banner
25 ივლისი 2016 | 15:51 ეკონომიკა

ევროკავშირში ინდუსტრიული პროდუქტის ექსპორტის შემაფერხებელი მიზეზები და ტენდენციები ბაზრებზე

ევროკავშირში ინდუსტრიული პროდუქტის ექსპორტის შემაფერხებელი მიზეზები და ტენდენციები ბაზრებზე


სლოვენიის სასტუმროებში შესაძლოა მალე საქართველოში დამზადებული ტელევიზორები გამოჩნდეს. კომპანიამ AG Microelectronics უკვე დაიწყო მოლაპარაკებები ადგილობრივ კომპანიასთან, რომელიც სასტუმროებს ელექტროსაქონელს აწვდის. ევროპაში პროდუქტის გასატანად ემზადება კიდევ ერთი კომპანია “საქკაბელი”. ევროკავშირის ბაზარზე მოხვედრამდე, ექსპორტისთვის საჭირო ევროპულ სტანდარტებთან შესაბამისობის დამადასტურებელი სერტიფიკატის ასაღებად ორივე კომპანიას ევროკომისიაში ნოტიფიცრებული ლაბორატორიების მოწვევა მოუწევს, ვინაიდან საქართველოში ჯერ არ არსებობს შესაბამისობის შემფასებელი ორგანო, რომლის სერტიფიკატსაც ევროკავშირი უპირობოდ აღიარებდა.

ასოცირების შეთანხმება ერთგვარი იმპულსი გახდა AG Microelectronics-თვის, რომ LED ნათურებისა და ტელევიზორების წარმოება ევროკავშირის სტანდარტების შესაბამისად დაეწყო. ტელევიზორებს მიმდინარე წლის მაისიდან, LED ნათურებს კი დაახლოებით 10 თვეა ამზადებს. პროგრამის “აწარმოე საქართველოში” მხარდაჭერით კომპანიამ წარმოება გააფრთოვა და წლის განმავლობაში 1 მილიონამდე ნათურის დამზადება შეუძლია. ქართული LED ნათურებისა და ტელევიზორების მცირე პარტია აზერბაიჯანში უკვე გაიყიდა, შემდგომი ნაბიჯი ევროკავშირის ქვეყნებში გასვლაა.

“სლოვენურ კომპანიასთან საუბარია წლიურად დაახლოებით 30 ათასი ტელევიზორის მიწოდებაზე, ეს კომპანია კორპორატიულ კლიენტებზე მუშაობს, უკვე გავუგზავნეთ ჩვენი მონაცემები, შეთავაზება ტელევიზორებთან დაკავშირებით, რომ სასტუმროებისთვის საჭირო მოდელები დავუმზადოთ”,- ამბობს AG Microelectronics-ის ფინანსური დირექტორი სოსო მაზმიშვილი.

ევროკავშირის ბაზარზე მოსახვედრად პროდუქტს თან უნდა ახლდეს წარმოშობის სერტიფიკატი ანუ ევრო-1, იმისთვის, რომ თავისუფალი სავაჭრო შეთანხმებით გათვალისწინებული საბაჟო შეღავათებით ისარგებლოს. მაზმიშვილის თქმით, ტელევიზორებთან დაკავშირებით უჭირთ ევრო1-ის აღება, ვინაიდან, ნედლეული ძირითადად, აზიის ქვეყნებიდან (ჩინეთი, ტაივანი, ჰონგ-კონგი) შემოაქვთ, ევროკავშირი კი გამოყენებული ნედლეულის ფასის კრიტერიუმსაც ადგენს, რომლის მიხედვითაც საბოლოო მზა პროდუქციაში ევროკავშირის არაწევრ ქვეყანაში წარმოებული ნედლეული ღირებულებაში 50%-ს არ უნდა აღემატებოდეს.

“ნათურების წარმოებისთის ევრო1-ის სერტიფიკატი მიღებული გვაქვს, ტელევიზორების შემთხვევაში საკითხი უფრო რთულად დგას, იმიტომ რომ უნდა აკმაყოფილებდეს მზა პროდუქციაში გამოყენებული ნედლეულის ფასის კრიტერიუმსაც, ამიტომ ვცდილობთ მოვიძიოთ ევროკავშირში წარმოებული საჭირო ნედლეული ან გავაიაფოთ მოწოდებული ნედლეულის ღირებულება, იმისთვის, რომ საბოლოო პროდუქტში ევროკავშირის არაწევრ ქვეყნებში წარმოებული ნედლეული არ აცდეს 50%-ს ღირებულებაში”- ამბობს მაზმიშვილი.

თურქეთთან "დიაგონალური კუმულაცია", რომელიც ევროკავშირთან ასოცირების შეთანხმებაშია ჩადებული, საქართველოს საშუალებას აძლევს თურქეთიდან შემოტანილი ნედლეული ქართულ ნედლეულად ჩაითვალოს და მისი მეშვეობით დამზადებული პროდუქტი, როგორც ქართული პროდუქტი, ევროკავშირის ბაზარზე დაუბეგრავად გაიტანოს (შეთანხმება ჯერ მიღწეული არ არის, თურქეთთან მიმდინარეობს მოლაპარაკებები). თუმცა როგორც სოსო მაზმიშვილმა განცხადა, ტელევიზორების შემთხვევაში, მათთვის საჭირო ნედლეული არც თურქეთს აქვს.

ევროკავშირში ექსპორტისას, გარდა წარმოშობის სერტიფიკატისა, პროდუქტს თან უნდა ახლდეს უსაფრთხოებისა და CE-შესაბამისობის სერტიფიკატები. შესაბამისობის სერტიფიკატის მისაღებად სასერტიფიკაციო ორგანო ამოწმებს სტანდარტებთან შესაბამისი ტექნოლოგიით ხდება თუ არა წარმოება, გამოყენებულია თუ არა ევროკავშირში აკრძალული ნივთიერებები, სერტიფიცირებულ კომპონენტებს იყენებს თუ არა კომპანია, შემდეგ უკვე საბოლოო პროდუქტს ამოწმებს ხარისხობრივად- რამდენად შეესაბამება ისსტანდარტს.

კიდევ ერთი პრობლემა მეწარმეებს შესაბამისობის დამადასტურებელი სერტიფიკატის აღების პროცესში ექმნებათ. საქართველოში ელექტროპროდუქტებისთვის  მსგავსი სერტიფიკატის აღება ჯერჯერობით შეუძლებელია, ვინაიდან არ არსებობს ლაბორატორია, რომლის გაცემულ დოკუმენტსაც ევროკავშირი უპირობოდ აღიარებდა, მეწარმეებს ერთი გზა რჩებათ: მოიწვიონ ევროკომისიაში ნოტიფიცრებული შესაბამისობის შემფასებელი ორგანო, რომელიც შეიძლება ევროკავშირის არაწევრი ქვეყნიდანაც იყოს.

“როცა დადგება ტელევიზორის ექსპორტის საკითხი, მოგვიწევს რომელიმე ევროპულ ქვეყანაში ავიღოთ სერტიფიკატები, დაახლოებით, 20 ათასი ევროს ფარგლებში ეღირება ერთი ერთეულის შემოწმება. ციფრულ მაუწყებლობაზე გადასვლის დროს “სეტ ტოპ ბოქსებისთვის” ფინეთის ლაბორატორიაში მივიღეთ სერტიფიკატი. დღეს ჩვენთან ლაბორატორიის სრული აღჭურვა და მისი სერტიფიცირების ორგანოდ გადაქცევა ერთი მეწარმისთვის რთულია, ძალიან ძვირი დაჯდება, სახელმწიფოს კი შეუძლია შექმნას სასერტიფიკაციო ორგანო, რომელიც დასკვნებს გასცემს ევროკავშირისთვის, რომ იმ ბაზარზე მოხვედრა გაადვილდეს”,-ამბობს AG Microelectronics-ის ფინანსური დირექტორი.

ლაბორატორიის არარსებობა პრობლემას უქმნის ელექტროპროდუქტების მწარმოებელ კიდევ ერთ წამყვან კომპანიას “საქკაბელი”, რომელსაც ამჟამად ფრანგებთან აქვს მოლაპარაკებები, საფრანგეთში საკაბელო პროდუქციის შეტანაზე. საჭირო დოკუმენტაციის ჩამონათვალი ედიშერ მამალაძეს ჯერ არ მიუღია, თუმცა ფიქრობს, რომ CE მარკირება მაინც დასჭირდება.

“თუ ეს ხელშეკრულება გრძელვადიანი იქნება და რამდენიმე ასეულ ათას დოლარს გადააჭარბებს, ამ შემთხვევაში ღირს ხარჯის გაწევა რომ წავიდე რომელიმე ქვეყნის ლაბორატორიაში, რომელიც აკრედიტებულია ევროპული სტანდარტით და შევამოწმებინო ჩემი პროდუქცია, მაგრამ თუ ეს იქნება ერჯერადი, მაშინ აზრი არა აქვს, თავის თავს ვერ ამოიღებს. შეიძლება საერთოდ არ მოგვთხოვონ ეს სერტიფიკატი, ვინაიდან ჩამოვიდნენ, ნახეს წარმოება და მოეწონათ. თუ ეს სერტიფიკატი მოითხოვეს, ძალიან გააძვირებს პროდუქციას, ან ისინი უნდა მოვიწვიო აქ ან მე წავიღო პროდუქტი. სახელმწიფოს შეუძლია ამ შემთხვევაში აიღოს სერტიფიცრების დაფინანსება თავის თავზე (გრანტებით)”,-ამბობს კომპანიის სამეთვალყურეო საბჭოს ხელმძღვანელი.

კომპანიამ “საქკაბელი” ევროპის ბაზრისთვის ნელ-ნელა მომზადება დაახლოებით 2 წლის წინ დაიწყო, სამთავრობო პროგრამის “აწარმოე საქართველოში” დახმარებით ახალი დანადგარები შეიძინა, დანერგა ევროპული სტანდარტები, თანამშრომლები საზღვარგარეთ გაგზავნა გადასამზადებლად და საერთაშორისო სერტიფიკატებიც აიღო. მამალაძე ფიქრობს, რომ პირველ რიგში ადგილობრივ ბაზარზე უნდა იყოს სტანდარტულ საქონელზე მოთხოვნა, რომ ევროპელსაც გაუჩნდეს ნდობა საქართველოში წარმოებული პროდუქციისადმი.

“თუ ეუბნები რომ ჩვენ ქვეყანაში არანაირი სტანდარტი არ გვაქვს, მაშინ ის გეტყვის: შენ თუ არა გაქვს, ჩვენთან როგორ მოგაქვს სტანდარტული პროდუქცია?!. დღეს თოკი რომ შემოვიტანო საზღვარზე და ვთქვა, რომ კაბელია, შემიძლია განვაბაჟო ნებისმიერი სერტიფიკატის გარეშე და გავყიდო. ბევრი შემთხვევაა ასეთი და იწვევს ცუდ შედეგებს, პასუხისმგებელი არავინაა”,-ამბობს მამალაძე.

სეტიფიცირებასა და ადგილობრივი ბაზრის დაუცველობასთან ერთად “საქკაბლის” წარმომადგენელი ინდუსტრიულ სფეროში მოღვაწე მეწარმეებისთვის მთავარ პრობლემად ბაზრის მოძიებას ასახელებს.

“რთულია გაჯერებულ ბაზარზე შეხვიდე და რაღაც სეგმენტი დაიკავო, მითუმეტეს ასეთი პატარა ქვეყნიდან, როცა ამაზე მუშაობს მთელი ევროპა, აზია, თურქეთსაც აქვს თავისუფალი სავაჭრო შეთანხმება ევროკავშირთან და გაცილებით კონკურენტუნარიანია. ჩემთვის ძნელია, თუ ვინმე დამხმარე არ გვეყოლება”,-ამბობს მამალაძე.

ჰოლანდიური კვლევითი ინსტიტუტის (CBI) მიერ ჩატარებული კვლევის მიხედვით, მოკლე და საშუალოვადიან პერიოდში მუშახელისა და წარმოების ხარჯების ზრდა “ტექნოლოგიურად მდიდარ” ქვეყნებში, როგორიცაა გერმანია, შვეიცარია, ფინეთი და შვედეთი გამოიწვევს წარმოების აუთსორსინგს მუშახელით მდიდარ ქვეყნებში, რითაც შეუძლიათ ისარგებლონ ექსპორტიორებმა განვითარებადი ქვეყნებიდან. უცხოურ კომპანიებთან თანამშრომლობის პერსპექტივას რეალურად უყურებენ ქართველი მეწარმეებიც, თუმცა ამის წინაპირობად საკუთარი პროდუქტის ევროკავშირის ბაზარზე გატანას ასახელებენ.

“ეს ხდება მას შემდეგ, რაც გაიცნობენ კომპანიას, თუ შევედით საფრანგეთში და ევროკავშირის სხვა ქვეყნებშიც, იქაური მომხმარებელი გაგვიცნობს, ნდობა გაუჩნდება. სხვა ქვეყნებში გადააქვთ წარმოება იმიტომ, რომ იქ დიდია დაბეგვრა, მუშახელის ხელფასი, სხვა ბევრი ისეთი ხარჯია, რაც ჩვენთან არ არის, ჩვენთან წარმოების კუთხით საგადასახადო სივრცე დადებითია, ეს უნდა დაინახონ ნელ-ნელა”,- ამბობს ედიშერ მამალაძე.

“თუნდაც ერთი პროდუქტის გატანა ევროკავშირში და სერტიფიცირება კიდევ უფრო მეტ იმპულსს მისცემს სხვა კომპანიებსაც, რომ ევროკავშირის ბაზრისთვის აქ ვაწარმოოთ გარკვეული ელექტრონიკა. პერიოდულად გვაქვს შეხვედრები, “ინტელის” წარმომადგენელთან. გვინდა უახლოეს ხანებში შევქმნათ პრეცენდენტი, რომ ჩვენმა წარმოებულმა მსხვილმა საყოფაცხოვრებო ტექნიკამ, როგორიც ტელევიზორია, მიიღოს ევრო1-ის სერტიფიკატი, ამის შემდეგ შევძლებთ სხვა კომპანიებს, Toshiba, LG ვუთხრათ, რომ პირობითად, თურქეთის ბაზრისთვის საჭირო ელექტროტექნიკა აწარმოოს ჩვენთან. Samsung-მა რუსეთში ახლახან გახსნა ქარხანა და დსთ-ის ქვეყნებისთვის იქ დაიწყო წარმოება, ტელევიზორები, რომელიც ჩვენთან შემოდის, მთლიანად რუსეთშია აწყობილი. გვინდა ჩვენც გავიდეთ ასეთ კომპანიაზე”,- ამბობს სოსო მაზმიშვილი.

ინდუსტრიულ ნაწარმთან დაკავშირებით საქართველოს 21 ევროპული დირექტივა აქვს მისაღები (აქედან 6 სექტორული დირექტივა მიღებულია). ის დირექტივები, რომელიც ტელევიზორებს, LED ნათურებსა და კაბელებს მოიცავს, ჯერ ტექნიკურ რეგლამენტებად მიღებული არ არის, თუმცა მეწარმეებს შეუძლიათ ამ რეგლამენტში განსაზღვრულ სტანდარტებთან შესაბამისად აწარმოონ პროდუქცია. დანარჩენი 15 დირექტივის დანერგვა ასოცირების ხელშეკრულების ძალაში შესვლიდან 8 წელზეა გაწერილი. ორმხრივ აღიარებას ელოდება აკრედიტაციის ეროვნული ცენტრიც, რომელიც უკვე არის (EA-ს) ევროპის აკრედიტაციის თანამშრომლობის ასოცირებული წევრი, ამჟამად მიმდინარეობს მუშაობა ორმხრივი აღიარების ხელშეკრულებაზე, რომლის გაფორმების შემთხვევაშიც საქართველოში გაცემული შესაბამისობის დამადასტურებელი სერტიფიკატისადმი ნდობა ევროკავშირში გაიზრდება. როგორც აკრედიტაციის ეროვნული ცენტრის დირექტორმა eugeorgia.info-ს განუცხდა, ევროპის აკრედიტაციის თანამშრომლობის ექსპერტები ცეტრის სრულ შეფასებას სავარაუდოდ წლის ბოლოს ჩაატარებენ.

“ჩვენ გვაქვს ასოცირებული შეთანხმება, რომლის ფარგლებშიც ისინი ხელს უწყობენ ჩვენი გაცემული დოკუმენტების აღიარებას, ორმხრივი შეთანხმება (BLA) კი გაზრდის ამ აღიარების დონეს, მეტ სანდოობას გულისხმობს. თუმცა ელექტრონიკისა და სხვა ახალი მიდგომის დირექტივებით დარეგულირებული პროდუქტების შემთხვევაში ჩვენ მიერ BLA-ის ხელმოწერა საკმარისი არ არის, იმისთვის, რომ საქართველოში გაცემული დოკუმენტი ევროკავშირში პირდაპირ აღიარონ, დამატებით საჭიროა ე.წ. ACCA შეთანხმება (შეთანხმება შესაბამისობის შეფასებისა და ინდუსტრიული პროდუქტების აღიარების შესახებ), რომელიც ქვეყნებს შორის ფორმდება”,- ამბობს პაატა გოგოლიძე.

ე.წ. ACAA შეთანხმების (რომელიც ერთ ან რამდენიმე სექტორს მოიცავს) გაფორმება კი მხოლოდ მას შემდეგ იქნება შესაძლებელი, რაც ევროკავშირი დაადასტურებს, რომ საქართველოს შესაბამისი კანონმდებლობა, ინსტიტუტები და სტანდარტები სრულადაა დაახლოებული მის კანონმდებლობასა და სტანდარტებთან. ACAA უზრუნველყოფს მხარეებს შორის ვაჭრობას იმავე პირობებით, რაც გამოიყენება ამავე პროდუქციით ვაჭრობისას ევროკავშირის წევრ ქვეყნებს შორის. ACAA-ს ერთ-ერთი წინაპირობა აკრედიტაციის ცენტრის საერთაშორისო აღიარებააცაა.

 

ევროდირექტივები

CE- ევროპულ სტანდარტთან შესაბამისობის ნიშანი -მიუთითებს იმაზე, რომ ბაზარზე განთავსებამდე პროდუქტი
შემოწმდა და აკმაყოფილებს ევროკავშირის უვნებლობის, ჯანდაცვისა და გარემოს დაცვის მოთხოვნებს. 

ელექტრომოწყობილობები ევროპაში დარეგულირებულია სპეციალური დირექტივებით, აქედან, ყველაზე მნიშვნელოვანი დირექტივებია დაბალი ძაბვის მოწყობილობებისა (‘Low Voltage Directive’ (LVD)- და ელექტრომაგნიტური თავსებადობის შესახებ (The Directive on Electromagnetic Compatibility (EMC). ასოცირების შეთანხმების სამოქმედო გეგმის მიხედვით, საქართველოს ამ დირექტივების მისაღებად ვადა შეთანხმების ძალაში შესვლიდან 8 წლის განმავლობაში აქვს (2024 წლამდე). კიდევ ერთი მნიშვნელოვანი დირექტივა (RoHS-Restriction of Hazardous Substances) ელექტრომოწყობილობებში საშიში ნივთიერებების (სუბსტანციები) გამოყენებას არეგულირებს. საშიშ ნივთიერებებს შორისაა ტყვია, ვერცხლისწყალი, ექვსვალენტიანი ქრომი და კადმიუმი.

 

ხარისხის მენეჯმენტი

ევროპა სტანდარტების შესაბამისობით საზღვრავს რა ტიპის პროდუქტი უნდა მოხვდეს მის ბაზარზე. ევროკავშირის ბაზრისთვის რელევანტურია შემდეგი სტანდარტები:

1) ISO სტანდარტები: აღიარებულია მსოფლიოში და მოიცავს პროდუქტების ფართო სპექტრს.

2) EN- სტანდარტები: ევროპის სტანდარტიზაციის კომიტეტის მიერ შექმნილი და ჰარმონიზებული ევროკავშირის მასშტაბით. ISO სტანდარტები ხშირად ჰარმონიზებულია EN-სტანდარტებთან და გამოქვეყნებულია, როგორც EN სტანდარტები.

 

ტენდენცია ბაზრებზე

ევროკავშირში იზრდება მოთხოვნა ეკოლოგიურად სუფთა ელექტროპროდქციაზე. ეს პროდუქტები შეიძლება გაიყიდოს კომპანიის ან მესამე მხარის ეკომარკით, როგორიცაა EU Ecolabel, გერმანული მარკა ‘Blaue Engel’. ასევე, იზრდება მოთხოვნა ელექტროავტომობილებისთვის საჭირო პროდუქტებზე. კიდევ ერთი ტენდენცია უკავშირდება ხანშიშესული ადამიანების საჭიროებებს, როგორიცაა მათ უსაფრთხოებასთან, კომფორტთან ან განსაკუთრებულ საჭიროებებთან დაკავშირებული ელექტრომოწყობილობების/ პროდუქტების დამზადება.

 

ევროკავშირის ბაზარი

2014 წელს ევროპაში 174.6 მილიარდი ევროს ღირებულების ელექტროპროდუქტების იმპორტი განხორციელდა, აქედან 30% განვითარებად ქვეყნებზე მოდის.

ყველაზე მსხვილი მომხმარებლები და იმპორტიორები: გერმანია, იტალია, საფრანგეთი, დიდი ბრიტანეთი, უნგრეთი, ესპანეთი, პოლონეთი. იმპორტის სწრაფი ზრდა შეინიშნება ირლანდიაში, მალტაში, რუმინეთში, ხორვატიაში, ლატვიასა და ლიტვაშიც.

წამყვანი მწარმოებლები: გერმანია, საფრანგეთი, ესპანეთი, ბელგია, იტალია, ავსტრია, უნგრეთი.

მთავარი ექსპორტიორები: ჩინეთი (44%), მალაიზია, კოსტა-რიკა, ფილიპინები, ტაილანდი, ტუნისი, ინდოეთი, მექსიკა.

CBI-ის კვლევის მიხდევით, 2015-2020 წლებში ელექტროპროდუქტების წარმოება, ძირითადად, ავტომობილების, განათების მოწყობილობების, ენერგო და სამედიცინო ინდუსტრიების ხარჯზე იქნება. აზიის ქვეყნების (ჩინეთის გამოკლებით) და სხვა განვითარებადი ქვეყნების მნიშვნელობა კი გაუსწრებს განვითარებული   ქვეყნებს, როგორიცაა, იაპონიისა და ევროპის ქვეყნების წარმოება, ვინაიდან ევროპიდან წარმოება გადადის შედარებით დაბალხარჯიან რეგიონებში. ბოლო წლებში(2009-2014), მნიშვნელოვნად გაიზარდა ექსპორტი ისეთი ქვეყნებიდან, როგორიცაა კოსტა-რიკა და ტუნისი, ამის მთავარი მიზეზი ისაა, რომ დაბალი ხარჯების გამო ამერიკელმა მწარმოებლებმა კოსტა-რიკაში, ევროპელებმა კი ტუნისში გადაიტანეს წარმოება.


მაიკო გაბულდანი

წაკითხულია
5112
ელ. ფოსტის გაგზავნა

ამავე თემაზე:


ბლოგი

„კაპიტალი განსაზღვრავს წარმოებით ურთიერთობებს,“ – კარლ მარქსის ამ ზეცნობილი ფრაზით გილოცავთ კაპიტალიზმის კრიტიკოსებს თქვენი კერპის 200 წლის იუბილეს, და მსურს განვავრცო, რომ იდეოლოგიური განსხვავების მიუხედავად, არა თუ ვეთანხმები, მეტიც, მიმაჩნია, რომ სწორედ კაპიტალი უდევს საფუძვლად არა მხოლოდ წარმოებით, არამედ ნებისმიერი სახის ურთიერთობას სოციუმში, რომელიც პროგრესსა და განვითარებაზეა ორიენტირებული.

2019 წლამდე გადადოს საპენსიო რეფორმის დაწყება და მოამზადოს წინაპირობები კონსერვატიული (და არა სოციალურ-ლიბერალური) მოდელის შემოღებისთვის, იმ დათქმით, რომ დაგროვებითი და საბაზისო პენსიების სქემები ყოველთვის ერთმანეთის პარალელურად იარსებებს

40-წუთიანი დამქანცველი ჯანჯღარის შემდეგ, მწვერვალზე სრულიად ახალი, თვალუწვდენელი სივრცე გადაიშალა ჩვენს თვალწინ, როდესაც სოფელ გოგაშენში ამოვაღწიეთ

ახალქალაქს მორიგი დაგეგმილი ტრენინგის ფარგლებში ვესტუმრეთ. ამ ნაყოფიერ მიწაზე მშრომელი ფერმერები ცხოვრობენ. სწორედ აქ მოდის ქართულ ბაზარზე არსებული კარტოფილის, ბოსტნეულისა და მარცვლეულის დიდი ნაწილი. ბოლო პერიოდში ჩვენ მიერ ჩატარებული ტრენინგებიდან ეს შეხვედრა ყველაზე ინტერაქციული აღმოჩნდა. გამაკვირვა მათმა ცხოველმა ინტერესმა სიახლისადმი. ისინი მაქსიმალურად ცდილობდნენ მათთვის საინტერესო საკითხზე მიეღოთ რაც შეიძლება მეტი ინფორმაცია.

გასულ კვირას მაკედონიაში ნაციონალისტურად განწყობილ ადამიანთა ჯგუფი პარლამენტშიშეიჭრა. 200-კაციანი ბრბო, რომელთა შორისნიღბიანი მამაკაცები იყვნენ, სასტიკად გაუსწორდაწამყვანი მაკედონიური ოპოზიციურიპარტიის და ეთნიკური ალბანელების პარტიის ლიდერებს, მათ შორის ქალბატონს. ეს ორი პარტია აპირებდა ახალი უმრავლესობის შექმნას მაკედონიის პარლამენტში, რომლის სპიკერად ეთნიკურად ალბანელი პოლიტიკოსი აირჩიეს. პარლამენტში შეჭრილები, რომლებიც ქვეყნის ყოფილი პრემიერ-მინისტრისმომხრეები იყვნენ, ამ ფაქტის ასეთი სისხლიანი გზით ჩაშლას ცდილობდნენ.

მარტვილის რაიონის გამგებლის მოადგილე ყველაზე ძლიერ ოპონირებას გვიწევდა. მისი პირველივე ქმედება „ჰაკა“-ს ჰგავდა, რომელსაც გააფთრებული ახალზელანდიელი მორაგბეები მოწინააღმდეგე გუნდის მორალურად გასატეხად იყენებენ.

კონფლიქტის დაწყებიდან მეექვსე წელს ამერიკის შეერთებულმა შტატებმა ჩაურევლობის პოლიტიკა დაარღვია და ასადის რეჟიმის წინააღმდეგ იერიში პირველად 7 აპრილს, გამთენიისას მიიტანა.

ესტონური წარმატებული პოტიკის მაგალითების მოძიება შესაძლებელია თითქმის ნებისმიერ სფეროში, დაწყებული სახელმწიფო მმართველობიდან, დამთავრებული განათლების პოლიტიკით.

უცხო ქვეყნების კანონებისა თუ რეფორმების კოპირება განვითარების ერთი-ერთი პოპულარული და საქართველოშიც ხშირად გამოყენებადი რეცეპტია. ლოგიკა მარტივია - „საჭირო არ არის ველოსიპედის ახლიდან გამოგონება“. თუმცა, ეს მიდგომა ხშირად არ ამართლებს.

ევროკავშირთან სავაჭრო სივრცის გაფართოების შედეგად ყველა მოსალოდნელი დადებით ეფექტი მიიღწევა გრძელვადიან პერიოდში (5-10 წელიწადი), ხოლო ხარჯების გაღება გვიწევს დღეს, რათა შესაბამისობაში მოვიდეთ ევროკავშირის კანონმდებლობასთანდა საბაზრო მოთხოვნებთან. ისედაც დაძაბულ სოციალურ და პოლიტიკურ ფონზე ამან შესაძლოა საფრთხე შეუქმნას რეფორმების წარმატებით განხორციელებას. შესაბამისად, დაახლოების პროცესი უნდა იყოს თანმიმდევრული და პრიორიტეტები გათვლილი ისე, რომ ბიზნესს ჰქონდეს ზრდის სტიმული; ასევე, მნიშვნელოვანია ექსპორტზე ორიენტირებული დარგების კონკურენტუნარიანობის ამაღლება წახალისდეს. მეორე მხრივ, საქართველოში ევროკავშირის სტანდარტების დანერგვა მეწარმეობასა და ზოგადად ქვეყნის საინვესტიციო სივრცეში პირდაპირი უცხოური ინვესტიციების მოზიდვას და ევროპულ ბაზარზე წვდომას ხელს შეუწყობს. DCFTA-ს სარგებლის სრულად ასათვისებლად, ასევე, აუცილებელია სამუშაო ძალის ბაზრის ცვლილება, რომელიც ამჟამად თავმოყრილია ძირითადად დაბალმწარმოებლურ დარგებში.

მე ძალიან კარგად არ ვიცნობ მაგამედ სარიევს. მაქსიმუმ ორჯერ შევხვედრივარ, პირველად მარნეულში და მეორედ ერთი კვირის წინ გარდაბნის მუნიციპალიტეტში ამჯერადაც ევროკავშირთან სავაჭრო ხელშეკრულების (DCFTA) შესაძლებლობების შესახებ ტრეინინგზე. მაგამედი არც ოლიმპიური ჩემპიონია და მისი ფოტოები არც საჯარო თავშეყრის ადგილებშია გამოფენილი, თუმცა ის რომ საუკეთესო მოქალაქეა, ამ ფაქტს წყალი არ გაუვა!

კეთილდღეობის ეკონომიკის ერთ-ერთი პრინციპია, რომ ზოგიერთ გადასახადს შესაძლოა უკუგავლენა ჰქონდეს ინდივიდების მოტივაციაზე- შექმნან დოვლათი. თუმცა, თუ გადასახადებიდან მიღებული თანხა საკმარისი არ არის ხარისხიანი ინფრასტრუქტურისა და საჯარო სერვისების დასაფინანსებლად, ამანაც შეიძლება დააზარალოს ეკონომიკა.

ინსტიტუტების განვითარებას არა მარტო პროფესიონალების, პოლიტიკური და ეკონომიკური ელიტების სწორად მიმართული შრომა და გადაწყვეტილებები, არამედ მოსახლეობის დამოკიდებულებებისა და ფასეულობების შეცვლაც სჭირდება.

ფერმერებთან ჩვენი შეხვედრის დროს სულიად მოულოდნელად აღმოვაჩინეთ მსმენელებს შორის ორი “თინეიჯერი” ბიჭი; მომავალი ფერმერები მამასთან ერთად გამალებით იწერდნენ პრეზენტაციის დროს მიწოდებულ ყველა ინფორმაციას თაფლის წარმოების არსებული შესაძლებლობების, პრობლემებისა და გამოწვევების შესახებ.

მას შემდეგ, რაც საქართველომ დამოუკიდებლობა მოიპოვა, მთავრობები, პოლიტიკური პარტიები, ექსპერტები, თუ იდეოლოგები გვპირდებიან საქართველოს ეკონომიკურ გაბრწყინებას, რეცეპტად კი ბორჯომის გაყიდვიდან დაწყებული დაბალი გადასახადებით დამთავრებული არაერთ იდეას თუ თეორიას ასახელებენ. ასე გრძელდება 25 წელია და, მართალია, 90-იანი წლების სიდუჭირიდან მოსახლეობის დიდი ნაწილი გამოვიდა, გაბრწყინებამდე ჯერ კიდევ ბევრი გვიკლია.

გუგენჰაიმში აგნეს მარტინმა, MoMA-ს თანამედროვე ხელოვნების ფილიალმა (PS1) ნიუ-იორკში, ჩიკაგოს ხელოვნების ინსტიტუტმა და ჩიკაგოს თანამედროვე ხელოვნების მუზეუმმა კიდევ ერთხელ დამარწმუნა, რომ არ არსებობს გამოხატვის უღირსი საგნები, აღქმები, მოვლენები თუ ამ მოვლენების ინტერპრეტაციები.

სამი წლის წინ ამერიკელმა ჟურნალისტმა ენ ბერნარდმა National Geographic-ისთვის მომზადებულ რეპორტაჟში შემდეგი სიტყვები დაწერა: „თუ დაეცემა დამასკო, დაეცემა სირიაც.“ ომის დაწყებიდან, თითქმის, ექვსი წლის თავზე პრეზიდენტ ბაშარ ალ-ასადის ციტადელად ქცეული სირიის დედაქალაქი გადარჩა, ხოლო ალეპომ, სიდიდით მეორე უძველესმა ქალაქმა და ომამდელი სირიის ბიზნესცენტრმა, დაცემა 2012 წლიდან (სამოქალაქო ომის დაწყებიდან ერთ წელიწადში) დაიწყო, თუმცა, მაინც ბევრს გაუძლო გარდა რუსეთის ავიაიერიშისა.

ციდან ალბათ ყველაზე კარგად ჩანს გერმანული რაციონალიზმი, მიწის და განახლებადი ენერგიიის ათვისება (გუშინ მხოლოდ მიუნხენიდან ფრანკფურტამდე მგზავრობისას 500-ზე მეტი ქარის წისქვილი დავთვალე), ტყის ფართობების და სასოფლო-სამეურნეო სავარგულების ეს რაღაც განსხვავებული სიმეტრიით მონაცვლეობა და, მთლიანობაში, ეს განსხვავებულად დავარცხნილი რელიეფი.

გაძვირებული საიმპორტო ავტომობილების ფასი (გამოწვეული აქციზის ზრდით), სავარაუდოდ, გაახანგრძლივებს საქართველოში არსებული ავტომობილების „ექსპლუატაციის“ ვადას. შესაბამისად, ტექნიკური შემოწმების შემოღების ვადებისა და პირობების გაურკვევლობის პირობებში, შესაძლოა, ტექნიკურად არც ისე სახარბიელო მგომარეობაში მყოფმა ქართულმა ავტოპარკმა გაიხანგრძლივოს მავნე აირებისა და უსიამოვნო ინდუსტრიული ხმების „გამობოლქვის“ პერიოდი.

В шестидесятые годы прошлого века Ферруччо получил от продажи тракторов бόльший доход, чем планировалось, и исполнил свою мечту: поставил в свой гараж новенькую «феррари». Вторая часть этой истории намного интереснее. «Феррари» не оправдала ожиданий Ферруччо. Ферруччо, не раздумывая, явился прямо к Энцо Феррари, чтобы обсудить недостатки машины, он высказал свое мнение и предложил помощь в решении проблем...

გასული საუკუნის სამოციან წლებში ფერუჩომ ტრაქტორების გაყიდვით დაგეგმილზე მეტი შემოსავალი მიიღო და ოცნებაც აისრულა: საკუთარ ფარეხში ახალთახალი «ფერარი» დააყენა. ამ ისტორიის მეორე ნაწილი გაცილებით საინტერესოა.

სადღეგრძელოებზე ჩემმა ბლოგმა იმაზე გაცილებით მეტი ვნებები და კონტრასტული რეაქციები გამოიწვია, ვიდრე ველოდი: მკვეთრად უარყოფითი ძირითადად უფროსი თაობის მხრიდან და მკვეთრად დადებითი ახალგაზრდა და საშუალო ასაკის ხალხის მხრიდან. მკვეთრად უარყოფითი დამოკიდებულების მქონე ადამიანებმა დაიწყეს პირადად ჩემი და ჩემი ქართველობის ლანძღვა კომენტარებში თუ პირად მიმოწერაში, ხოლო მკვეთრად დადებითი დამოკიდებულების მქონე ადამიანებმა -- ჩემი ქება მაღალი მოქალაქეობრივი თვითშეგნების გამო, რამაც გადამაწყვეტინა მეთქვა (ამჯერად უკვე საბოლოოდ), რატომ არ ვეთანხმები არცერთ მხარეს. როცა ვნებები დუღს, როგორც ამბობენ, ჭეშმარიტება ორთქლდება (არა, იმის თქმა არ მინდა, რომ მე ვიცი ჭეშმარიტება).

ბოლო შვიდი წელია ქართულ სუფრაზე არ ვყოფილვარ, სანამ გუშინ ძირითადად ახალგაზრდებისგან შემდგარ ჯგუფთან ერთად არწივის ხეობაში და ხორნაბუჯზე ლაშქრობის შემდეგ ერთ რესტორანში მათთან ერთად არ აღმოვჩნდი. მოკლედ, ამ ადამიანების ასაკმა და განათლებამ მაფიქრებინა, რომ ეს ხალხი არ დალევდა იმ სადღეგრძელოებს, რის გამოც ქართულ სუფრებს გავურბივარ. მოლოდინი არ გამართლდა. ამ სუფრაზეც შეისვა „საქართველოს გაუმარჯოს”, ჩვენი სიყვარულის (იგულისხმება სუფრაზე მსხდომნი), მეგობრობის და ხვალინდელი დღის სადღეგრძელოები. ამ სადღეგრძელოებს გვთავაზობდა ერთ-ერთი ჩვენი თანამოლაშქრე ბიჭი, რომელმაც თქვა მე თამადა არ ვარო, თუმცა ტრადიციული თამადისგან მხოლოდ იმით განსხვავდებოდა, რომ დალევას არ გვაძალებდა.

პანკისი - სტერეოტიპების მსხვერპლი ულამაზესი კუთხე

გამარჯობა, მინდა ეს ბლოგი დავწერო ქართული მატყლის პრობლემაზე და თხრობა დავიწყო ახლო წარულიდან, ასევე გაგაცნოთ მატყლის პრობლემის მოგვარების უელსური მოდელი.

უიმედო და არაინფორმირებული გურულები 6 ივლისს ლანჩხუთის მინუციპალიტეტის სოფელ ჯურუყვეთში ვნახე. არაინფორმირებული ევროინტეგრაციის პროცესებზე, უიმედო თავიანთი სოციალური მდგომარეობით.

აბორტის უფლება ერთ-ერთი მნიშვნელოვანი პოსტულატია ადამიანის უფლების კონვენციაში. გაეროს CEDAW-ს კომიტეტის დეკლარაციაში წერია: „გაეროს წევრმა ქვეყნებმა ხელი უნდა შეუწყოს ჯანდაცვის სფეროში ქალის მიმართ ყველანარი დისკრიმინაციის აღმოფხვრას, ქალის და კაცის უფლება თანაბრად უნდა იყოს დაცული და ქალებს უნდა ქონდეთ წვდომა ჯანდაცვის სერვისებზე, ოჯახის დაგეგმარების ჩათვლით“.

Brexit -ის მოწინააღმდეგები მოსახლეობას აფრთხილებდნენ უპირატესად ეკონომიკური შედეგების თაობაზე: ბრიტანეთის ფინანსთა სამინისტროს პროგნოზით, Brexit-ის შემდგომ ყოველი ბრიტანული ოჯახი 4300 ფუნტს დაკარგავს წელიწადში 2020 წლისათვის იქნება სავარაუდოდ, 100 მილიარდი ფუნტის ეკონომიკური ზარალი. 950 000 სამუშო ადგილს შეექმნება საფრთხე. პროფესიული გაერთიანებების ვარაუდი უფრო დრამატულია: 4 მილიონი სამუშაო ადგილი საფრთხის ქვეშაა, განსაკუთრებით კი, ექსპორტთან დაკავშირებულ სფეროებში, საავტომობილო და ქიმიურ ინდუსტრიაში. ბევრი ფირმა კონტინენტურ ევროპაში გადავა. შემცირდება პირდაპირი ინვესტიციები.

ბატონი სერგო ქალაქ თელავიდან თან რეალური პიროვნებაა და თან კრებითი სახელია იმ ადამიანებისა, რომლებიც ევროინტეგრაციის მიმართულებით ინფორმაციულ შიმშილს განიცდიან.

გერმანიაში მმართველი კოალიციის პარტიების: CDU -სა და CSU- ს ცალკეული პოლიტიკოსები სკეპტიკურად არიან განწყობილნი, რამდენად გონივრულია საქართველოსთვის ვიზალიბერალიზაციის მინიჭების თაობაზე ევროკომისიის გეგმა. მათ არგუმენტად მოჰყავთ ქართული კრიმინალური დაჯგუფებების მზარდი მასშტაბი და გავლენები ევროპაში, ამასთან, საქართველოს მოქალაქეების მიერ ლტოლვილის სტატუსის ბოროტად გამოყენების ტენდენციად ქცეული ფაქტები. ეს არგუმენტები რეალობაში საფუძველს მოკლებული როდია, მაგრამ სწორედ ამ თემის წამოწევა საქართველოს სახელმწიფოსათვის ეგზისტენციალურად მნიშვნელოვანი საკითხის გადამწყვეტ ფაზაში აღაშფოთებს ქართულ საზოგადოებას:

„სურსათის უვნებლობა ევროკავშირმა რომ არ მოგვთხოვოს, ისე არ უნდა გვქონდეს“? - ეს რეპლიკა მესტიაში ჯერ კიდევ “გაუხურებელი” ტრენინგის მიმდინარეობის დროს ადგილობრივმა ზაზა დევდარიანმა “გვესროლა”.

პილოტმა დაშვება გამოაცხადა. ქვევით თვალი მომჭრა აღმოსავლეთსა და უდაბნოს კლიმატისთვის უჩვეულო სიმწვანემ, რომელიც თელ-ავივის აეროპორტის ზოლამდე მთელი 20 წუთის განმავლობაში არ დასრულებულა. გაოცებამ დროებით გადამავიწყა „აირზენას“ ღარიბული, უგემური მენიუ და ლამაზი, მაგრამ უჟმური და მოძველბიჭო სტიუარდესა. - ყვავის ყველაფერი, - მითხრა სიამაყით გვერდით მჯდომმა შუახნის მამაკაცმა, რომელიც საქართველოდან ისტორიულ სამშობლოში ღრმა ბავშვობაში გადასახლდა.

ცოტა ხნის წინ გავრცელდა ინფორმაცია "ჩერნომორენერგოს" დირექტორის, ასლან ბასარიას განცხადების შესახებ, რომელსაც ენგურჰესის დირექტორის ლევან მებონიაც ადასტურებს და რომლის მიხედვით ენგურჰესის მიერ გამომუშავებული არცერთი კილოვატი ამ ეტაპზე საქართველოს არ მიეწოდება და მთლიანად აფხაზეთს მიაქვს, ხოლო ზამთრისა და გაზაფხულის პერიოდში წაღებული ელექტროენერგიის რაოდენობა გამომუშავებულის 80%-ს შეადგენს.

არავის უკვირს ის ფაქტი, რომ რადიკალური ისლამის წარმომადგენელები მკაცრად აკრიტიკებენ დემოკრატიას, რადგან ის შარიათის სულთან შეუთავსებელ პოლიტიკურ პრაქტიკად, ზნეობრივი გარყვნილებისა და ქაოსის წყაროდ მიაჩნიათ. საკვირველი ისაა, რომ დემოკრატიას რელიგიის სახელით ქრისტიანებიც არ წყალობენ.

გასული წლის ბოლოს საქართველოს გაზმომარაგების გაზრდის საკითხმა არათუ აქტუალურობა შეიძინა, არამედ გადააჭარბა ყველანაირ მოლოდინს და უკვე ერთგვარ მძაფრსიუჟეტიან სერიალად იქცა “გაზპრომის” მთავარ როლში მონაწილეობით.

ქართველ მორწმუნეთა და სასულიერო პირთა გარკვეულ წრეში სიტყვა „ლიბერალიზმი“ ძალიან უარყოფითი რენომეთი სარგებლობს. ჩემი აზრით, ამას სამი უმთავრესი მიზეზი აქვს. პირველი, ესაა რუსული რელიგიური ლიტერატურა, რომლებიც „რომის მესამე იმპერიის“ სულისკვეთების მქონე ავტორების მიერაა დაწერილი, რომლებსაც ყველანაირი ლიბერალური აზრი, რომელიც ეჭვის ქვეშ აყენებს რუსული იმპერიის მართლმადიდებლურ მისიას, თავად მართლმადიდებლობის საწინააღმდეგო ძალად მიაჩნიათ; მეორე, ზოგიერთი ლიბერალის აგრესიული, ანტიეკლესიური პოზიცია, რომელიც სულაც არ გამომდინარეობს კლასიკური პოლიტიკური ლიბერალიზმის ბუნებიდან და აქედან გამომდინარე, თავად ამ ლიბერალის ბრალია და არა ლიბერალიზმის; მესამე, ზოგადად ლიბერალიზმის მოწინააღმდეგენი კარგად არ იცნობენ კლასიკური, პოლიტიკური ლიბერალიზმის ბუნებას.

ახალციხის რაიონში მცხოვრებ ერთ-ერთ მეფუტკრეს, რომელიც ევროპაში ქართული თაფლის ექსპორტისთვის საჭირო მოთხოვნებზე ინფორმაციას ეძებდა, სურსათის ეროვნულ სააგენტოში "ურჩიეს", რომ ევროკავშირში თაფლის შეტანაზე ფუჭ ოცნებას თავი დაანებოს და ცოტა უფრო პრაგმატულ-მიწიერი საქმით დაკავდეს.

ახლო აღმოსავლეთსა და სირიაში შექმნილი ვითარება შედეგია ცივილიზაციურ - რელიგიური კონფლიქტების გაღვივების, რომლებიც ემყარება საუკუნეების მანძილზე ჩამოყალიბებულ ეთნო-რელიგიურ რწმენებს და რომელთა გაღვივება ხდება გლობალური და რეგიონული პროცესების ფონზე.

კოლონიალიზმის ეპოქაში ევროპელები ცდილობდნენ ანდებში ოქროს ქალაქისთვის მიეგნოთ, მაგრამ ელდორადოც და ინკების პაიტიტიც მხოლოდ ლეგენდად დარჩა, ისევე როგორც საყდრისის 5-ათასწლოვანი მაღარო, რომლის შესახებაც უკვე ვეღარაფერს შევიტყობთ.

ხანგრძლივი დავა ე.წ. მოსმენების კანონთან დაკავშირებით დასრულებულია, ვეტოც დაძლეულია და დიდი ძმაც მზადყოფნაშია, რომ მუდამ გვიყუროს, გვისმინოს და განაჩენი გამოიტანოს.

მრავალი ქვეყნის გამოცდილების მიხედვით, სწორედ სადაზღვევო სფეროა ის სეგმენტი, რომელსაც შეუძლია რომ თავისი შემოსავლებიდან საგზაო უსაფრთხოებისთვის დაფინანსება გამოყოს და ეს თანხა ტრანსპარენტულად დახარჯოს გზების კეთილმოწყობასა და საგზაო უსაფრთხოებაზე მიმართულ სხვა კონკრეტულ პროექტებზე.

პირველად გადავწყვიტე ნახევრად პირადული და შეიძლება ცოტა არ იყოს თვითმაამებლური ჩანაწერის გასაჯაროება

უჩა სეთური, ინფორმაციის თავისუფლების განვითარების ინსტიტუტის (IDFI) ექსპერტი

"მორიგი ბლეფი" - ასე აფასებდნენ დღეს პროგრამას "აწარმოე საქართველოში"

სტრატეგიულად მნიშნელოვანი გეოგრაფიული მდებარეობის გამო საქართველოს მთელს კავკასიაში და მის ფარგლებს გარეთაც საკვანძო სატრანზიტო ფუნქცია აკისრია. ამის გამო, სატრანსპორტო ინფრასტრუქტურის და სატრანსპორტო საშუალებების გაუმჯობესება აუცილებელი წინაპირობაა ქვეყნის ეკონომიკური და სოციალური განვითარებისთვის.

ევროპასთან ასოცირების შესახებ შეთანხმებაში განსაკუთრებული ყურადღება ექცევა სატრანსპორტო საშუალებების უსაფრთხოების პირობების დაცვას: ავტომობილის გამართულობას, მძღოლების კვალიფიკაციას და მათ მიერ სამუშაო და დასვენების საათების მკაცრ დაცვას.

ერთხელ ერთმა ჩემმა ნაცნობმა ჟურნალისტმა, რომელიც შარშან კოლუმბიის უნივერსიტეტის ტრენინგზე გავიცანი, სოციალურ ქსელ Twitter-ზე დაწერა, რომ ამერიკის შეერთებული შტატების მადლობელია, რადგან მან, ნეპალელი ემიგრანტების შვილმა, მისი წილი ამერიკული ოცნება უკვე აიხდინა.

ადვოკატირება

შეხვედრა საღამოს 6 საათზე , www.eugeorgia.info-ს ოფისში დავნიშნეთ. ჩვენი ჯგუფი პირველად უნდა შეხვედროდა ახალციხის რაიონში, სოფელ ანდრიაწმინდაში მცხოვრებ მეყველეს - გალინა ინასარიძეს და მის შვილს - რუსლანს. თავდაპირველად, შეხვედრის მიზანი ერთმანეთის გაცნობ

"კვლევითი ჟურნალისტიკის და ადვოკატირების ცენტრი" ახორციელებს პროექტს, რომლის ფარგლებშიც ვეხმარებით მცირე და საშუალო ბიზნესს

რჩეული სტატიები

ევროკავშირში 1 კგ ბიო ჟოლოს საცალო ფასი 100 ევროს აჭარბებს, თუმცა, როცა კენკრის ბაღის გაშენება გადაწყვიტა, გიორგი კორელი, ძირითადად, მაინც ადგილობრივი ბაზრით მოიხიბლა. როგორც ახალგაზრდა ფერმერი ამბობს, ჟოლო საქართველოში საკმაოდ მოთხოვნადი პროდუქტია და ყოვ

ევროკავშირის წარმომადგენლებმა საქართველოში თაფლის წარმოების ინდუსტრია შეამოწმეს და მიიჩნიეს, რომ სწორედ თაფლია ის ერთ-ერთი სტრატეგიული პროდუქტი, რომელსაც თხილისა და ღვინის კვალდაკვალ ევროკავშირის ბაზარზე შესვლის რეალური პერსპექტივა აქვს.

ამერიკული ლურჯი მოცვი, რომელიც გურიისა და აჭარის მაღალმთიანეთის კლიმატურ პირობებს კარგად შეეგუა, უნიკალური თვისებების გამო მსოფლიო ბაზარზე დიდი მოთხოვნით სარგებლობს. საქართველოში მოყვანილი 12 ტონა ლურჯი მოცვი დიდი ბრიტანეთის ბაზარზე წელს პირველად შევიდ

ევროკავშირი სოფლად მცხოვრები მოსახლეობისთვის ახალ საგრანტო პროგრამას იწყებს. ევროპის სამეზობლო პროგრამა სოფლის მეურნეობისა და სოფლის განვითარებისთვის - ENPARD-ის ფარგლებში დაფინანსებას მიიღებს ის, ვისაც სოფლად აგროწარმოების ალტერნატიული ეკონომიკური საქმი

პაატა მოგელაშვილს ხეხილის ბაღი 20 ჰა-ზე გორის რაიონის სოფელ ვარიანში აქვს გაშენებული. მეურნეობას უკვე რამდენიმე წელია ძმებთან ერთად უძღვება. ბაღი გააახლეს - "სინაფის" და "ჩემპიონის" ვაშლის ნერგები თანამედროვე ჯიშებით - "გრანი სმიტით", "ჯონათი" და "გოლდენ

ღრმა და ყოვლისმომცველი თავისუფალი სავაჭრო სივრცის შესახებ შეთანხმება (DCFTA) პირველი სექტემბრიდან შევიდა ძალაში, რაც იმას ნიშნავს, რომ ევროკავშირიდან შემოტანილ და საქართველოდან ექპორტირებულ 9 ათასზე მეტი დასახელების პროდუქციაზე საბაჟო გადასახადი გაუქმდა

ევროკავშირში თავისუფალი გადაადგილება, გარანტირებული სამუშაო თუ ევროპულ უნივერსიტეტებში სწავლის გაგრძელების შესაძლებლობა? მითები არამხოლოდ ევროკავშირთან ასოცირების შეთანხმებაზე, არამედ ვიზის ლიბერალიზაციასთან დაკავშირებითაც არსებობს. ევროპაში თავისუფლად გ

1 კგ - 30 ლარი- ამ ფასად შეგიძლიათ იყიდოთ სატაცური წელს ქართულ საცალო ქსელებში. ცხოვრების დონის გათვალისწინებით, ბოსტნეულს თამამად შეუძლია დელიკატესებს შორის თავისი ადგილი დაიკავოს. თუმცა, როგორც ექსპერტები აცხადებენ, ფასს არც მისი თვისებები ჩამორჩება.

ქალი მეწარმეების ხელშეწყობის მიზნით, ევროპის რეკონსტრუქციისა და განვითარების ბანკი საქართველოში ახალ პროგრამას იწყებს. EUGeorgia.info დაინტერესდა, რამდენად ხელსაყრელია პირობები და რას ფიქრობენ პროგრამასთან დაკავშირებით თავად ქალი მეწარმეები.

„ღვინის პირველი პარტია დანიაში 2006 წელს გავიტანეთ. შემდეგ დანიას ინგლისი, საფრანგეთი, იტალია და შვედეთი დაემატა.

banner
banner
banner