საქართველოში საქონლის იდენტიფიკაციის ევროპული სისტემა იქმნება

საქართველოში ევროკავშირის სტანდარტების შესაბამისი ცხოველთა იდენტიფიკაციის, რეგისტრაციისა და მიკვლევადობის ეროვნული სისტემა (NAITS) შეიქმნება, - შესაბამის პროექტს დღეს სოფლის მეურნეობის მინისტრმა ლევან დავითაშვილმა,  FAO-ს წარმომადგენელმა საქართველოში, რაიმუნდ იელემ და შვეიცარიის თანამშრომლობის ოფისის რეგიონალურ დირექტორმა, ოლივიე ბურკიმ ხელი მოაწერეს.

ოთხწლიანი პროექტის ღირებულება 5 მილიონი დოლარია. მისი თანადამფინანსებელია სხვა დონორებთან ერთად ავსტრიის განვითარების სააგენტოა.

·        მსხვილფეხა და წვრილფეხა პირუტყვის იდენტიფიკაცია მთელი ქვეყნის მასშტაბით

·        იდენტიფიცირებულ ცხოველებზე შესაბამისი დოკუმენტის-პასპორტის გაცემა (სადაც მითითებული იქნება ცხოველის საკუთრების და გადაადგილების ისტორია და აღნიშნული იქნება ცხოველის საიდენტიფიკაციო კოდი)

·        უნიკალური, საიდენტიფიკაციო კოდის მინიჭება მეურნეობებისთვის, ფერმებისთვის,  ბაზრობებისთვის, სასაკლაოებსა და სასაზღვრო საინფორმაციო პოსტებისთვის.

·        ერთიანი ელექტრონული მონაცემების ბაზის შექმნა, სადაც მეცხოველეობის ფერმებისა და ცხოველების შესახებ მთელი ინფორმაცია მოიყრის თავს.