, რაც გაგრილების ოთახში უნდა იყოს, + 1°C -ია, თუმცა, უცხოეთის პრაქტიკა აჩვენებს, რომ +3-4°C შეიძლება საკმარისი იყოს. საჭიროა გაგრილების ოთახში ტემპერატურის და ტენიანობის მუდმივი კონტროლი. გაგრილების ოთახში მოცვის მოთავსება რეკომენდირებულია მოკლე პერიოდით, როცა მოსავალი გადაზიდვის მოლოდინშია.  


ავტორი: ნონა ქვლივიძე

სტატია მომზადებულია ლიეტუვას საგარეო საქმეთა სამინისტროს და „თანამშრომლობის განვითარების და დემოკრატიის ხელშეწყობის ფონდის" ფინანსური მხარდაჭერით. 





წაკითხულია
2963
ელ. ფოსტის გაგზავნა

ამავე თემაზე სტატიები არ მოიძებნა


ბლოგი

„კაპიტალი განსაზღვრავს წარმოებით ურთიერთობებს,“ – კარლ მარქსის ამ ზეცნობილი ფრაზით გილოცავთ კაპიტალიზმის კრიტიკოსებს თქვენი კერპის 200 წლის იუბილეს, და მსურს განვავრცო, რომ იდეოლოგიური განსხვავების მიუხედავად, არა თუ ვეთანხმები, მეტიც, მიმაჩნია, რომ სწორედ კაპიტალი უდევს საფუძვლად არა მხოლოდ წარმოებით, არამედ ნებისმიერი სახის ურთიერთობას სოციუმში, რომელიც პროგრესსა და განვითარებაზეა ორიენტირებული.

2019 წლამდე გადადოს საპენსიო რეფორმის დაწყება და მოამზადოს წინაპირობები კონსერვატიული (და არა სოციალურ-ლიბერალური) მოდელის შემოღებისთვის, იმ დათქმით, რომ დაგროვებითი და საბაზისო პენსიების სქემები ყოველთვის ერთმანეთის პარალელურად იარსებებს

40-წუთიანი დამქანცველი ჯანჯღარის შემდეგ, მწვერვალზე სრულიად ახალი, თვალუწვდენელი სივრცე გადაიშალა ჩვენს თვალწინ, როდესაც სოფელ გოგაშენში ამოვაღწიეთ

ახალქალაქს მორიგი დაგეგმილი ტრენინგის ფარგლებში ვესტუმრეთ. ამ ნაყოფიერ მიწაზე მშრომელი ფერმერები ცხოვრობენ. სწორედ აქ მოდის ქართულ ბაზარზე არსებული კარტოფილის, ბოსტნეულისა და მარცვლეულის დიდი ნაწილი. ბოლო პერიოდში ჩვენ მიერ ჩატარებული ტრენინგებიდან ეს შეხვედრა ყველაზე ინტერაქციული აღმოჩნდა. გამაკვირვა მათმა ცხოველმა ინტერესმა სიახლისადმი. ისინი მაქსიმალურად ცდილობდნენ მათთვის საინტერესო საკითხზე მიეღოთ რაც შეიძლება მეტი ინფორმაცია.

გასულ კვირას მაკედონიაში ნაციონალისტურად განწყობილ ადამიანთა ჯგუფი პარლამენტშიშეიჭრა. 200-კაციანი ბრბო, რომელთა შორისნიღბიანი მამაკაცები იყვნენ, სასტიკად გაუსწორდაწამყვანი მაკედონიური ოპოზიციურიპარტიის და ეთნიკური ალბანელების პარტიის ლიდერებს, მათ შორის ქალბატონს. ეს ორი პარტია აპირებდა ახალი უმრავლესობის შექმნას მაკედონიის პარლამენტში, რომლის სპიკერად ეთნიკურად ალბანელი პოლიტიკოსი აირჩიეს. პარლამენტში შეჭრილები, რომლებიც ქვეყნის ყოფილი პრემიერ-მინისტრისმომხრეები იყვნენ, ამ ფაქტის ასეთი სისხლიანი გზით ჩაშლას ცდილობდნენ.

მარტვილის რაიონის გამგებლის მოადგილე ყველაზე ძლიერ ოპონირებას გვიწევდა. მისი პირველივე ქმედება „ჰაკა“-ს ჰგავდა, რომელსაც გააფთრებული ახალზელანდიელი მორაგბეები მოწინააღმდეგე გუნდის მორალურად გასატეხად იყენებენ.

კონფლიქტის დაწყებიდან მეექვსე წელს ამერიკის შეერთებულმა შტატებმა ჩაურევლობის პოლიტიკა დაარღვია და ასადის რეჟიმის წინააღმდეგ იერიში პირველად 7 აპრილს, გამთენიისას მიიტანა.

ესტონური წარმატებული პოტიკის მაგალითების მოძიება შესაძლებელია თითქმის ნებისმიერ სფეროში, დაწყებული სახელმწიფო მმართველობიდან, დამთავრებული განათლების პოლიტიკით.

უცხო ქვეყნების კანონებისა თუ რეფორმების კოპირება განვითარების ერთი-ერთი პოპულარული და საქართველოშიც ხშირად გამოყენებადი რეცეპტია. ლოგიკა მარტივია - „საჭირო არ არის ველოსიპედის ახლიდან გამოგონება“. თუმცა, ეს მიდგომა ხშირად არ ამართლებს.

ევროკავშირთან სავაჭრო სივრცის გაფართოების შედეგად ყველა მოსალოდნელი დადებით ეფექტი მიიღწევა გრძელვადიან პერიოდში (5-10 წელიწადი), ხოლო ხარჯების გაღება გვიწევს დღეს, რათა შესაბამისობაში მოვიდეთ ევროკავშირის კანონმდებლობასთანდა საბაზრო მოთხოვნებთან. ისედაც დაძაბულ სოციალურ და პოლიტიკურ ფონზე ამან შესაძლოა საფრთხე შეუქმნას რეფორმების წარმატებით განხორციელებას. შესაბამისად, დაახლოების პროცესი უნდა იყოს თანმიმდევრული და პრიორიტეტები გათვლილი ისე, რომ ბიზნესს ჰქონდეს ზრდის სტიმული; ასევე, მნიშვნელოვანია ექსპორტზე ორიენტირებული დარგების კონკურენტუნარიანობის ამაღლება წახალისდეს. მეორე მხრივ, საქართველოში ევროკავშირის სტანდარტების დანერგვა მეწარმეობასა და ზოგადად ქვეყნის საინვესტიციო სივრცეში პირდაპირი უცხოური ინვესტიციების მოზიდვას და ევროპულ ბაზარზე წვდომას ხელს შეუწყობს. DCFTA-ს სარგებლის სრულად ასათვისებლად, ასევე, აუცილებელია სამუშაო ძალის ბაზრის ცვლილება, რომელიც ამჟამად თავმოყრილია ძირითადად დაბალმწარმოებლურ დარგებში.

მე ძალიან კარგად არ ვიცნობ მაგამედ სარიევს. მაქსიმუმ ორჯერ შევხვედრივარ, პირველად მარნეულში და მეორედ ერთი კვირის წინ გარდაბნის მუნიციპალიტეტში ამჯერადაც ევროკავშირთან სავაჭრო ხელშეკრულების (DCFTA) შესაძლებლობების შესახებ ტრეინინგზე. მაგამედი არც ოლიმპიური ჩემპიონია და მისი ფოტოები არც საჯარო თავშეყრის ადგილებშია გამოფენილი, თუმცა ის რომ საუკეთესო მოქალაქეა, ამ ფაქტს წყალი არ გაუვა!

კეთილდღეობის ეკონომიკის ერთ-ერთი პრინციპია, რომ ზოგიერთ გადასახადს შესაძლოა უკუგავლენა ჰქონდეს ინდივიდების მოტივაციაზე- შექმნან დოვლათი. თუმცა, თუ გადასახადებიდან მიღებული თანხა საკმარისი არ არის ხარისხიანი ინფრასტრუქტურისა და საჯარო სერვისების დასაფინანსებლად, ამანაც შეიძლება დააზარალოს ეკონომიკა.

ინსტიტუტების განვითარებას არა მარტო პროფესიონალების, პოლიტიკური და ეკონომიკური ელიტების სწორად მიმართული შრომა და გადაწყვეტილებები, არამედ მოსახლეობის დამოკიდებულებებისა და ფასეულობების შეცვლაც სჭირდება.

ფერმერებთან ჩვენი შეხვედრის დროს სულიად მოულოდნელად აღმოვაჩინეთ მსმენელებს შორის ორი “თინეიჯერი” ბიჭი; მომავალი ფერმერები მამასთან ერთად გამალებით იწერდნენ პრეზენტაციის დროს მიწოდებულ ყველა ინფორმაციას თაფლის წარმოების არსებული შესაძლებლობების, პრობლემებისა და გამოწვევების შესახებ.

მას შემდეგ, რაც საქართველომ დამოუკიდებლობა მოიპოვა, მთავრობები, პოლიტიკური პარტიები, ექსპერტები, თუ იდეოლოგები გვპირდებიან საქართველოს ეკონომიკურ გაბრწყინებას, რეცეპტად კი ბორჯომის გაყიდვიდან დაწყებული დაბალი გადასახადებით დამთავრებული არაერთ იდეას თუ თეორიას ასახელებენ. ასე გრძელდება 25 წელია და, მართალია, 90-იანი წლების სიდუჭირიდან მოსახლეობის დიდი ნაწილი გამოვიდა, გაბრწყინებამდე ჯერ კიდევ ბევრი გვიკლია.

გუგენჰაიმში აგნეს მარტინმა, MoMA-ს თანამედროვე ხელოვნების ფილიალმა (PS1) ნიუ-იორკში, ჩიკაგოს ხელოვნების ინსტიტუტმა და ჩიკაგოს თანამედროვე ხელოვნების მუზეუმმა კიდევ ერთხელ დამარწმუნა, რომ არ არსებობს გამოხატვის უღირსი საგნები, აღქმები, მოვლენები თუ ამ მოვლენების ინტერპრეტაციები.

სამი წლის წინ ამერიკელმა ჟურნალისტმა ენ ბერნარდმა National Geographic-ისთვის მომზადებულ რეპორტაჟში შემდეგი სიტყვები დაწერა: „თუ დაეცემა დამასკო, დაეცემა სირიაც.“ ომის დაწყებიდან, თითქმის, ექვსი წლის თავზე პრეზიდენტ ბაშარ ალ-ასადის ციტადელად ქცეული სირიის დედაქალაქი გადარჩა, ხოლო ალეპომ, სიდიდით მეორე უძველესმა ქალაქმა და ომამდელი სირიის ბიზნესცენტრმა, დაცემა 2012 წლიდან (სამოქალაქო ომის დაწყებიდან ერთ წელიწადში) დაიწყო, თუმცა, მაინც ბევრს გაუძლო გარდა რუსეთის ავიაიერიშისა.

ციდან ალბათ ყველაზე კარგად ჩანს გერმანული რაციონალიზმი, მიწის და განახლებადი ენერგიიის ათვისება (გუშინ მხოლოდ მიუნხენიდან ფრანკფურტამდე მგზავრობისას 500-ზე მეტი ქარის წისქვილი დავთვალე), ტყის ფართობების და სასოფლო-სამეურნეო სავარგულების ეს რაღაც განსხვავებული სიმეტრიით მონაცვლეობა და, მთლიანობაში, ეს განსხვავებულად დავარცხნილი რელიეფი.

გაძვირებული საიმპორტო ავტომობილების ფასი (გამოწვეული აქციზის ზრდით), სავარაუდოდ, გაახანგრძლივებს საქართველოში არსებული ავტომობილების „ექსპლუატაციის“ ვადას. შესაბამისად, ტექნიკური შემოწმების შემოღების ვადებისა და პირობების გაურკვევლობის პირობებში, შესაძლოა, ტექნიკურად არც ისე სახარბიელო მგომარეობაში მყოფმა ქართულმა ავტოპარკმა გაიხანგრძლივოს მავნე აირებისა და უსიამოვნო ინდუსტრიული ხმების „გამობოლქვის“ პერიოდი.

В шестидесятые годы прошлого века Ферруччо получил от продажи тракторов бόльший доход, чем планировалось, и исполнил свою мечту: поставил в свой гараж новенькую «феррари». Вторая часть этой истории намного интереснее. «Феррари» не оправдала ожиданий Ферруччо. Ферруччо, не раздумывая, явился прямо к Энцо Феррари, чтобы обсудить недостатки машины, он высказал свое мнение и предложил помощь в решении проблем...

გასული საუკუნის სამოციან წლებში ფერუჩომ ტრაქტორების გაყიდვით დაგეგმილზე მეტი შემოსავალი მიიღო და ოცნებაც აისრულა: საკუთარ ფარეხში ახალთახალი «ფერარი» დააყენა. ამ ისტორიის მეორე ნაწილი გაცილებით საინტერესოა.

სადღეგრძელოებზე ჩემმა ბლოგმა იმაზე გაცილებით მეტი ვნებები და კონტრასტული რეაქციები გამოიწვია, ვიდრე ველოდი: მკვეთრად უარყოფითი ძირითადად უფროსი თაობის მხრიდან და მკვეთრად დადებითი ახალგაზრდა და საშუალო ასაკის ხალხის მხრიდან. მკვეთრად უარყოფითი დამოკიდებულების მქონე ადამიანებმა დაიწყეს პირადად ჩემი და ჩემი ქართველობის ლანძღვა კომენტარებში თუ პირად მიმოწერაში, ხოლო მკვეთრად დადებითი დამოკიდებულების მქონე ადამიანებმა -- ჩემი ქება მაღალი მოქალაქეობრივი თვითშეგნების გამო, რამაც გადამაწყვეტინა მეთქვა (ამჯერად უკვე საბოლოოდ), რატომ არ ვეთანხმები არცერთ მხარეს. როცა ვნებები დუღს, როგორც ამბობენ, ჭეშმარიტება ორთქლდება (არა, იმის თქმა არ მინდა, რომ მე ვიცი ჭეშმარიტება).

ბოლო შვიდი წელია ქართულ სუფრაზე არ ვყოფილვარ, სანამ გუშინ ძირითადად ახალგაზრდებისგან შემდგარ ჯგუფთან ერთად არწივის ხეობაში და ხორნაბუჯზე ლაშქრობის შემდეგ ერთ რესტორანში მათთან ერთად არ აღმოვჩნდი. მოკლედ, ამ ადამიანების ასაკმა და განათლებამ მაფიქრებინა, რომ ეს ხალხი არ დალევდა იმ სადღეგრძელოებს, რის გამოც ქართულ სუფრებს გავურბივარ. მოლოდინი არ გამართლდა. ამ სუფრაზეც შეისვა „საქართველოს გაუმარჯოს”, ჩვენი სიყვარულის (იგულისხმება სუფრაზე მსხდომნი), მეგობრობის და ხვალინდელი დღის სადღეგრძელოები. ამ სადღეგრძელოებს გვთავაზობდა ერთ-ერთი ჩვენი თანამოლაშქრე ბიჭი, რომელმაც თქვა მე თამადა არ ვარო, თუმცა ტრადიციული თამადისგან მხოლოდ იმით განსხვავდებოდა, რომ დალევას არ გვაძალებდა.

პანკისი - სტერეოტიპების მსხვერპლი ულამაზესი კუთხე

გამარჯობა, მინდა ეს ბლოგი დავწერო ქართული მატყლის პრობლემაზე და თხრობა დავიწყო ახლო წარულიდან, ასევე გაგაცნოთ მატყლის პრობლემის მოგვარების უელსური მოდელი.

უიმედო და არაინფორმირებული გურულები 6 ივლისს ლანჩხუთის მინუციპალიტეტის სოფელ ჯურუყვეთში ვნახე. არაინფორმირებული ევროინტეგრაციის პროცესებზე, უიმედო თავიანთი სოციალური მდგომარეობით.

აბორტის უფლება ერთ-ერთი მნიშვნელოვანი პოსტულატია ადამიანის უფლების კონვენციაში. გაეროს CEDAW-ს კომიტეტის დეკლარაციაში წერია: „გაეროს წევრმა ქვეყნებმა ხელი უნდა შეუწყოს ჯანდაცვის სფეროში ქალის მიმართ ყველანარი დისკრიმინაციის აღმოფხვრას, ქალის და კაცის უფლება თანაბრად უნდა იყოს დაცული და ქალებს უნდა ქონდეთ წვდომა ჯანდაცვის სერვისებზე, ოჯახის დაგეგმარების ჩათვლით“.

Brexit -ის მოწინააღმდეგები მოსახლეობას აფრთხილებდნენ უპირატესად ეკონომიკური შედეგების თაობაზე: ბრიტანეთის ფინანსთა სამინისტროს პროგნოზით, Brexit-ის შემდგომ ყოველი ბრიტანული ოჯახი 4300 ფუნტს დაკარგავს წელიწადში 2020 წლისათვის იქნება სავარაუდოდ, 100 მილიარდი ფუნტის ეკონომიკური ზარალი. 950 000 სამუშო ადგილს შეექმნება საფრთხე. პროფესიული გაერთიანებების ვარაუდი უფრო დრამატულია: 4 მილიონი სამუშაო ადგილი საფრთხის ქვეშაა, განსაკუთრებით კი, ექსპორტთან დაკავშირებულ სფეროებში, საავტომობილო და ქიმიურ ინდუსტრიაში. ბევრი ფირმა კონტინენტურ ევროპაში გადავა. შემცირდება პირდაპირი ინვესტიციები.

ბატონი სერგო ქალაქ თელავიდან თან რეალური პიროვნებაა და თან კრებითი სახელია იმ ადამიანებისა, რომლებიც ევროინტეგრაციის მიმართულებით ინფორმაციულ შიმშილს განიცდიან.

გერმანიაში მმართველი კოალიციის პარტიების: CDU -სა და CSU- ს ცალკეული პოლიტიკოსები სკეპტიკურად არიან განწყობილნი, რამდენად გონივრულია საქართველოსთვის ვიზალიბერალიზაციის მინიჭების თაობაზე ევროკომისიის გეგმა. მათ არგუმენტად მოჰყავთ ქართული კრიმინალური დაჯგუფებების მზარდი მასშტაბი და გავლენები ევროპაში, ამასთან, საქართველოს მოქალაქეების მიერ ლტოლვილის სტატუსის ბოროტად გამოყენების ტენდენციად ქცეული ფაქტები. ეს არგუმენტები რეალობაში საფუძველს მოკლებული როდია, მაგრამ სწორედ ამ თემის წამოწევა საქართველოს სახელმწიფოსათვის ეგზისტენციალურად მნიშვნელოვანი საკითხის გადამწყვეტ ფაზაში აღაშფოთებს ქართულ საზოგადოებას:

„სურსათის უვნებლობა ევროკავშირმა რომ არ მოგვთხოვოს, ისე არ უნდა გვქონდეს“? - ეს რეპლიკა მესტიაში ჯერ კიდევ “გაუხურებელი” ტრენინგის მიმდინარეობის დროს ადგილობრივმა ზაზა დევდარიანმა “გვესროლა”.

პილოტმა დაშვება გამოაცხადა. ქვევით თვალი მომჭრა აღმოსავლეთსა და უდაბნოს კლიმატისთვის უჩვეულო სიმწვანემ, რომელიც თელ-ავივის აეროპორტის ზოლამდე მთელი 20 წუთის განმავლობაში არ დასრულებულა. გაოცებამ დროებით გადამავიწყა „აირზენას“ ღარიბული, უგემური მენიუ და ლამაზი, მაგრამ უჟმური და მოძველბიჭო სტიუარდესა. - ყვავის ყველაფერი, - მითხრა სიამაყით გვერდით მჯდომმა შუახნის მამაკაცმა, რომელიც საქართველოდან ისტორიულ სამშობლოში ღრმა ბავშვობაში გადასახლდა.

ცოტა ხნის წინ გავრცელდა ინფორმაცია "ჩერნომორენერგოს" დირექტორის, ასლან ბასარიას განცხადების შესახებ, რომელსაც ენგურჰესის დირექტორის ლევან მებონიაც ადასტურებს და რომლის მიხედვით ენგურჰესის მიერ გამომუშავებული არცერთი კილოვატი ამ ეტაპზე საქართველოს არ მიეწოდება და მთლიანად აფხაზეთს მიაქვს, ხოლო ზამთრისა და გაზაფხულის პერიოდში წაღებული ელექტროენერგიის რაოდენობა გამომუშავებულის 80%-ს შეადგენს.

არავის უკვირს ის ფაქტი, რომ რადიკალური ისლამის წარმომადგენელები მკაცრად აკრიტიკებენ დემოკრატიას, რადგან ის შარიათის სულთან შეუთავსებელ პოლიტიკურ პრაქტიკად, ზნეობრივი გარყვნილებისა და ქაოსის წყაროდ მიაჩნიათ. საკვირველი ისაა, რომ დემოკრატიას რელიგიის სახელით ქრისტიანებიც არ წყალობენ.

გასული წლის ბოლოს საქართველოს გაზმომარაგების გაზრდის საკითხმა არათუ აქტუალურობა შეიძინა, არამედ გადააჭარბა ყველანაირ მოლოდინს და უკვე ერთგვარ მძაფრსიუჟეტიან სერიალად იქცა “გაზპრომის” მთავარ როლში მონაწილეობით.

ქართველ მორწმუნეთა და სასულიერო პირთა გარკვეულ წრეში სიტყვა „ლიბერალიზმი“ ძალიან უარყოფითი რენომეთი სარგებლობს. ჩემი აზრით, ამას სამი უმთავრესი მიზეზი აქვს. პირველი, ესაა რუსული რელიგიური ლიტერატურა, რომლებიც „რომის მესამე იმპერიის“ სულისკვეთების მქონე ავტორების მიერაა დაწერილი, რომლებსაც ყველანაირი ლიბერალური აზრი, რომელიც ეჭვის ქვეშ აყენებს რუსული იმპერიის მართლმადიდებლურ მისიას, თავად მართლმადიდებლობის საწინააღმდეგო ძალად მიაჩნიათ; მეორე, ზოგიერთი ლიბერალის აგრესიული, ანტიეკლესიური პოზიცია, რომელიც სულაც არ გამომდინარეობს კლასიკური პოლიტიკური ლიბერალიზმის ბუნებიდან და აქედან გამომდინარე, თავად ამ ლიბერალის ბრალია და არა ლიბერალიზმის; მესამე, ზოგადად ლიბერალიზმის მოწინააღმდეგენი კარგად არ იცნობენ კლასიკური, პოლიტიკური ლიბერალიზმის ბუნებას.

ახალციხის რაიონში მცხოვრებ ერთ-ერთ მეფუტკრეს, რომელიც ევროპაში ქართული თაფლის ექსპორტისთვის საჭირო მოთხოვნებზე ინფორმაციას ეძებდა, სურსათის ეროვნულ სააგენტოში "ურჩიეს", რომ ევროკავშირში თაფლის შეტანაზე ფუჭ ოცნებას თავი დაანებოს და ცოტა უფრო პრაგმატულ-მიწიერი საქმით დაკავდეს.

ახლო აღმოსავლეთსა და სირიაში შექმნილი ვითარება შედეგია ცივილიზაციურ - რელიგიური კონფლიქტების გაღვივების, რომლებიც ემყარება საუკუნეების მანძილზე ჩამოყალიბებულ ეთნო-რელიგიურ რწმენებს და რომელთა გაღვივება ხდება გლობალური და რეგიონული პროცესების ფონზე.

კოლონიალიზმის ეპოქაში ევროპელები ცდილობდნენ ანდებში ოქროს ქალაქისთვის მიეგნოთ, მაგრამ ელდორადოც და ინკების პაიტიტიც მხოლოდ ლეგენდად დარჩა, ისევე როგორც საყდრისის 5-ათასწლოვანი მაღარო, რომლის შესახებაც უკვე ვეღარაფერს შევიტყობთ.

ხანგრძლივი დავა ე.წ. მოსმენების კანონთან დაკავშირებით დასრულებულია, ვეტოც დაძლეულია და დიდი ძმაც მზადყოფნაშია, რომ მუდამ გვიყუროს, გვისმინოს და განაჩენი გამოიტანოს.

მრავალი ქვეყნის გამოცდილების მიხედვით, სწორედ სადაზღვევო სფეროა ის სეგმენტი, რომელსაც შეუძლია რომ თავისი შემოსავლებიდან საგზაო უსაფრთხოებისთვის დაფინანსება გამოყოს და ეს თანხა ტრანსპარენტულად დახარჯოს გზების კეთილმოწყობასა და საგზაო უსაფრთხოებაზე მიმართულ სხვა კონკრეტულ პროექტებზე.

პირველად გადავწყვიტე ნახევრად პირადული და შეიძლება ცოტა არ იყოს თვითმაამებლური ჩანაწერის გასაჯაროება

უჩა სეთური, ინფორმაციის თავისუფლების განვითარების ინსტიტუტის (IDFI) ექსპერტი

"მორიგი ბლეფი" - ასე აფასებდნენ დღეს პროგრამას "აწარმოე საქართველოში"

სტრატეგიულად მნიშნელოვანი გეოგრაფიული მდებარეობის გამო საქართველოს მთელს კავკასიაში და მის ფარგლებს გარეთაც საკვანძო სატრანზიტო ფუნქცია აკისრია. ამის გამო, სატრანსპორტო ინფრასტრუქტურის და სატრანსპორტო საშუალებების გაუმჯობესება აუცილებელი წინაპირობაა ქვეყნის ეკონომიკური და სოციალური განვითარებისთვის.

ევროპასთან ასოცირების შესახებ შეთანხმებაში განსაკუთრებული ყურადღება ექცევა სატრანსპორტო საშუალებების უსაფრთხოების პირობების დაცვას: ავტომობილის გამართულობას, მძღოლების კვალიფიკაციას და მათ მიერ სამუშაო და დასვენების საათების მკაცრ დაცვას.

ერთხელ ერთმა ჩემმა ნაცნობმა ჟურნალისტმა, რომელიც შარშან კოლუმბიის უნივერსიტეტის ტრენინგზე გავიცანი, სოციალურ ქსელ Twitter-ზე დაწერა, რომ ამერიკის შეერთებული შტატების მადლობელია, რადგან მან, ნეპალელი ემიგრანტების შვილმა, მისი წილი ამერიკული ოცნება უკვე აიხდინა.

ადვოკატირება

შეხვედრა საღამოს 6 საათზე , www.eugeorgia.info-ს ოფისში დავნიშნეთ. ჩვენი ჯგუფი პირველად უნდა შეხვედროდა ახალციხის რაიონში, სოფელ ანდრიაწმინდაში მცხოვრებ მეყველეს - გალინა ინასარიძეს და მის შვილს - რუსლანს. თავდაპირველად, შეხვედრის მიზანი ერთმანეთის გაცნობ

"კვლევითი ჟურნალისტიკის და ადვოკატირების ცენტრი" ახორციელებს პროექტს, რომლის ფარგლებშიც ვეხმარებით მცირე და საშუალო ბიზნესს

რჩეული სტატიები

ევროკავშირში 1 კგ ბიო ჟოლოს საცალო ფასი 100 ევროს აჭარბებს, თუმცა, როცა კენკრის ბაღის გაშენება გადაწყვიტა, გიორგი კორელი, ძირითადად, მაინც ადგილობრივი ბაზრით მოიხიბლა. როგორც ახალგაზრდა ფერმერი ამბობს, ჟოლო საქართველოში საკმაოდ მოთხოვნადი პროდუქტია და ყოვ

ევროკავშირის წარმომადგენლებმა საქართველოში თაფლის წარმოების ინდუსტრია შეამოწმეს და მიიჩნიეს, რომ სწორედ თაფლია ის ერთ-ერთი სტრატეგიული პროდუქტი, რომელსაც თხილისა და ღვინის კვალდაკვალ ევროკავშირის ბაზარზე შესვლის რეალური პერსპექტივა აქვს.

ამერიკული ლურჯი მოცვი, რომელიც გურიისა და აჭარის მაღალმთიანეთის კლიმატურ პირობებს კარგად შეეგუა, უნიკალური თვისებების გამო მსოფლიო ბაზარზე დიდი მოთხოვნით სარგებლობს. საქართველოში მოყვანილი 12 ტონა ლურჯი მოცვი დიდი ბრიტანეთის ბაზარზე წელს პირველად შევიდ

ევროკავშირი სოფლად მცხოვრები მოსახლეობისთვის ახალ საგრანტო პროგრამას იწყებს. ევროპის სამეზობლო პროგრამა სოფლის მეურნეობისა და სოფლის განვითარებისთვის - ENPARD-ის ფარგლებში დაფინანსებას მიიღებს ის, ვისაც სოფლად აგროწარმოების ალტერნატიული ეკონომიკური საქმი

პაატა მოგელაშვილს ხეხილის ბაღი 20 ჰა-ზე გორის რაიონის სოფელ ვარიანში აქვს გაშენებული. მეურნეობას უკვე რამდენიმე წელია ძმებთან ერთად უძღვება. ბაღი გააახლეს - "სინაფის" და "ჩემპიონის" ვაშლის ნერგები თანამედროვე ჯიშებით - "გრანი სმიტით", "ჯონათი" და "გოლდენ

ღრმა და ყოვლისმომცველი თავისუფალი სავაჭრო სივრცის შესახებ შეთანხმება (DCFTA) პირველი სექტემბრიდან შევიდა ძალაში, რაც იმას ნიშნავს, რომ ევროკავშირიდან შემოტანილ და საქართველოდან ექპორტირებულ 9 ათასზე მეტი დასახელების პროდუქციაზე საბაჟო გადასახადი გაუქმდა

ევროკავშირში თავისუფალი გადაადგილება, გარანტირებული სამუშაო თუ ევროპულ უნივერსიტეტებში სწავლის გაგრძელების შესაძლებლობა? მითები არამხოლოდ ევროკავშირთან ასოცირების შეთანხმებაზე, არამედ ვიზის ლიბერალიზაციასთან დაკავშირებითაც არსებობს. ევროპაში თავისუფლად გ

1 კგ - 30 ლარი- ამ ფასად შეგიძლიათ იყიდოთ სატაცური წელს ქართულ საცალო ქსელებში. ცხოვრების დონის გათვალისწინებით, ბოსტნეულს თამამად შეუძლია დელიკატესებს შორის თავისი ადგილი დაიკავოს. თუმცა, როგორც ექსპერტები აცხადებენ, ფასს არც მისი თვისებები ჩამორჩება.

ქალი მეწარმეების ხელშეწყობის მიზნით, ევროპის რეკონსტრუქციისა და განვითარების ბანკი საქართველოში ახალ პროგრამას იწყებს. EUGeorgia.info დაინტერესდა, რამდენად ხელსაყრელია პირობები და რას ფიქრობენ პროგრამასთან დაკავშირებით თავად ქალი მეწარმეები.

„ღვინის პირველი პარტია დანიაში 2006 წელს გავიტანეთ. შემდეგ დანიას ინგლისი, საფრანგეთი, იტალია და შვედეთი დაემატა.

banner
banner
banner